MATAYO 5:12 - Bibilia Kui Mdedie fo Kimochi

¹² Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

MATAYO 5:12 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

1WAMANGI 18:13

Ngesa, Mndumii alemewio chandu njilewuta kiheri Yezebeli alewaha waikimbi wa Mndumii? Chandu njileṟika waikikumbi wa Mndumii wandu makumi hatanu 50 ko makumi hatanu 50 kiidi kya opanga, ngawalela na kando na mṟinga?

1WAMANGI 18:4

Kikawa kiheri, Yezebeli aweiwaha waikimbi wa Mndumii, Obadia naleduo waikimbi ihana 100 kawaṟika makumi hatanu opangenyi, kawalela na kando na mṟinga).

1WAMANGI 19:2

Yezebeli kaduma ndumi ko Elia kambia, “Maruwa hanjiwahie kuleshe, ngakulia nyamu, kukashika ngama kiheri cha iki nochifanana na waikimbi wa Baali chandu ulewawutia.”

1WAMANGI 21:20

Ahabu, kawia Elia, “Ngesa nonjiwadase, iyo mkituwa oko?” Kambia, “Ngakuwada kipfa nolekuhaluo mbucha kundu uwute mawicho oshangunyi lo Mndumii.

1WAMANGI 22:8

Mangi o Israeli kawia Yehoshafati, “Kuwode mndu umu luwechiidima iwesa ko Mndumii kui dumbu lyake, elaho Mikaya mana o Imla, indi njimsuo kipfa ekenjiikimbia mecha-pfo. Shile mawicho tupu.” Yehoshafati kambia, “Ote Mangi nalehamba adi,

2WAMANGI 1:9

Naalyo Mangi kaduma mnene umu na wandu makumi hatanu wahende ko Elia. Wakahenda wakakoya adamie huya fumvuhu. Kammbia, “Iyo mndu o Ruwa, Mangi nakuwia soka.”

2MBONYI TSA MAHERI 16:10

Madedo ha haletewa mangi Asa kasuo mnu Hanani, tane ambika kipfungonyi kya mnyonyoṟo. Kiheri na ikyo, Asa kawoka maturo hang'anyi ko wandu maata.

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

SHIIMBO SHA DAWIDI 19:11

Mṟundi opfo nyekewawaso kyafo, Kui iwada mawawaso kuwode kiira, king'anyi.

SHIIMBO SHA DAWIDI 58:11

Na mndu nyechihamba, nkya lohi Kuwode wueri ko ulya asumhanyi. Nkya lohi kuwode Ruwa ekeanduo kunu orukenyi!

MFANANO 11:18

Mndu mbicho nechiambya wueri wo wulembi; Mowaaya lohi nawode wueri wokusirya.

YESAYA 3:10

Wienyi wenyi wusumhanyi ke wechiwa nanga, kipfa wechilya ndunda tsa mawuto hawo.

YEREMIA 2:30

Njilekapa wana wapfo kya wulya; waleleha ilosho kui ngapo; oshu lonu muwenyi lulewaaha waikimbi wapfo, cha mwiso fokenyamaṟa.

YEREMIA 26:8

Yeremia ammaa ihamba madedo hose Mndumii alembawawasa nawie wandu wose, nlyo walaanyi na waikimbi na wandu wose wakambada, wakahamba, “Nyi kya lohi nyi ochipfa!

YEREMIA 37:14

Yeremia kambia, “Ikyo nyi wongo! Inyi njidicha ma ihenda ikulunga na Wakaliayo pfo.” Indi Iriya aleidikia madedo ha Yeremia pfo. Kyasia kambada kamduo ko wanene.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 6:16

“Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

LUKA 13:34

Ee-Yerusalemu, Yerusalemu, okewaaha wadedi wa Ruwa kowekumbia na iwo wawadume kopfo maho, nyi kafoi kada njiwekundi isanyia wana wapfo handu hamu chando nguku yekesanyia malea hayo makungonyi nanyo mulakunde!

LUKA 6:23

Chihionyi mfiri fulya muwetoola-tola, kipfa woṟunda wonu nyi wufoi kulya ruwehu; kyamba nyi wudo wandeawo walewewutia wadedi walya wa Ruwa.

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

MAWUTO HA WASU 16:25

Kya indi kio aa madumbwo hawi Paulo na Sila waweiterewa Ruwa na imwimbya shiimbo shemṟumisha na wapfungo walya wengi waiho wechiadanya.

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

WAROMA 5:3

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda.

1 WAKORINTO 3:8

Kya indi mowaya na monosa wahianyi, na orio owo echiwona woṟunda woke wumsumhanye o wuidikyanyi na mawina hake.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

WAFILIPI 1:29

Cha kipfa nyo mui-wasumbye kya Kristo ke mulawe mochimwidikya tupu kya indi muwewa mochituṟo kimaduma o.

WAFILIPI 2:17

Kya indi ma kokoya samu yako yashika ihenda yoolo yechidasyo wuidiki wonu na iwupfuṟukanya na ngachihio ngawechihio hamu nanyo mose.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

WAKOLOSE 3:24

Mochimanya ke mochiambya wueri wuwukie ko Mndumii, nawo nyi kyoṟa kilya. Ṟundienyi Kristo Mndumii!

1WATESALONYIKYE 2:15

Nawo nyi wo walewaha Mndumii Yesu na waikimbi walya wakawelufuna naso. Wo waindya Ruwapfo, wawode tumbe na wandu wose.

WAEBRANIA 10:34

Kyamba nanyo muleichio wapfunge walya wukiwa, na iliindi mulesoko masaa hanu nyi mulekukarishya muwekaa na sia, kipfa muweichi ke nyi muwode mkae fungi fui mcha fochikaa.

WAEBRANIA 11:26

Nyi alehamba isutso kimaduma kya Kristo lyo liende wusuṟi kota shisa sha Wamisiri, kyamba nyi aleringa wuṟundi wulya.

WAEBRANIA 11:33

Wonyiwo walelaṟa maumangi kui wuidiki wakaende wusumhanyi, wakashika ikoya shilya shileteṟyo wakapfunga madumbu ha miso.

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

YAKOBO 1:2

Wanawawama wako, kokoya moshika ihoyo shihesho shiwe na shiwe, iki mukitane sia ii njenyi.

YAKOBO 5:10

Wanawawama, mukuwade na waikimbi walya walededa kui rina lya Mndumii, wawe mtaato fonu mpfunge, fo ihenda iwawiṟo owicho na fo ikukarishya-ho.

1PETRO 4:13

Kya indi ili muisanzyo Kristo mawawio hake ikyo kimwenenge muhende ichihio kya sia yanu ya ipfo mawonesyonyi ha wuitoṟi woke lyondi mochikapa ngululu.

RUTI 2:12

Mndumii nakuwikie ona kya maṟunda hapfo, nowone kyooṟa kisumhanyi ko Ruwa, Mndumii-Ruwa o Israeli, ichu kuledichiya shiya makungo hake.”