MATAYO 9:2 - Bibilia Kui Mdedie fo Kimochi

² Nao keambuya wakacha meendye mndu a muumu shiwungo a mlaṟe kitaṟenyi Na Yesu ambona kiidikyo kyawo kawia mndu ulya a muumu shiwungo, “Kewuyo nyi moo mana oko, madeko hapfo nyi hamewuto-ho.”

MATAYO 9:2 ပူးပေါင်းရင်းမြစ်များ

KOHELETI 9:7

Iyo kuhendiye, nokulyiiye kando kapfo na sia, uwenyo mvinyo fopfo na ngoo njilalutsu; kipfa Ruwa amewikia mboṟa maṟunda hapfo.

YESAYA 44:22

Njilesanja madeko hapfo cha ipuchi linene, na wunyamaṟi wopfo cha ipuchi; wuya na koko; kipfa njilekukiṟa.

MATAYO 14:27

Wadi Yesu kadeda nawo kahamba, “Kewuyonyi moo nyio inyi ma mlaowuo!”

MATAYO 4:24

Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

MATAYO 6:12

Uludeye sile tsṞafo luwode, chaso luwedeya wasile wadu.

MATAYO 8:10

Yesu amiicho ado kaṟihio, kawia walya ahendesanyi nawo, “Na kya lohi ngambia, ‘Ma kunu ko Waisraeli ndemewone iidikya linanyi lidipfo.’ Kya indi inyi ngambia,

MATAYO 8:16

Kyasia komshika ili kyukanyi wakamendye wafoi wawodo nyi mṟufu mbicho. Nao kafuna mṟufu mbicho na kidedo kya dumbu lyake. Na walya waiwawyo kawewakiṟa wose.

MATAYO 9:22

Kyasia Yesu kaindukya numa kambia, “Kewuyo nyi moo manoko, kidikyo kyapfo kyamekukiṟa.” Naho mka ulya kachia kiwokia saa na iya.

MATAYO 9:5

Kipfa iki kii kyangu ihamba nyi kihya, ngesa nyi ihamba, ‘Madeko hapfo hamewuto-ho,’ anu nyi ihamba, ‘Kure uhende?’

MATAYO 9:6

Kya indi kundu muidime imanya kee Mana o mndu nyi awode pfinya kunu orukenyi yehooṟia madeko.” Amshika iya kawia ulya muumu shiwungo, “Kekure-ng'u uire kitaṟa kyapfo nohende kanyi kopfo!”

MARIKO 1:32

Kyasia ili kyukanyi mnengeṟi fochiolokya, wakamendye Yesu wandu wose wakeri iwawyo na sa wawodo nyi waṟufu wawicho.

MARIKO 10:49

Yesu katirima-ho kahamba, “Kemlahenyi.” Wakalaha kipfupfuṟe ulya wechimbia, “Kyewuuyo nyi moo! Kure, nyi akulaha.”

MARIKO 5:34

Nao Yesu kambia, “Manoko o waka, iidikya lyapfo lyamekukiṟa, kuhendie na kipuo nowechia na ndaṟe i iwekuwode.”

MARIKO 6:50

Kipfa walya wawembonyi wose waleangalala. Wadi Yesu kadeda nawo kawawia, “Kewuyonyi nyi moo, nyio inyi Mlaowuo!”

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 2:25

Yesu naweichi chuṟe tsa wandu tsose alawewuṟie mndu motsimbia.

YOHANE 21:5

Nalyo Yesu kawawia, “Alewo, shiwana shako, momewona makunga ma lyimu?” Wakamhalwo, “Ote mbee, manya lyimu.”

MAWUTO HA WASU 14:9

Mndu cho kawa moadanya ipfo kundo Paulo echideda. Nao kamwambuya kawona ke ai na mkusirye fo ichiṟo.

MAWUTO HA WASU 19:12

Kukatana wandu waluo waendyo shidami na nguo tsikuwashye na mbihu foke na ndaṟe tsawo tsikawawuka na waṟufu wawicho wakasama.

MAWUTO HA WASU 23:11

Kio kilya Mndumii kamchea kahoṟoka afui nao kembia, “Kuwuyo nyi moo. Kyamba chando uleṟingishya mbonyi tsako kunu Yerusalemu na wudo kikuwaṟi nohende itsiṟingishya kuṟdo kulya Roma.”

WAROMA 5:11

Manya chi ikyo lukuwawye na Mndumii odu Yesu Kristo lukamaa yambya mwoloṟye-fu wulalu kui mweke foke.

YAKOBO 2:18

Kulako kwipfo ehamba, Iyo ui na wuidiki na inyi njii na mawuto halya. Njiloṟa wuidiki wu wopfo wuta-ho mawuto halya na inyi njekuloṟa wuidiki wulya ipfo kundo mawuto hako hai.