MATAYO 6:10 - Bibilia Kui Mdedie fo Kimochi

¹⁰ Wumangi wopfo wuche. Isho ukundi chando shekewutika kulya ruwehu, na kunu orukenyi shiwewa shido.

MATAYO 6:10 ပူးပေါင်းရင်းမြစ်များ

NEHEMIA 9:6

Nalyo Ezra katerewa kiterewoki: Hoi Mndumii nyi iyo kumonyi ukeri Mndumii-Ruwa, nyi iyo kumonyi ulewika ruwehu na mbahanyi tsake tsose, wuyana na isho shose shikeripfo, mapalipali na isho shose shikeripfo, nyi iyo ushiinengie moo, na mbahanyi yoose ya ruwehu nyi ikeri ikuṟumisha iyo.

SHIIMBO SHA DAWIDI 2:6

Inyi nyi njilemtana mangi yako Ipfo Sioni fumvunyi lyako yele.

SHIIMBO SHA DAWIDI 40:8

Iwuta shilya ukundi, Hoi Ruwa oko, iyo sia yako; Ee mawawaso hapfo hai mrimenyi foko.

YESAYA 2:2

Kechiwa kudi mandi ha mkonu yefurumia, fumvu lya mba ya Mndumii lyechiikaro huya fumvu, nalyo lyechiirio huya shitoṟomoso; Masanga hose hechihenda ho mamiingi kui mamiingi.

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

DANIELI 7:13

Ngawewona se ipfo ndodonyi ya kio, umu ai ofano lo mndu kacha na mapuchi awuka ruwehu, kasembelia mmeku ulya o maka ifoi wakameende na afui.

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

MATAYO 12:50

Kipfa mowuta shechihia Wande kulya ruwehu, nyi-ong'u anjikerye manowama na mshiki ang'u wama.”

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 26:42

Kawuya kahenda lya kawi iterewa kahamba, “Hoi Wande, kokoya kilechiku wiia kya kirahuki kiide kinjihyame ngamda ndamaa nyo-ho nahong'u kikuwiie chando ukundi iyo.”

MATAYO 3:2

Kehamba, “Dumbuyenyi, kyamba wumangi wo Ruwa womeafukia kufui!”

MATAYO 4:17

Wokya mandi halya, Yesu kawooka yonguo kahamba: “Kedumbuyenyi, kyamba wumangi wo Ruwa nyi hafui wui.”

MATAYO 7:21

“Ma chi orio mndu ose monjiwia, ‘Mndumii Mndumii echiida wumanginyi wo Ruwapfo, shile nyi ichu mowuta shichihianyi na Wande o ifo ruwehu!’

MARIKO 11:10

Kuwewona ona na wumangi wo ndee yadu Dawidi, ili wuicha! Ruwa naṟumisho kulya huye ruwehu!”

MARIKO 3:35

Msa awuta shilya Ruwa akundi, nyio ai manowama oko na mshiki na wama.”

LUKA 19:11

Wandu wekiicho isho, nao kaengeṟa ideda kechiloṟa mfano, kipfa nyi awei afui na Yerusalemu, nawo wakakusaṟa kulako wumangi wo Ruwa nyi wochikuloṟa oweṟe lulya.

LUKA 19:38

Wakahamba, “Naleheke ichu mocha iwa mangi kui rina lya Mndumii; ruwehu nyi ofoṟo, na kiṟumi kikae huye ruwehu!”

LUKA 22:42

“Hoi Wande, kokukundia, njiashuo kirahu-ki, kyaindi kilahendeke channdo inyi njikundi, shile chando ukundi iyo.” [

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

MAWUTO HA WASU 13:22

Kekiidima imbuta-ho icho kawaamtsya Dawidi nawe mangi yawo kamṟingishya kehamba, ‘Ngawona Dawidi ai mana Isai echiwa mowuta shilya inyi njikundi shose.’

MAWUTO HA WASU 21:14

Nahong'u amleha kilya lombia lukakutsia lukahamba, “Kilya Mndumii amdumbuya kyake naakyo kiwutike.”

MAWUTO HA WASU 22:14

Nao kahamba, “Ruwa o waku wadu nyi akusangye nomanye chila yake na iwona mhoṟotsu ulya na iicho ṟu liwukye dumbunyi lyake.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAEFESO 6:6

Mulakae na wuindi woringa meso ha mndu cha ili mokunda ichihiana na wandu, indi cha masinga ha Kristo mochiwuta kui mrima kilya Ruwa akundi.

WAKOLOSE 1:13

Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde.

WAKOLOSE 1:9

Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke.

1WATESALONYIKYE 4:3

Kipfa kilya Ruwa akundi nyi wuilishi wonu, mudiche wuṟuhui.

1WATESALONYIKYE 5:18

Muwike-ho mwaano kya shindo shose. Kyamba nyi iki Ruwa akundi kiwiko nyo kui Yesu Kristo.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 10:7

Nkyo kyannenga ngahamba, Ambuya ngacha; ipfo kitapunyi kilya kinene nyi ku-kuṟehye kyako ke njiwe njiwute kyama kyapfo, hoi Ruwa.”

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

1PETRO 2:15

Kipfa nkyo kindo Ruwa akundi ke muwe mochiwuta sha wusumhanyi mutoṟomishe nasho wutondo wo wandu walaichi kindo.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

OTAMBAHALUO LO YOHANE 12:10

Ngaweicho ṟu ling'anyi lyededa ipfo ruwehu likahamba, Wulalu okiṟo lo Ruwa womcha; na wuikolonyi na wumangi womba wo Ruwa odu na wuidimi wose wui wo Kristo oke. Kipfa mkumbi mokumba wanawawama wadu amemayo wanda, ichu awekewakumba oshangunyi lo Ruwa odu mfiri na kio.

OTAMBAHALUO LO YOHANE 19:6

Ngaicho ṟu cha lya mamwingi fo wandu fung'anyi na ṟu liwei cha lya mdihino ya ochi lung'anyi ṟu liwei cha lya maṟuṟuma hang'anyi hehamba, “Haleluya, kyamba Mndumii-Ruwa odu aitoṟye shose nyi ai Mangi.

OTAMBAHALUO LO YOHANE 20:4

Na ngawewona loṟika tsa wuitoṟi na wandu wadamie hoi wakainengo momu fodumbuo mondu. Ngawewonase na mrima ya walya waledumbuo mdo kimaduma kya kiṟingishyo kyeṟingishia Yesu na kimaduma kya idedo lya Ruwa na ya walya walaleindia indo lilya manya mfano folyo ma walaweambye ofano lulya lolyo ipfo oshangunyi lowo ma ipfo owoko-hu. Wo wakawada moo wakawa wakachilia hamu na Kristo maka kiku kimu. (