MAWOOKIONYI 13:16 - Bibilia Kui Mdedie fo Kimochi

¹⁶ Njechipfumbutsa luwa lyapfo cha kiluli; na kokoya mndu kechiidima iitala kiluli, na luwa lyapfo nawo nechiidima iliitala.

MAWOOKIONYI 13:16 ပူးပေါင်းရင်းမြစ်များ

MAWOOKIONYI 15:5

Kamwiitsa na nja, kahamba, “Keambuya ipfo ruwehu wulalu, keitala nyenyeri, kokoya kochiidima itsiitala. Kammbia nyi wudo oshari lopfo lochipfumbuka.”

MAWOOKIONYI 16:10

Malaika o Mndumii-Ruwa kambia, “Nkya lohi njechipfumbutsa oshari lopfo, chandu wechifo wechiwa iitalapfo.”

MAWOOKIONYI 17:16

Na inyi njechimbikia ona, na njechikuinenga mana ipfo koke. Ee-da, njechimbikia ona, nao nechiwa mayo o mkambo ya wandu na wamangi wa mbaṟi tsa wandu nyi ipfo koke wechiwuka.”

MAWOOKIONYI 17:2

Njechiwika mkundana foko kiidi kyako inyi na iyo na inyi njechikupfumbutsa mnu nakamu.”

MAWOOKIONYI 17:20

Na kya Isameli ngamekuicho, ambuya njechimbikia ona, njechimpfumbutsa, njechimwengeṟa mnu na kamu; Nechifee wamangi ikumi na wawi na inyi njechimbika nawe mkambo sa mnene.

MAWOOKIONYI 17:6

Njechikutana uwade kishari king'anyi mnu na kamu, njikutana nowe mkambo, na wamangi nyi ipfo kopfo wechiwuka.

MAWOOKIONYI 18:18

Abrahamu mndu akaa nawe mkambo fung'anyi, ngohoda, na ipfo koke mkambo ya wandu wose wuyanenyi mpfondo wecha iwikio ona?

MAWOOKIONYI 21:13

Nao manachu o kisinga njechimhaluo mkambo fo wandu, kyamba nao na luwa lyapfo.”

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

MAWOOKIONYI 28:14

Na oshari lopfo lochiwa cha kilulyi kya wuyanenyi, na iyo nochikuala wokia ora lo kyukanyi, na lo ngamenyi na ora lo nuka na lo mtsudu; na ipfo kopfo na ko wana wapfo mbaṟi tsa wa wuyana mpfondu wechicha iwikio ona.

MAWOOKIONYI 28:3

Na Ruwa ichu Menyi pfinya nakuwikie ona, nakupfumbutse na ikuengeṟa, kundu nowe mamwingi fo mkambo ya wandu.

MAWOOKIONYI 32:12

Na iyo kulehamba, ‘Nkya lohi njechikuwutia mecha, na inyi njechipfumbutsa ufee wopfo wufo cha msanga fo ipalyipalyinyi fuleewa iitala kyamba fufoi.’”

MAWOOKIONYI 32:13

Kakaapfo kio kilya. Kiidima kaira shindo maata awewode, shiwe sha nnga ko manomae Esau.

MAWOOKIONYI 35:11

Ruwa kambia, “Inyi nyi Ruwa menyi pfinya, pfumbuka noengeṟeke; nowe mkambo na mamwingi fo mkambo fo wandu wechiwuka kopfo, na wamangi wechiwuka shitsinyi shapfo.

MAWOOKIONYI 46:3

Kahamba, “Inyi nyi Ruwa, Ruwa o ndeo, kulaowuo isoka tane Misri; cha kipfa njechikuhaluo nowe mkambo fung'anyi kulya Misri.

1WAMANGI 3:8

Ambuya, na inyi kisinga kyapfo njii kiidi kya wandu wafoi walechiwa italo ma imanyika washikie itala lida, kipfa nyi wafoi.

1WAMANGI 4:20

Kyasia, wandu wa Yuda na Israeli wawefoi cha msanga fo mṟingenyi, wakalya, wakanyo, wakachihiyo.

2WAMANGI 13:23

Mndumii-Ruwa, kawasaṟia kawaichio wukiwa, kawaambuya, kipfa kya mkundano foke na Abrahamu na Isaka, na Yakobo, ma nalakunde iwarumatsa, ma nalawakumbe kuleshe na kyamu kyake.

1MBONYI TSA MAHERI 21:5

Kainenga mangi Dawidi maitala ha wandu wasoṟo Waisraeli sa wechiidima iwa walemali nyi milionyi imu na shiku ihana (1,100,000). Na wasoṟo wa Yuda wechiidima ikapana shida nyi shiku mahana hana na makumi mfungade (470,000).

1MBONYI TSA MAHERI 27:23

Mangi Dawidi aleitala wandu walaweshikie maka makumi hawi pfo, cha kipfa Mndumii-Ruwa nawewikie kyasa ke nechipfumbutsa wandu wa Israeli cha nyenyeri tsa ruwehu.

2MBONYI TSA MAHERI 1:9

Wulalu kinjiwaṟi njichilie wandu wa wose, wafoi cha kiluli kya oruka. Nyi ngakuterewa uwe mhendeli o kyasa kyapfo uleinenga Dawidi ndeye oko.

YOBU 5:25

Oshari lopfo luwepfumbuka, wafo cha maṟa ha mdemenyi.

IWUKA 1:7

Na wana wa Waisraeli wawekepfumbuka mnu, na iengeṟeka wakafo wakawada pfinya, wakaichuṟa oruka lulya.

IWUKA 32:13

Kumbuowo Abrahamu, na Isaki, na Israeli, waṟundi wapfo, sa kulewalyiia nyamu kui mrima fopfo, na iwawia, “Njechipfumbutsa kishari kyanu cha nyenyeri tsa ruwehu; na orukalu lose njilededa kyalo njechiinenga kishari kyanu, nawo wechiluoṟa mlungana.”

YEREMIA 33:22

Chando nyenyeri tsa nginehu na msanga fo mbai ya ipalyipalyi fulechiwa itala, nyi wudo njechiengeṟa itala lya wufee wo mṟundi oko Dawidi na wakohanyi wa kishari kya Lewi na wudo wechiengeṟeka.”

MAITALA 23:10

Nyiu echiidima iitala mfoeṟa fo wandu wa Yakobo, ang'u ilasha mamiingi fo Waisraeli? Leka njipfe opfu lo waharami, mtsitsionyi foko fukekuwiia cha fowo.”

NGUMBUO YA MAWAWASO 1:10

Mndumii-Ruwa, Ruwa onu, amemupfumbutsa; inu mofo cha nyenyeri tsa ruwehu.

WAEBRANIA 11:12

Nkyo kimaduma ko ichu umu kuwepaṟikye luwa lifoi cha nyenyeri tsa ngine-hu na cha mbuṟusanga fo ohambehu lo nduwa ya wuyana fulawa italo, nao alepfa kui ifee.

OTAMBAHALUO LO YOHANE 7:9

Kiidima ngaambuo. Ngawona mamwingi fung'anyi fulaweidima iitalo nyi mndu, fuumsanze fuwukye mkambonyi yose na njosharinyi na mbaṟinyi na mdedyenyi. Wawehoṟoki oshangunyi lo loṟika lulya na lo Kidahina ki waweṟee mṟae mwili wawewode makangachi mawokonyi hawo.

WACHILI 6:3

Orio kiheri Waisraeli wawaaya mbeu mademenyi hawo, Wamidiani, Waameleki na wandu wengi wa ora lo ngamenyi wawekecha iwatuura na iwalisa wukiwa.

WACHILI 6:5

Wakituwa waweichiwie icha wafoi cha mamiingi fo nzihe, hamu na mbe na ngamia tsawo na isamia oruka lu lo Israeli cha lowo, itane oruka lonyamaṟika kipfa kya mfoeṟa fo wandu walawa italo.