MATAYO 4:24 - Bibilia Kui Mdedie fo Kimochi

²⁴ Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

MATAYO 4:24 ပူးပေါင်းရင်းမြစ်များ

2SAMWELI 8:6

Dawidi kawika kiṟaṟo ya waskari wake wafoi kiidi kya mṟi fo Aramu fo Dameski. Waaramu walya wakawa masinga hake na imtaa okamba. Ruwa kainenga Dawidi pfinya yekapana na iwinza orio handu ahenda.

1WAMANGI 10:1

Mkamangi o Sheba kekiicho kiṟumi kya Solomoni, kipfa kya rina lya Mndimii Ruwa, kahendia Solomoni kundu namheshe na maweso maumu.

1WAMANGI 4:31

Naweidie wandu wose kui wulaanyi; kaweidia Ethayi, Mwezrahi, Hermani, na Kalkoli na Darda, wana wa Maholi na kiṟumi kyake kikadungana kiidi kya mkambo na mṟasenyi.

1MBONYI TSA MAHERI 14:17

Kiṟumi kya Dawidi kikang'ana orukenyi kose, na Mndumii-Ruwa kawika wuowu mrimenyi ya wandu walya wa mkambo wose, wakaowuo Dawidi.

1MBONYI TSA MAHERI 29:2

Kui pfinya tsako, ngametambahana na iteseheṟa shihia shesungusia mba ya Mndumii-Ruwa: Sahabu ko shindo sha sahabu, fesa ko shindo sha fesa, aṟeṟa ko shindo sha aṟeṟa, menya ko shindo sha menya, na mbau tsesungusia shindo sha mbau. Ngoseṟa ya isho, ngameteseheṟa shindo sha shohamu ifoi, na sheichuṟia, na maho ha wuhuru wung'anyi ha fana tsa mbaṟi tsifoi, na marimari ifoi.

IWUKA 15:26

Kawawia, “Kokoya mochiadanyia ṟu lya Mndumii-Ruwa, onu kui pfinya tsose na iwuta shisumhanyi oshangunyi loke, nodehe madu hapfo uicho mawawaso hake, na iwada mawawaso hake, Inyi njechiende ndaṟe tsilya njileendie Wamisripfo; huyapfo pfo kyamba Inyi njii Mndumii-Ruwa njekekukiṟa.”

MATAYO 12:22

Naho kaendyo mndu awodo nyi mṟufu mbicho a mpfu meso kavewa na pipi. Nao kamkiṟa. Ulya ai pipi kaidima ideda na yambuo.

MATAYO 14:1

Kyasia mandi halya kuwepfo mangi tsa oruka tsiina, ulya umu-ho nyi Herode. Eleicho mbonyi tsa Yesu tseehambo wandunyi.

MATAYO 15:22

Naho adi a ulya mka o Wakananyia kacha napfo auka kulya mṟasenyi iya kakoṟoṟoma ilaha kahamba, “Kensaṟya-wo wukiwa woko hoi Mndumii ui Mana o Dawidi! Mana oko o waka aituro mnu nyi mṟufu mbicho fumbode.”

MATAYO 17:15

Kahamba, “Hoi Mndumii, kesaṟya mana oko wukiwa, nyi awodo nyi osuko lo meri kawawio mnu iki kiwicho-wicho. Nyi kifa kafoi awa moho modonyi na kafoi nyi mṟingenyi.

MATAYO 17:18

Na Yesu kamdedya kya imwowesha nalyo mṟufu fulya mbicho fukambuka. Na mana ulya kachia kiwokia saa na iya.

MATAYO 4:23

Nao kawa moida-ida kulya Galilaya kose kelosha kulya sinagogenyi tsawo, na yonguo mbonyi tsa sia tsa wumangi, na ichiṟa orio ndaaṟe tsose na wufari wose wui ipfo wandunyi.

MATAYO 8:28

Kyasia amambadya kulya mataya kulya orukenyi lo Wagadara kawona wandu wawi wawodo nyi mṟufu mbicho wecha imkumbuhana wawuka mbangenyi kundu wapfu weṟiko wai walang'a mnu, ma mndu nalakarie iida na njia iya.

MATAYO 8:33

Kyasia walisi walya wakadicha, wakahenda kulya mṟinyi, wakaongwo-pfo mbonyi tsilya tsose, na tsa wandu wawodo nyi mṟufu mbicho.

MATAYO 8:6

Kamfuhya wukiwa kehamba, “Hoi Mndumii, msoṟo oko alee kulya kanyi atiliwanyi shiwungo-sho aiwawyo mnu iki kiwicho-wicho.”

MATAYO 9:26

Na mbonyi tsilya tsikahenda dung'ana kulya orukenyi kose.

MATAYO 9:35

Na Yesu kawa motengetatengeta kelosha kulya sinagogenyi tsawo kyechionguo mbonyi tsa sia tsa wumangi wo Ruwa kekiṟa na orio ndaṟe yose na wunyonge wose.

MARIKO 1:28

Nahong'u mbonyi tsa Yesu tsikadung'ana owinyi kulya orukenyi lo Galilaya kose.

MARIKO 1:32

Kyasia ili kyukanyi mnengeṟi fochiolokya, wakamendye Yesu wandu wose wakeri iwawyo na sa wawodo nyi waṟufu wawicho.

MARIKO 2:3

wakacha wechimendye mndu a muumu shiwungo ariyo nyi wandu waana.

MARIKO 2:4

Walaidime imshitsa o handu Yesu ai kipfa kya mamingi fulya fo wandu. Wakahenda yatuoatuo mba iya alya huye ipfo sumhana na handu Yesu ai. Wakasanja-ho wakasotsya-pfo kitaṟa kilya, kirie mndu ulya a muumu shiwungo.

MARIKO 2:9

Iki kii kyangu nyi kihya, ngesa nyi iwia mndu-chu muumu shiwungo. Njonyamaṟo tsapfo tsamewuto ang'u nyi imbia, “Kure noire kitaṟa kyapfo nokuhendye?

LUKA 2:2

Na kiṟehio-kyo nyikyo kya kuwoka, lilya mandi Kirenyio akeri mchili o kulya Siria.

LUKA 4:14

Na Yesu kawuya na kulya Galilaya ai na pfinya ya Mumuyo; na kiṟumi kyake kikahenda kedung'ana shihongo shilya shikinganyi na oruka lulya shose.

LUKA 4:38

Nao kakure kulya sinagogenyi, kaida na mba ko Simon. Na mamka o Simon nyi awewodo nyi modo, kaaka keng', wakamumterewya.

LUKA 5:15

Kyaindi sumu tsake tsikaengeṟa idung'ana, wakakuwumbia mamwingi ifoi icha imwadanyia na ichiṟo nyio ndaaṟe tsawo.

LUKA 5:24

Kyaindi muwone handu mochimanya ke Mana o Mndu nyi awode pfinya kunu orukenyi yewuta njonyamaṟo kawuya iwia ulya atiliwanyi shiwungo.” Ngakuwia, “Kekureng'u uire kitaṟa-kyo kyapfo nohende kanyi kopfo!”

LUKA 7:17

Mbonyi-tso tsake tsikadung'ana kulya Uyuda kose na kulya-ndo kukinganyi napfo kose.

YOHANE 10:21

Wengi wakahamba, “Madedo ho adeda chi hakeri cha ha mndu awodo nyi oṟuṟepfo. Alewo mooṟuṟe awechiidima itambaṟuo meso ha shipfupfuṟe ngesa?”

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 15:23

Wakaṟehya paruo wawaendie na mawoko hawo, nayo ihambye idi, “So wasu na wameku lui wanawawaama lo mwiṟikiṟa nyo wanawawaama wadu mui ipfo Antiokia na Siria na Kilikia muwukye mkambonyi ii mhenu.

MAWUTO HA WASU 15:41

Kahenda isenguda Siria na Kilikia kakapa siṟi owanzo.

MAWUTO HA WASU 28:9

Isho shekitanyika wengi wawewodo nyi ndaṟe tsawo kulya kiṟingitinyi wakacha wakachiṟo.

MAWUTO HA WASU 8:7

Kyamba wandu wafoi wawewodo nyi mṟufu mbicho walehenda iletso ikawuka-ho yechifihiṟa mnu, na wahuli wafoi na wawetiliwanyi shiwungo wakahenda ichiṟo.

YOSHUA 6:27

Kyasia Mndumii-Ruwa nawei hamu na Yoshua na kiṟumi kya Yoshua kikadungana kulya orukenyi kose.