MATAYO 6:12 - Bibilia Kui Mdedie fo Kimochi

¹² Uludeye sile tsṞafo luwode, chaso luwedeya wasile wadu.

MATAYO 6:12 ပူးပေါင်းရင်းမြစ်များ

1WAMANGI 8:30

Adanyia shiterewo shako inyi mṟundi opfo na sha wandu wapfo Israeli ili mandi wechiterewa, wahalukie handu ha uicho shiterewo kui kulya ruwehu, komeicho noluhoṟie.

1WAMANGI 8:34

Naho uwaicho ukeri ruwehu, uhoṟie wandu wapfo Israeli wunyamaṟi wowo, kiidima uwawihiṟe na orukenyi ulewawasia wasahu wawo.’

1WAMANGI 8:39

Kyasia uadanyie ipfo kopfo ruwehu, nohooṟie na ilekia, uwewawutia orio mndu chandu kimbaṟi (kipfa nyi iyo kumonyi uichi mahio ha mrima ya wandu wose)

1WAMANGI 8:50

Nohoṟie wandu wapfo walenyamaṟa na shilya shose walehenda kihadi na wuwawaso wopfo; kewainenge isaṟia iwo walewaduo wapfungo kundu wawasaṟie.

SHIIMBO SHA DAWIDI 130:4

Kyaindi kopfo kuwode mhoṟie, kundu iyo nooweshe.

SHIIMBO SHA DAWIDI 32:1

Nanga ulya amhoṟie wunyamaṟi; Na madekohake nalahaambuye se.

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

YESAYA 1:18

“Kyasia nchonyi lukape sumu, Mndumii ahamba. Wunyamaṟi wonu wukafana kimande, wochiila cha makuṟeṟa ha mtsudu; wukawa kimande cha bendeṟa wochiila cha sufi.

DANIELI 9:19

Hoi Mndumii-Ruwa uadanyie, hoi Mndumii-Ruwa, uhooṟie; hoi Mndumii-Ruwa uicho, uwute, kulakeleo, kipfa kyapfo iyo, Hoi Ruwa oko; kipfa kya mṟi fopfo na wandu wapfo wailaho kui rina lyapfo.

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

MATAYO 9:2

Nao keambuya wakacha meendye mndu a muumu shiwungo a mlaṟe kitaṟenyi Na Yesu ambona kiidikyo kyawo kawia mndu ulya a muumu shiwungo, “Kewuyo nyi moo mana oko, madeko hapfo nyi hamewuto-ho.”

MARIKO 11:25

Na ili mohoṟoka iterewa, kehoṟyenyi orio mndu, koka muwode kindo na mndu, kundu na Nde yanu o ipfo ruwehu namhoṟye madeko hanu. [

LUKA 11:4

Uludeye sile tsapfo luwode, chando naso lokedeea wasile wadu. Ma ulaluduo kitewionyi. Indi ulukiṟe shindo shiwicho.”

LUKA 13:4

Ang'u, walya ikumi na nyanya wehoyo nyi kitaanga kilya kya Siloamu kikawawaaha, nyo nyi mokehamba ke nyi waweei wanyamaṟi wakaida wandu wa Yerusalemu ko?

LUKA 6:37

“Ma mlawone mochiwonyia wengi wuwicho, nanyo mochiwonyiopfo; ma mulatetekie owingo, nanyo mochitetekyopfo, leheṟenyi, nanyo kundu muleheṟo.

MAWUTO HA WASU 13:38

Kyasiang'u nyo womi mui wanawawama, iki kimanyike konu ke nyio ichu ainengye muiongoyo mhoṟye fo njonyamaṟo.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAEFESO 4:32

Kya indi muwade mrima mhoo; muichyo mndu wukiwa mochihoṟyana muwenyi na wenyichando nao Ruwa alemhoṟya kui Kristo.

WAKOLOSE 3:13

Muhoyane muwenyi na wenyi mochihoṟyana kokoya kwipfo awode kyededya ungi. Chando nao Mndumii alemuhorya nyo nanyo kimuwaṟi muwute mudo-ng'u.