MATAYO 7:26 - Bibilia Kui Mdedie fo Kimochi

²⁶ Kyasia na ichu aipfo ma o ku ma o ku moadanya madedo hako kada alahawuta, nyi afananyi na mndu tondo alewika mba yake ko teri ya kimamile.

MATAYO 7:26 ပူးပေါင်းရင်းမြစ်များ

YOBU 22:16

Walerakuyo kiheri kyawo kilawemande, Otende lowo luweiluduo na mṟinga.

MFANANO 14:1

Orio mndu mka mṟango nekewika mba yake; Indi ulya ai tondo nekeisanja na mawoko hake amonyi.

YEREMIA 8:9

Walaanyi awalya waṟeenze, waeṟewe na imanyika wuowu wowo, wada idedo lya Mndumii, nyi wuṟango wuha wawode?

MATAYO 7:24

“Kyasia, mndu akeri-pfo ma o ku ma o ku, ichu echiadanya madedo hako na ihawuta kawehawuta, nyi afananyi na mndu awode wuṟango wucha alewika mba yake kundu kukualie iho.

MATAYO 7:25

Naho mvuo ikaoloka, mamṟinga hakasoka, njotanu tsikakuma tsikakapa mba iya ilaho, kipfa lyandi iwenjiilike handu hakualye iho.

MATAYO 7:27

Naho mvuo ikacha, mamṟinga hakasoka, na njotanu tsikakuma tsikakapa mba iya, nayo ikawunduka wundu, na mbundukie foyo fukawa fo kiṟiha.”

LUKA 6:49

Kyaindi ichu moicho madedo hako kada alahawuta, nyiaṟinganyi na mndu alewika mba yake terihu ya kimamile, nalawanze kimae kyayo, mfu fulya fukaitsindika itane yawunduka, na mbundukie foyo fukaṟihisha mnu.”

YAKOBO 2:20

A iyo mndu mohuukya, kokunda imanya ke wuidiki wulai na matendo nyi wukeri kitendo?

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.