MATAYO 8:11 - Bibilia Kui Mdedie fo Kimochi

¹¹ ‘Kukae kuche napfo wafoi wawuka kya kulya ora lo ngamenyi na kya kulya ora lo kyukanyi, wache damya kiliyonyi kya choonga na Abrahamu na Isaki na Yakobo ipfo wumanginyi wo Ruwa.

MATAYO 8:11 ပူးပေါင်းရင်းမြစ်များ

MAWOOKIONYI 12:3

Na inyi njechiwikya ona iwo wekuwikia ona, na ichu mokusesa njechimsesa; na ipfo kopfo iyo mbaṟi tsa wandu wa masangenyi wose wechicha iwikio ona.”

MAWOOKIONYI 22:18

na kiidi kya oshari lopfo mkambo ya wandu yose wechicha iwikio ona; kipfa kya ili ohendelia ṟu lyako.’”

MAWOOKIONYI 28:14

Na oshari lopfo lochiwa cha kilulyi kya wuyanenyi, na iyo nochikuala wokia ora lo kyukanyi, na lo ngamenyi na ora lo nuka na lo mtsudu; na ipfo kopfo na ko wana wapfo mbaṟi tsa wa wuyana mpfondu wechicha iwikio ona.

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

SHIIMBO SHA DAWIDI 22:27

Mtsitsionyi yose ya wuyana yechimkumbuo, Wandu wechiwuya mawokonyi ha Mndumii. Wandu wa mbaṟi tsose tsa wandu wechimiindya.

SHIIMBO SHA DAWIDI 98:3

Nalekumbuo isaṟia lyake, na wuhendeli woke ko mba ya Israeli. Mtsitsionyi yose ya wuyana ilewuwona, okiro lo Ruwa odu.

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 49:12

Ambuya iwa wose waicha wawuka kuleshe; ora lo mtsudu na wengi ora lo kyukanyi na wengi oruka lo Sinimu.”

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YESAYA 52:10

Mndumii natambaṟuye owoko loke luele Oshangunyi lo wandu wa mkambo fose; Na oruka lose, Lochiwona okiio lo Ruwa odu.

YESAYA 59:19

Nahong'u wechiowuo rina lya Mndumii wuka ora lo kiukanyi, na kiṟumi kyake wokia ora lo ngamenyi; kipfa nechicha cha mṟinga fui iosha mfongo fupuika, futsindiko nyi mṟufu fo Mndumii.

YEREMIA 16:19

Iyo Mndumii-Ruwa! Iyo nyi pfinya yako na opanga loko kopfo, nyi kidichionyi kiheri kya ngataṟa. Njoshari tsose tsa wuyana tsekuchea tsechihamba, “Waku wadu wawewode kindo pfo shila maruwa ha wongo, shindo sha mai shilawode kiira.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

MALAKI 1:11

Kipfa wokia madoyenyi ha mnengeṟi mṟasa iolokia lyafo rina lyako ling'anyi masangenyi kose, na orio handu kokoṟo mpfaamo fo rasionyi na shidaso shicha kui rina lyako; kipfa rina lyako ling'anyi shisharinyi shose, Mndumii Menyi Matoṟito ahamba.

MATAYO 21:41

Wakahamba, ‘Wandu walya wewuta wado owicho na wadetso iki kiwichowicho. Na dema lya msabibu nawelinengya wademi wengi wembutya ndunda tsilya ili tsishikye shiheri shatso shekumbya.’

MATAYO 24:31

Nao naweduma wasu wake wa ruwehu wahende na ṟu ling'anyi lya membe na iwo wake akusambuṟye wawewasanya kundu kumu, wawawute kundu ko njotanu tso tsi tsiina wawoke ora lu lo ruwehu kundu lutsitsye washike lulya lungi kundu lutsitsye.”

MATAYO 3:2

Kehamba, “Dumbuyenyi, kyamba wumangi wo Ruwa womeafukia kufui!”

MATAYO 8:10

Yesu amiicho ado kaṟihio, kawia walya ahendesanyi nawo, “Na kya lohi ngambia, ‘Ma kunu ko Waisraeli ndemewone iidikya linanyi lidipfo.’ Kya indi inyi ngambia,

LUKA 12:37

Nanga wasoṟo walya mndumii owo echiwakooya walee dembo ili echicha; nkya lohi ngamuwia; nyi echikupfunga na iwadamiṟa shelyenyi, natengete kechiwahidia iwainenga shelya.

LUKA 16:22

Kukashika, mkiwa ulya kapfa, kahenda-dao nyi wamalaika kulya nndenyi tsa Abrahamu. Na msuṟi ulya kawepfa, kaṟiko.

MAWUTO HA WASU 10:45

Na waidiki wadine walya werianyi na Petro wakasaangya kipfa ili kimasyo kya Mumuyo Mwele kyechipusuyo na wandu wa mbaṟi njihenu.

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

MAWUTO HA WASU 14:27

Wekiafukya wakalaha kisanzyo kya siṟi yose wakawaongoya kilya Ruwa awutye ai nawo shose na ke nyi alepfunguya wandu wa mbaṟi njihenu mongo fo mwidikye.

1 WAKORINTO 15:20

Kya indi wulalu Kristo aṟukye-ng'u wapfunyi, nyi amba mopaṟasaka o walya walee.

1 WAKORINTO 6:9

A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.

2WATESALONYIKYE 1:5

Isho shose shiṟingishie mdumbuye fo Ruwa fui fo wuhoṟotsu na fo lohi fohamba ke nyo musumhanyi iinengo wumangi wo Ruwa iwu muweiwawiṟo kimaduma kyawo.

OTAMBAHALUO LO YOHANE 7:6

Wa oshari lo Aseri shiku ikumi na shiwi, wa oshari lo Naftali shiku ikumi na shiwi, na oshari lo Manase shiku ikumi na shiwi.