MATAYO 7:15 - Bibilia Kui Mdedie fo Kimochi

¹⁵ “Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

MATAYO 7:15 ပူးပေါင်းရင်းမြစ်များ

1WAMANGI 13:18

Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

YEREMIA 29:21

Mndumii-Ruwa Menyi matorito, Ruwa o Israeli nahamba adi ko Ahabu, mana o Kolaya, na kya Zedekia mana o Maasea, walemuikimbia wongo ko rina lyake. “Njechimudambika mawokonyi ha Nebukadneza, mangi ya Babiloni, nao nechimuwaha mochiwona na meso hanu muwenyi.

YEREMIA 29:32

Ko ikyo inyi Mndumii-Ruwa ngahamba njechihoṟuo Shemaya o Nehelamu hamu na oshari loke. Kuwode mndu ma umu o wandu wake echideo ho na moo nawone mecha ho njechiwutia wandu wako pfo, nyi kipfa asengeṟia wandu wako na iwatusa kundu wanjidekio inyi Mndumii-Ruwa. Inyi Mndumii-Ruwa ngahamba.”

EZEKIELI 13:16

Nawo nyi waikimbi walya wa Yeruslemu waleonguo ke kuwewode ofoṟo napfo kulawewode, nyi wudo Mndumii-Ruwa ahamba.”

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

EZEKIELI 22:25

Wanene wanu wafananyi na miiso tsirongona ili tsiwode kindo madumbunyi hatso. Kyamba wekewaha wandu, wakawesoka wandu masaa hawo, wakaengeṟa waka wakusu orukenyi.

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

DANIELI 11:34

Kyasia ili wechioloka wechitaramo kui ndarama ntutu; indi

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

ZEKARIA 13:4

Nyi kechiwa mandi ho waikimbi orio umu owo nechiwado nyi sonu kipfa kya wuikimbi woke, manya echiṟaa se ikonya lya mbelele pfo kipfa kya madedo hake helemba wandu,

MATAYO 10:17

Kya indi kuṟisenyi na wandu Kipfa nyi wechihenda mduo kulya mba wededya shama shawo na kulya sinagogenyi tsawo wawemkapa na ngowa-tso tsii njitochye msha.

MATAYO 16:11

A nyi wuda kii-se ili mulakunda ma imanya ke chi kya mkate ngadeda nanyopfo. Kya indi kekuṟisenyi mdi foshimbiṟa mkate fo Wafarisayo na Wasadukayo.”

MATAYO 16:6

Kyasia Yesu kawawia, “Keambuyenyi mukuṟise mdi foshimbiṟa mkate ifu fo Wafarisayo na Wasadukayo.”

MATAYO 24:11

Na waikimbi wehamba sha wongo wawekurepfo wafoi waduo wandu wafoi ipfo kidekyonyi.

MATAYO 7:14

Na wudo kuipfo kichumi kya kiṟoṟowo na njia nyi njisise, nayo nyi yekooya moonyi na wandu wechiiwona nyi-sa waangu.”

LUKA 12:15

Nao kawawia, “Ambuyenyi, mukuṟise lango tsa shindo ma tsida ma tsida, cha kipfa mfeeṟa fo mndu fochiidima imnenga natawulye moo na shindo-sho awodepfo.”

LUKA 6:26

“Ochia lonu ili wandu wose wekemudedia necha; kyamba nyi wudo wandeanu walewewutia waikimbi walya wa wongo.

YOHANE 10:12

Mndu chu ai mekelei ma alakeri mlisi, machondi ho halambaṟi hake, kyake kawona rumu lyechicha nao katihia-ho machondi ho kadicha. Na rumu likacha iharakwo na iharahanyitsa.

MAWUTO HA WASU 13:40

Kekuṟisenying'u kundu kilya kii kidede nyi waikimbi kilamhoye nyo.

MAWUTO HA WASU 13:6

Wekiidima iidaida kiṟingitiny kya Kipro kyose itane washika Pafo wakawona-pfo mndu mhanga ai mwikimbi o wongo mndu Myuda rina lyake ewio nyi Bar-Yesu.

WAGALATIA 2:4

Ee ko; na wanawawama na wongo na waweipfo wawekusoṟowitsye-ho, kundu waale mkuachie fodu lufuwode so lui Kristo-hu Yesu kundu waluwihiṟe wusingenyi.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAEFESO 5:6

Mulawone mndu echimlemba na madedo ha wulya. Kipfa kya ishi nyashi ya Ruwa ikeri ichea wandu wa oleho.

WAFILIPI 3:2

Ringenyi wai mashite, keweringenyi wewuta sha wuwicho muwe moringa weweha wotahacha.

WAKOLOSE 2:8

Kuṟisenyi mulawone mndu echimduo wapfunguo kui wulaanyi wulya wo kiwandu na wulembi wo mbonyi tsa wulya tsiduana na ṟungusu tsa wandu, tsa shiwundo sha wuyana wu shiladuanyi na Kristo amonyi.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

2TIMOTEO 4:3

Kyamba kochicha kiheri welechiidimana na kiloshyo kya lohi kyechiṟa mrima, kya indi wechikufeṟya wawenyi walosha waidikyanyi na lango tsawo tsiinjenyi, chando madu hawo hakundi.

2PETRO 3:17

Nahong'u, nyo mui wakunde wako, ili mulesonguo na samanya Mukuṟise kundu mulawone mochieko nyi odeko lulya lo watahachi wo muwechitaṟasha hando mokuilikishya-ho.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 16:13

Naho ngawona mumuyo mmbicho iṟaṟu iteṟefukye iwukye ipfo dumbunyi lya molimo fulya na ipfo dumbunyi lya indo lilya na ipfo dumbunyi lya mwikimbi ulya o wongo, nayo iwefananyi na ngele.

OTAMBAHALUO LO YOHANE 17:6

Na inyi ngawona mka cho amnanzi samu ya wandu wa Ruwa, na ya waṟingishi wa Yesu. Ngamembona njido ngaṟihiyo mnu na kamu.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.

OTAMBAHALUO LO YOHANE 20:10

Na mtengeti ulya awewatandawusha kaombotso ipfo nduwenyi ya modo. Hondo na indo lilya likeri handu hamu na mwikimbi mowongo. Wechituro mfiri na kio maheri hose halunganyi.