MATAYO 6:16 - Bibilia Kui Mdedie fo Kimochi

¹⁶ “Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

MATAYO 6:16 ပူးပေါင်းရင်းမြစ်များ

2SAMWELI 12:16

Dawidi katerewa Ruwa mana ulya nawone nanga. Kahenda kiṟihenyi kyake kalaa wanda taṟaṟaa mṟasa kukakya alalye kelya, kechiterewa Ruwa.

2SAMWELI 12:21

Waṟundi walya wake wakaṟihiyo wakambia, “Luidima imanya kindo awuta pfo? Kiheri mana opfo awei na moo, nowekeri impfihiṟia, koleha ilya kelya. Kyaindi ili mana amepfa nokure na ilya kelya.”

1WAMANGI 21:27

Ahabu kekiicho madedo ho, karanduo nguo tsake, kaṟaa makunyia mbihunyi foke kakuotoya, kapfa makunyienyi kahenda sa kyomboho.

NEHEMIA 1:4

Njekiicho njiido ngadamia wanda ngafihiṟa ngawado nyi makulili, ngawekaa kiidi kya kilio ko mfiri maata. Ngawekuotoya na iterewa Mndumii-Ruwa chu o ruwehu,

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

SHIIMBO SHA DAWIDI 109:24

Ndi tsako tsipopoṟikie kipfa kya ikuotoya, na mbihu foko fukapoka kipfa kya iwuṟa mafuda.

SHIIMBO SHA DAWIDI 35:13

Kyaindi inyi, kiheri wo waleluo, nguo yako iwekeri ikunyia njechiloṟa fowa; Njilekutuura mrimenyi na ikuotoya. Shiterewo shako shikanjiwuuya. Kipetenyi koko.

SHIIMBO SHA DAWIDI 69:10

Lyi lyamandi njilefihiṟa, na ituura mrima foko njekuotoya, kikawa nyi ilisa mrimafu wukiwa.

DANIELI 9:3

Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

MALAKI 3:14

Mohamba, “Kuwode kiira iṟundia Mndumii-Ruwa-pfo, ‘Nyi kiira kiki luwode ili lulekusiria mawawaso hake na ikuinadia oshangunyi loke Ichu menyi Matoṟito?

MATAYO 6:1

“Kekuṟisenyi mulawone mochiwuta sha wusumuhanyi wonu oshangung'u lo wandu muwonyo nyiwo; mulakuṟise mudo, ma mochiwona-se kya woṟunda wonu ipfo ko Nde-anu o ruwehupfo!

MATAYO 6:2

Na iyo koshika ilekia shindo shapfo shesaṟia, ma kulakape ombe lukusongoye chando makulembetsere halya hekewuta wai ifo sinagogenyi ipfo kikumbuhananyonyi kya njia tsa mṟinyi nawo nyi kundu waṟumisho nyi wandu! Nyi kya lohi ngambia, ‘Wo walemmaa iduo kya woṟunda wowo!’

MATAYO 6:5

“Ma iterewa na wudo; ma mlawe cha makulembetseṟe halya! Wo nyi wakundi iterewa wahoṟoki ipfo sinagogenyi na alya kikumbuhananyo kya njia tsa mṟi kundu wakuloṟe na wandu. Nki lohi iki njiimbia wo walemmaa iduo kya woṟunda wowo!

MARIKO 2:18

Kiheri kimu wa kiloshionyi kya Yohane na wa kiloshionyi kya Wafarisayo wawekyekuotoya. Wandu wakacha iwesa Yesu, “Nyikili wa kiloshyonyi kya Yohane wechekekwotoya na wa kiloshyonyi kya Wafarisayo, kya indi wa kiloshyonyi kyapfo welekyekuotoya?”

LUKA 18:12

Mfungade fumu nyi njekekuotoya kawi, na shilya njiwode shose, ngawedambika kenga kya ikumi.’

LUKA 2:37

Kawekaa-se ai mkusu itane ashitsa maka makumi nyanya na iina, nao alawekelekana ipfo hekalunyi; kahenda kewuta shindo sha Ruwa tupu kekuotoya na iterewa kio na mfiri.

MAWUTO HA WASU 10:30

Kornelio kahamba, “Inu nyi mkonu fo kaana ngambooka ikuotoya itane saa ii, na saa ya kenda njechiterewa kunu mba koko, cha ili ngawona mndu ahoṟoki oshangunyi loko aṟee nguo njikengemari,

MAWUTO HA WASU 14:23

Wakawasaya wameku wasongoru kui siṟi kui siṟi wakawadambikya Mndumii chu wawemwidikye wechiterewya-ho na ikuotoya.

1 WAKORINTO 7:5

Ma mulaimane shile nyi kui ikuteṟyana mwaanya kundu mukuwonye nafo suku tsetsinda kiterewonyi. Numa muwewuyanase kundu Satan nalashike imtewa kui iwuṟa lyanu lyewuṟa kiheo.

2 WAKORINTO 11:27

Njiwei mfoye m maṟunda na mawina njewelaa dembo kafoi, njiwewodo n njaa na nyoda, njiwekuotoya keengi njiwei mrohye m mbeo na iwuṟa maṟao.

2 WAKORINTO 6:5

Kiwe luikapo, kiwe luipfungo, kiwe lui maponganonyi, kiwe lui shifotsyonyi, kiwe lulaa dembo kiwe lukuotoya.