MATAYO 5:16 - Bibilia Kui Mdedie fo Kimochi

¹⁶ Nyi wudo na sa yanu iwewaa oshangunyi lo wandu wose, wawuteho ikulosha mawuto hanu mecha, kundu wang'anyi she naho Nde-anu o ipfo ruwehu.”

MATAYO 5:16 ပူးပေါင်းရင်းမြစ်များ

IWUKA 34:35

Wana wa Waisraeli wakawona kyamu kya Mose kiwaa sa; na Mose kawikase kindo kilya keshikia kyamu; tane aida na mba ideda nao.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YESAYA 58:8

Na lyondi sa yapfo yechiwaa cha ngamenyi na oru lopfo lochicha oweṟe, na wusumhanyi wopfo wochikusongoya; kiṟumi kya Mndumii kechikuosha nduma na ikuringa.

YESAYA 61:3

iwia iwo waifuha kiidi kya Sioni, wainengo oṟo ya shiwaṟo walekane na ifu, wakushie mafuda handu ha ikapa kilio, maṟao ha wuitoṟi handu ha mrima fukuinadie; kundu walaho nyi mashidi ha wusumhanyi, hai madonge nyi Mndumii kundu nang'anyisho.

MATAYO 23:5

Mawuto hawo hose wakahawuta kundu wawono nyi wandu. Nyi ili wekelandaṟa shingowa shi sha ngumbu sheterewa nasho wakalesha na mambo tso tsa nguwo tsawo.

MATAYO 23:9

Ma mulawie ma wandu nyi wande wa kunu orukenyi. Nyi kipfa nyi umu akeripfo ai ndeyanu, nyi ichu o ipfo ruwehu.

MATAYO 5:45

Nanyo kundu mukuwie wana wa Nde-anu o ipfo ruwehu, kipfa o nyi ekedosa mnengeṟi foke fukawaaya ichu mbicho na ichu mcha, na mvuo yake kaweolotsya ko ichu o wusumhanyi na ko ichu alai o wusumhanyi.

MATAYO 6:16

“Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

MATAYO 6:9

Indi terewenyi mule, ‘Nde-yadu ukeri ipfo ruwehu, Rina lyafo litano yele.

MATAYO 9:8

Kyasia wandu walya wakeri-ho mamwingi wamewona wado wakaowuo wakang'anyisha Ruwa ainengye wandu pfinya ing'anyi ido.

LUKA 11:2

Nao kawawia, “Ili mochiterewa Ruwa hambenyii mudi, ‘Nde-yadu ui ipfo ruwehu, rina lyapfo litano lyele; wumangi wopfo wuche. Isho ukundi chando shekewutika kulya ruwehu, na kunu orukenyi shiwewa shido.’

YOHANE 15:8

Wande oko naing'anyisho kokoya mokumbia ndunda tsifoi na iwa wa kiloshionyi kyako.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

1 WAKORINTO 14:25

na ihenda iwonyo owingo na pata, na wudo echiho wanda kewikya Ruwa wuindi na ihamba na pata ke Ruwa asanganyi na nyo.

2 WAKORINTO 9:13

ipfo kundo wupfuṟukanyi wukeri wudi womshika imanyika wawuta-ho iṟumisha Ruwa kya wuhendeli wonu wohamba ndumi ya sia ya Kristo na kya mlungano fu mukuwodye nawo na wandu wose fuhoṟoki fudo.

WAGALATIA 1:24

Wakakuwutya-ho iṟumisha Ruwa kipfa kyako inyi.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 5:8

Kipfa kacha muwekeri meemenyi, wulalu mukeri sa kui ikulunga na Mndumii. Chumienyi mui wana wa sa,

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

1TIMOTEO 2:10

Indi liwe lya kilya kisumhanye waka wakuhambie na wuowu woowuo Ruwa lii lya mawuto mecha.

1TIMOTEO 5:10

Nawe mṟingishie kui mawuto mecha ili ametoṟishya wana ili ameekya necha wahenu ili amesanja waele walya madende ili ameikanya wafoye ili amewinya orio ṟunda icha lyose.

1TIMOTEO 5:25

Mawuto halya mecha na wudo hamanyikye, na kya halya kyaho kihendekye kiwungi ma haidima ikaa hai maṟikepfo.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

TITO 3:4

Matika na halya kulembonekaho woloṟu wo mkiṟi odu Ruwa na mkundie foke akunde nafo wandu aleluwonya okio.

WAEBRANIA 10:24

Na lukae lochiringana luwenyi na wenyi luhende yaaka kui makundano na mawuto mecha.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

1PETRO 3:1

Nyo waka kuwikyenyi shi ya wamii wanu. Ma kokoya waipfo wasoṟo walasoṟa idedo lya Ruwa, wahende iliidikia kipfa kya mkao yo yanu mcha. Ma chi kui madedo-pfo.

1PETRO 3:16

Indi mumhaluo muwodo nyi wuhoo na wuowu. Ngoo tsa mrima yanu tsii njicha, kundu na ipfo kundo waimsutsa washike ipfia sonu walya waideda owicho kya, ohendo lonu lochia ludi kui Yesu Kristo.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

1PETRO 4:14

Nanga nyo kokoya moilo kipfa kya rina lya Kristo, kipfa Mumuyo fo wuitoṟi, nyifo fo Ruwa fuimsokya.