MATAYO 4:9 - Bibilia Kui Mdedie fo Kimochi

⁹ Kambia, “Aiho, nyi njechikuinenga hose, komekekunjiolokya ndenyi na interewa.”

MATAYO 4:9 ပူးပေါင်းရင်းမြစ်များ

SHIIMBO SHA DAWIDI 72:11

Ee Wamangi wose wamwiindie, na mkambo ya wandu wose wamṟundie.

MFANANO 8:15

Kui ndarama ya ko Wamangi wakaitoṟya, Na wanene wadumbuo kya wusumhanyi.

DANIELI 4:32

Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

MATAYO 26:15

Kahamba, “Nyi kiki mokunda injiinenga na inyi njimueke imdambika konu?” Wakamteṟya-ho kiheo kya rupia makumi haṟaṟu.

MATAYO 4:10

Nalyo Yesu kambia, “Wuka iya koko Satan, kifa nyi ki-kiṟehie kehamba: Mndumii ofo Ruwa, nyio amonyi ochimwolokia ndenyi na imterewa.”

YOHANE 12:31

Wulalu wuyana wu wohenda iwonyo mdumbuye. Wulalu mnene o wuyana wu echifunyo kulya nja.

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

YOHANE 16:11

Kya mwanduye nyi ili mangi ii ya wuyana wu ammaa iwonyo owingo.”

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

1TIMOTEO 3:6

Nalawe mwetsi kundu nalawone echikulandaṟisha nashike ihoya wudehelinyi wo Satana.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”