MAWOOKIONYI 12:2 - Bibilia Kui Mdedie fo Kimochi

² na inyi njechikutana iyo uwe mkambo fung'anyi na ikuwikia mboṟa na ing'anyisha rina lyapfo, na iyo nowe mboṟa:

MAWOOKIONYI 12:2 ပူးပေါင်းရင်းမြစ်များ

MAWOOKIONYI 13:16

Njechipfumbutsa luwa lyapfo cha kiluli; na kokoya mndu kechiidima iitala kiluli, na luwa lyapfo nawo nechiidima iliitala.

MAWOOKIONYI 15:5

Kamwiitsa na nja, kahamba, “Keambuya ipfo ruwehu wulalu, keitala nyenyeri, kokoya kochiidima itsiitala. Kammbia nyi wudo oshari lopfo lochipfumbuka.”

MAWOOKIONYI 17:20

Na kya Isameli ngamekuicho, ambuya njechimbikia ona, njechimpfumbutsa, njechimwengeṟa mnu na kamu; Nechifee wamangi ikumi na wawi na inyi njechimbika nawe mkambo sa mnene.

MAWOOKIONYI 18:18

Abrahamu mndu akaa nawe mkambo fung'anyi, ngohoda, na ipfo koke mkambo ya wandu wose wuyanenyi mpfondo wecha iwikio ona?

MAWOOKIONYI 18:19

Ote, kyamba njimwichi ke nechiwawasa wana wake, na wa kanyi koke wechimwituma wawade njia ya Mndumii-Ruwa, wawute sha wusumhanyi, na wuhoṟotsu, kundu Mndumii-Ruwa nao naawutsie Abrahamu shiasa shake.”

MAWOOKIONYI 19:29

Nalyo kikawa Ruwa kekinyamaṟa mṟi iya ya kulya pichinyi, Ruwa kakumbuo Abrahamu, kawutapfo Loti kulya orumatsonyi lilya mandi awerumatsa mṟi iya Loti awekekaa.

MAWOOKIONYI 24:1

Kyasia Abrahamu nawei mmeku o maaka ifoi, na Mndumii naweinengie Abrahamu osu lo shindo shose.

MAWOOKIONYI 24:35

na Mndumii-Ruwa nalesaṟia mnu mndumii oko, nalewa mndu mnene; kamnenga machondi, na mmbe, na pesa, na sahapu na masinga, na shisinga, na ngamia, na nzoi.

MAWOOKIONYI 25:11

Nahong'u, Abrahamu amepfa, Ruwa kawikia mana oke Isaki mboṟa. Nao Isaki kakaa kufui na Beer-lahai-roi.

MAWOOKIONYI 26:3

Kaa wuhenunyi wo ipfo orukenyi, na inyi njechikaa hamu na iyo, na ikuwikia mboṟa, kyamba njechikuinenga njorukatsi iyo na luwa lyapfo. Na inyi njechiwanza nyamu iya njileliia ndeo Abrahamu.

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

MAWOOKIONYI 27:29

Mkambo ya wandu wakecha ikuṟundia Na mbaṟi tsa wandu wache ikuolokia nndenyi Nowe mndumii o wana wa mayo, Na wana wa mayo wakecha ikuolokia nndenyi Msa echikaa nakusese nao namsese Na msa echikuwikia ona nao nawikio ona.”

MAWOOKIONYI 28:14

Na oshari lopfo lochiwa cha kilulyi kya wuyanenyi, na iyo nochikuala wokia ora lo kyukanyi, na lo ngamenyi na ora lo nuka na lo mtsudu; na ipfo kopfo na ko wana wapfo mbaṟi tsa wa wuyana mpfondu wechicha iwikio ona.

MAWOOKIONYI 35:11

Ruwa kambia, “Inyi nyi Ruwa menyi pfinya, pfumbuka noengeṟeke; nowe mkambo na mamwingi fo mkambo fo wandu wechiwuka kopfo, na wamangi wechiwuka shitsinyi shapfo.

MAWOOKIONYI 46:3

Kahamba, “Inyi nyi Ruwa, Ruwa o ndeo, kulaowuo isoka tane Misri; cha kipfa njechikuhaluo nowe mkambo fung'anyi kulya Misri.

2SAMWELI 7:9

Njiwei ichumia na iyo handu hose na mkonu yose njechikuringa na irumatsa wakituwa wapfo wose. Njeching'anyisha rina lyapfo cha halya ha wasongoru wang'anyi kunu wuyanenyi.

1WAMANGI 1:47

Ngoseṟa, waṟundi wa Mangi walecha, kundu wawikie Mndumii odu Mangi Dawidi ona, wehamba, ‘Ruwa opfo nang'anyishe rina lya Solomoni kota rina lyapfo, naweṟumisha na iwanza loṟika loke kota lopfo.’ Nalyo Mangi kahongoma ai kitaṟenyi kyake.

YOBU 35:8

Wuwicho wopfo wochiwa wuwicho ko mndu o wandu cha iyo, wucha wopfo wochitarama mndu cha iyo.

SHIIMBO SHA DAWIDI 107:38

Nao nekewainenga mboṟa wakaengeṟeka mnu, manya ekeanguṟa mapo hawopfo.

IWUKA 1:7

Na wana wa Waisraeli wawekepfumbuka mnu, na iengeṟeka wakafo wakawada pfinya, wakaichuṟa oruka lulya.

IWUKA 32:10

kyasiang'u wulalu leka, kundu nyashi yako iake huyawo, njiwarumatse; na inyi njechikutana iyo nowe mkambo mnene.”

YESAYA 51:2

Ambuyenyi Abrahamu, wandeyanu, na Sara momufee; kipfa lilya awei umu tupu njilemlaha, ngambikia ona, ngamhaluo wafoi.

EZEKIELI 34:26

“Nawo nyi wechikukaya wambaṟa na ifumvu lyako liele na inyi njiwewawikia ona. Njiwewaendie mvuo kiheri kyayo, na mvuoyo iwewaendie mboṟa.

MIKA 7:20

Nochiloṟa wuhendeli wopfo na isaṟia lyapfo, ko kishari kya Abrahamu na kya Yakobo, chandu kulewikia waku wadu kyasa wokia kacha.

ZEKARIA 8:13

Numa kechiwa, chando muwekeri oseso kiidi kya wandu wa mkambo, Iyo mba ya Yuda na mba ya Israeli, nyi wudo njechikiṟa, nanyo mochiwa mboṟa; mulaowuo, tumhaṟenyi mawoko hanu.”

MAITALA 14:12

Njechiwakapa kui ndaṟe njiwicho na iwaarisia kuleshe; kyaindi kipfa kyapfo iyo, njechisungusia mkambo fungi fung'anyi, fuwode pfinya kotawo.”

MAITALA 22:12

Ruwa kawia Balaamu, “Kulahende na wanduwo, manya kulasese wanduwo cha kipfa wawawikie ona.”

MAITALA 23:20

Ambuya, ngainengo iwawaso lyewikia mboṟa, nao nawikia mboṟa manya njechiidima iilachapfo.

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

WAGALATIA 3:14

Kikawa kido kundu mkambo ya wahenu iwonyo ona lo Abrahamu kui mweke fo Kristo luweambya mumuyo fu fuwei mteṟye lochimwidikya na ikusirya nao.

WAGALATIA 3:7

Nahondo mukuwutye-ho imanya ke iwo wakuwode-ho wekusirya na Ruwa nyiwo-ng'u wana wa Abrahamu.

NGUMBUO YA MAWAWASO 26:5

nochihamba madedoha oshangunyi lo Mndumii-Ruwa, Ruwa opfo: “Wande oko nawei Mwarameo alewuṟiwuṟi masangenyi ipfo na ipfo alawode kanyi, numa kasoka na Misri. Kakaapfo na wa kanyi koke. Wawei wandu waangu tupu kiherikyo; kyaindi wakapfumbuka wakawa mkambo fung'anyi, wandu wawode pfinya na wafoi.