MATAYO 8:8 - Bibilia Kui Mdedie fo Kimochi

⁸ Mchili ulya kamhaluo kambia, “Alewo Mndumii! Njii o wusumuhanyi notane oida ipfo shia mhamba ya kai lyakofo. Kya indi kuhambie-ho idedo tupu, na msoṟo cho oko nechichia!

MATAYO 8:8 ပူးပေါင်းရင်းမြစ်များ

MAWOOKIONYI 32:10

Inyi njiwaṟi manyalepfo isaṟialyo lyose na lohi yo yose kulewutia isinga lyapfo; kyamba njileambada medafo fo Yordani na ndichi yako tupu, na wulalu ngamewa makamba hawi.

SHIIMBO SHA DAWIDI 10:17

Mndumii, nyi uichuo lango tsa wafafa, Nochisungusia mrima yawo, nochideha kudu kopfo.

SHIIMBO SHA DAWIDI 107:20

Nekeduma idedo lyake, iwaashuo, nekewawuta kiidi kya maarisikionyi hawo.

SHIIMBO SHA DAWIDI 33:9

Nyio alehamba, kikawa; Kawawasa, kikahoṟoka.

MAITALA 20:8

Ira ndichi yapfo, iyo na Aroni manomayo muwike chila na mamiingi fo wandu fose. Numa, oshangunyi lowo, nowie iṟaṟalyo lii oshangunyi lowo liende mṟinga folyo. Ee-da lyechiende mṟinga, kundu wandu wose na shuma shawo wanyo.

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

MATAYO 3:14

Yohane kamlehialehia kahamba, “Nyio inyi njiwechiwona njechipatiso nyi iyo, indi iyo kowuya icha na koko?”

MATAYO 8:3

Naho Yesu kahoṟwo owoko kampaya, kahamba, “Na ngakunda keheṟemka!” Naalyo li yenyi kaheṟemka saka iya imbode.

MATAYO 8:7

Nao kambia, “Leka njiche njimchiṟe!”

MATAYO 8:9

Kipfa na inyi nyi nji mndu nji mwitoṟye nyi wuchili, indi na inyi na njiwode wasikari wai shi-ako. Na inyi njechiwia-ho ichu, ‘Henda!’ Nao kahenda. Ngawia ichu ungi, ‘Kenjo!’ Nao kacha. Ngawia na isinga lyako, ‘Henda wuta wuliwe!’ Nao kawewuta!”

LUKA 15:19

Ma njikisumhanyi ilaho nyi mana opfo-sepfo; kekunjihaluye umu o waikelei wapfo.’”

LUKA 15:21

Mana kambia, ‘Wande, nyi njilenyamaṟa huye ruwehu na sumuhana na iyo; ma njikisumhanyi ilaho nyi manopfosepfo.’

LUKA 5:8

Simon Petro awona adi kacha ikuhutsa alya shi-ya madende ha Yesu kahamba, “Kekure nombuke Mndumii, kipfa inyi njikeri mndu makideko.”

YOHANE 1:27

Nyio sa aicha numa yako, na inyi njimfoi ma ipfungwo ngowa tsa shadu shakepfo.”