MATAYO 7:7 - Bibilia Kui Mdedie fo Kimochi

⁷ “Keterewenyi, nyi mochiinengo kepfulenyi nyi mochiwona, kekapekapenyi mongo nyi mochifunguyo.

MATAYO 7:7 ပူးပေါင်းရင်းမြစ်များ

MAWOOKIONYI 26:32

Naho mkonu na fulya, masinga ha Isaki wakacha wakamwendie mbonyi tsa ṟungu lilya lya mṟinga wawelyisumie, wakambia, “Lulewona mṟinga.”

1WAMANGI 3:5

Mndumii kachea Solomoni ipfo Gibeoni ndodonyi kio, kambia, “Terewa kindo ukundi njikuneenge.”

SHIIMBO SHA DAWIDI 10:17

Mndumii, nyi uichuo lango tsa wafafa, Nochisungusia mrima yawo, nochideha kudu kopfo.

SHIIMBO SHA DAWIDI 10:4

Kyamu kya mndu o orikiki Kahamba, kuwode kiṟaachepfo Mahiyo hake hose kahamba, “Kuwode Ruwapfo.”

SHIIMBO SHA DAWIDI 119:12

Hoi Mndumii, kuleadapfumo, Kyenjilosha mawawaso hapfo.

SHIIMBO SHA DAWIDI 27:8

Lyilya mandi kulehamba, pfulenyi kyamu kyako Mrima foko fulekuwia, Mndumii, kyamu kyapfo njechikishiha.

SHIIMBO SHA DAWIDI 34:4

Njilelaha Mndumii kanjihaluo, Kanjikiṟa wuowu woko wose.

SHIIMBO SHA DAWIDI 37:4

Na Iyo nyochikuchihiṟa ko Mndumii. Nao nyiechikuinenga kilya ngoo yapfo ilangie.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

SHIIMBO SHA DAWIDI 69:32

Walya walewonyo ili wechiwona wechichihiyo; nyo muishiha Mndumii, mrima yanu ilaluke.

SHIIMBO SHA DAWIDI 70:4

Wakape nguluhu, wachihiyo kyapfo, wose wekekushiha. Walya wakundi okiṟo lopfo; wahambe oriyo kiheri, Ruwa naṟumisho.

SHIIMBO SHA DAWIDI 86:5

Kyamba Iyo, Mndumii Ui mcha, nokuṟeheṟie ihooṟia, noichuo osaṟio. Ko wandu wose wekyekulaha.

MFANANO 8:17

Njikundi walya wanjikundi, Na walya wechinjishiha mnu na mrima wechinjiwona

SHIIMBO SHA SOLOMONI 3:2

Ngahamba, kyakusia njikure njitengete mṟinyi, njienyi tsose na njomongonyi , njishihe mkunde o mrima foko. Ngamshiha, ndambone.

YESAYA 30:19

Kipfa wandu wechikaa kiidi kya Sioni ipfo Yerusalemu; iyo ochifihiṟa-sepfo; kui kii lohi nechikuwonyia isaṟia ling'anyi kipfa kya ṟu lya kiliyo kyapfo; kaicho nlyo echikuhaluo.

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

AMOSI 5:4

Kipfa Mndumii nawia adi wandu wa Israeli, Njishihenyi inyi, nanyo mochikaa na moo;

MATAYO 18:19

Na kingi-se ngambia, ‘Nyo mui wawi ang'u waṟaṟu-ho kombona wamidikyana kimu kya kindo ma kida ma kida wakiterewa na wechikiwona wainengo nyi Wande o ipfo ruwehu.

MATAYO 21:22

Na orio kindo kyose mokipfula kiterewyonyi kui iidikya na mochi-kiwona.”

MATAYO 6:33

Kyaindi songuonyi ilalakia wumangi wo Ruwa na wusumuhanyi wowo, na shingi nyi mochiinengo cha shannga.

MATAYO 7:11

Kyasia nyo mui wawicho kokooya na mochiidima iinenga shiwana shanu shiinengo shicha, aka-wo Nde-anu o ipfo ruwehu chi echiengeṟa imwinenga shicha ili momterewa?

MATAYO 7:8

Kifa moterewa nyi einengo, na mopfula kawewona, na mokapakapa mongo kawepfunguyo.

MARIKO 11:24

Nahong'u ngambia, orio shindo shose mochiterewa na yomba, keidikyenyi, ke momambya, na mochishiinengo.

LUKA 13:25

Kiheri menyi kanyi amaa ikure, amshinga na mongo, lyondo mochiwooka ihoṟoka oo nja na ikapa-kapa mongo mochihamba; ‘Hoi Mndumii, kelupfunguye-wo.’ Nao nyi echimuhaluo nahambe; ‘Njichi kundu muwukiepfo.’

LUKA 18:1

Kawawia ifano lyehamba, n'kimuwaṟi iterewa kitsitsi mlechilemo.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:7

Kokoya mokaa-ho kiidi kyako inyi na madedo ho hako kokoya mokaa naho ipfo mrimenyi yanu, orio kindo moterewa mochiinengo.

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 3:11

Kulaipfo awode osaaṟe kulaipfo ai mopfula Ruwa.

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

YAKOBO 5:15

Na kiterewo kilya kii-kiwike kui wuidiki kyechichiṟa moluo ulya, na Mndumii echimheluo. Kawuta wunyamaṟi nyi echihoṟyo.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.