MATAYO 5:19 - Bibilia Kui Mdedie fo Kimochi

¹⁹ Kyasia-ng'u mawawaso-ho, ma iho matutu ya hose ichu mopfuluo-ho ma limu kalosha ado wandu, nyi etano mtutu o wose o ipfo wumangi wo ruwehu.

MATAYO 5:19 ပူးပေါင်းရင်းမြစ်များ

SHIIMBO SHA DAWIDI 119:128

Kyamba njiwonyi mapfundo hapfo hose ke hai ha lohi, orio njia ya wongo njiisuo.

SHIIMBO SHA DAWIDI 119:6

Nyilyondi inyi njilawechiwona sonu, Ngaambuya mawawaso hapfo hose.

DANIELI 12:3

Walya walaanyi wo wechiwaa cha sa ya nginehu, na iwo wesongoya wengi iwuta mecha wechiwaa cha nyenyeri mlungana na mlungana.

MATAYO 11:11

Na kya lohi ngambia, ‘Kiidi kya iwa wa wafee nyi mka kulemekure mndu ang'anyiye Yohane Mpatisipfo. Indi ichu a mtutu o wose ipfo wumangi wo Ruwa nyi ang'anyi kota o.

MATAYO 19:28

Yesu kawawia, “Nyi kya lohi ngambia, ‘Nyo mui wandu weoshana na inyi ili koeshika iya mafeyonyi hewihiṟyo wuhya ilindi Mana o mndu echidamya loṟikehu lo wusuṟi woke nanyo mbedamya lorike-hu tsilya ikumi na tsiwi na idumbuo mondu ya mbaṟi tsa Israeli itsi ikumi na tsiwi.’

MATAYO 20:26

Kya indi kunu kiidi kyanu kilawe kido. Shile na orio mndu ose ichu echikunda iwa mnene kunu konu nawe nyi mompfuṟukanya.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

LUKA 1:15

Kipfa nyi echikaa nawe mndu mnene ipfo sumuhana na Ruwa, elechinyo mvinyo ma kindo kyenanza, naweka amichuṟe Mumuyo Mwele kiwookia awuka wusunyi wo mae.

LUKA 11:42

Ochia nyi lonu nyo Wafarisayo, kipfa nyi mokedambika kya ikumi kii kya kyaana na shindunda na mboha, indi mkaidia wuchili wusumuhanyi na ikunda lya Ruwa, ishi nyi shimuwaṟi iwuta kulawode ida shilya.

LUKA 9:48

Kawawia, “Mndu kaambia kimana-ki kui rina lyako, nyi inyi anjiambia; na monjiambia inyi, nyi aambia ichu anjiidumie; kipfa ichu ai mtutu onu kamunyiia, nyio sa ang'anyi.”

MAWUTO HA WASU 1:1

Kitapu kilya kya kuwoka ndekiwika le Teofilo oko, nyi kya mbonyi tsa shindo shilya Yesu alewoka ishiwuta na ishilosha.

WAROMA 3:8

Kyimu cha ihamba, “Luwute wuwicho kundu luwone mecha?” Wengi nyi wudo ili kwipfo wailuiria wongo na ilusutsa ke nyi wudo lokelosha. Wo wechianduyo owingo lusumhanyi.

WAROMA 6:1

Aka luihamba luda ngesa? Lukaae lochiwuta kya wunyamaṟi, kundu wotonga wushike ifo ko? O, manyale.

WAROMA 6:15

Alewo kiwukye-ho nyi ki? Ke luwute kya wunyamaṟi kipfa ili lulai shi ya wuwawaso kya indi lukakaa shi ya wutonga? O, chi wudopfo.

NGUMBUO YA MAWAWASO 12:32

Orio kindo ngamuwawasa, kuṟisenyi mushiwute; mulaengeṟeho kindo manya mulawuteho kindo.”

NGUMBUO YA MAWAWASO 27:26

‘Naseso mndu oose alaidikie madedoha ha wuwawaso na ihaindia.’ Wandu wose waidikie, ‘Ameni!’”

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

1PETRO 5:4

Mukamba mudo nyi mochikudaya oṟo ilechinaa yehamba wuitoṟi matika na halya mlisi chu ang'anyi ewonekya.

1YOHANE 3:4

Orio mowuta wunyamaṟi nyi afunja iwawaso lya Ruwa, na wunyamaṟi nyiwo wufurunji.

OTAMBAHALUO LO YOHANE 2:20

Indi njikuwodie mondu, kyamba oidikiana na mka ulya Yezebeli ichu akuhamba amonyi ke mwikimbi o Ruwa kalosha echitusa masinga hako wawe waṟuhui wahende ilya na nyama ndasye maruwa ha wongo.

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.