MATAYO 6:5 - Bibilia Kui Mdedie fo Kimochi

⁵ “Ma iterewa na wudo; ma mlawe cha makulembetseṟe halya! Wo nyi wakundi iterewa wahoṟoki ipfo sinagogenyi na alya kikumbuhananyo kya njia tsa mṟi kundu wakuloṟe na wandu. Nki lohi iki njiimbia wo walemmaa iduo kya woṟunda wowo!

MATAYO 6:5 ပူးပေါင်းရင်းမြစ်များ

SHIIMBO SHA DAWIDI 5:2

Uicho ṟu lya kifuhyo kyako, Hoi mangi yako na Ruwa oko, kipfa nyi iyo njekyekuterewa.

SHIIMBO SHA DAWIDI 55:17

Kiukanyi, ngamenyi, na mfiri njechifihiṟa na isumkia, nao nechiicho ṟu lyako.

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

MFANANO 16:5

Orio msa awode mrima fo orikiki nyi asuiṟie Mndumii, Nyi lohi, echida alamhoṟwo pfo.

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

YEREMIA 29:12

Nyo nyi mochinjilaha, mochinjiterewa na inyi njechimuicho.

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

MATAYO 21:22

Na orio kindo kyose mokipfula kiterewyonyi kui iidikya na mochi-kiwona.”

MATAYO 23:13

“Ochia lonu nyo walosha wa mawawaso na Wafarisayo mui makulembetseṟe. Nyi ilindi mokepfunga mongo fo wumangi wo ruwehu sumhana na oshangunyi lo wandu. Nanyo ma mlechiida napfo ma wandu wawechiida napfo mlawalekye waide napfo. [

MATAYO 23:5

Mawuto hawo hose wakahawuta kundu wawono nyi wandu. Nyi ili wekelandaṟa shingowa shi sha ngumbu sheterewa nasho wakalesha na mambo tso tsa nguwo tsawo.

MATAYO 23:6

Wakakunda handu hedamya ha kusonguo ili wai walahye shelya nyi mndu na shidi shedamya isho shisongoru ipfo sinagoginyi.

MATAYO 6:1

“Kekuṟisenyi mulawone mochiwuta sha wusumuhanyi wonu oshangung'u lo wandu muwonyo nyiwo; mulakuṟise mudo, ma mochiwona-se kya woṟunda wonu ipfo ko Nde-anu o ruwehupfo!

MATAYO 6:16

“Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

MATAYO 6:2

Na iyo koshika ilekia shindo shapfo shesaṟia, ma kulakape ombe lukusongoye chando makulembetsere halya hekewuta wai ifo sinagogenyi ipfo kikumbuhananyonyi kya njia tsa mṟinyi nawo nyi kundu waṟumisho nyi wandu! Nyi kya lohi ngambia, ‘Wo walemmaa iduo kya woṟunda wowo!’

MATAYO 9:38

Keterewenying'u Mndumii o kisanyionyi nadume waṟundi wafoi alya kisanyionyi kyake.”

MARIKO 11:25

Na ili mohoṟoka iterewa, kehoṟyenyi orio mndu, koka muwode kindo na mndu, kundu na Nde yanu o ipfo ruwehu namhoṟye madeko hanu. [

MARIKO 12:38

Naho ipfo kiloshyonyi kyake Yesu kahamba, “Kekuṟisenyi na walosha wa wuwawaso, sa wakundi ichumia waṟee ikonya lya mkuruo na iiṟikiṟo ipfo tumo, wakundi iidaida na idamya shidembo sha kusonguo ipfo masinagogenyi.

LUKA 11:43

Ochia nyi lonu nyo Wafarisayo, kipfa ili mukundi isambuṟa shidembo sha kusonguo ipfo masinagogenyi, mkawekunda na shiṟikiṟo sha ipfo tumo.

LUKA 18:1

Kawawia ifano lyehamba, n'kimuwaṟi iterewa kitsitsi mlechilemo.

LUKA 18:13

Kyaindi msanyi ulya o okamba kahoṟoka haleshe, nalakarie ma iiria meso huye ruwehu, indi kakukapa kipeeta kahamba, ‘Hoi Ruwa, kenjisaṟia-wo inyi mokudekio!’

LUKA 20:47

Nyi wekelya mba tsa waka wakusu wakatsimaa, na kwi wulembetseṟi wakakurihiria ihamba ke nyi lokemterewia. Iwo! Iwo, nyi wechikaa wawonyio owingo ngoseṟa.”

LUKA 6:24

“Kyaindi ochia lonu mui wasuṟi, cha kipfa ikyo kyechimuwihiṟia moo, nyi mulememaa ikudaaya!

YOHANE 16:24

Mṟasa wulalu mulemeterewe kindo kui rina lyakopfo. Keterewenyi nalyo mochienengo na msiha fonu fuichwo pacha.”

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

1WATESALONYIKYE 5:17

Muwe mochiterewa mulatsie.

YAKOBO 4:6

Indi aenenga wutonga wo mwengeṟia.” Nkyo kimaduma ihambie, “Ruwa alemana na walya wekutimbisha wawenyi, indi walya wakusotsa, awawonya wutonga.”