MATAYO 4:21 - Bibilia Kui Mdedie fo Kimochi

²¹ Nao kekihenda-henda, kawewona-se wana wa mka wawi, nyi Yakobo na Yohane, wai wana wa Sebedayo, wai ngalawenyi, na ndea-wo nyi aweipfuma mdeho iya yawo handu iwerandukie, kawalaha.

MATAYO 4:21 ပူးပေါင်းရင်းမြစ်များ

MATAYO 10:2

Na wasu walya marina hawo nyiho iha, o kuwoka nyi Simon ewio nyi Petro na Andrea manomae, na Yakobo ai mana o Sebedayo, na Yohane ai manomae.

MATAYO 17:1

Kyasia komida-ho mfiri iṟandaṟu nalyo Yesu kaduo-ho Petro na Yakobo na manomae Yohane. Kahenda nawo kado kundo ko fumwuhu lii lileshe hando ha kisekenyi.

MATAYO 26:37

Nao kahenda arie Petro na wana walya wa Sebedayo wa wawi kawoka isokyo nyi fowa na iṟeweṟewe.

MATAYO 4:20

Kudi wakada-ho mdeho iya, wakamwosha.

MATAYO 4:22

Nawo wakada-ho ngalawa iya, na ndeawo-da, wakamwosha.

MARIKO 3:17

Yakobo na Yohane wana wa Sebedayo (Yesu kawadumbuya rina nyi Boanerge, nakyo kyahamba, wana wa ikuṟuṟuma.)

MARIKO 5:37

Alalekye mndu nahende nao shila Petro na Yakobo na Yohane, monomae o Yakobo.

YOHANE 21:2

Nyi Simon Petro wawekeri handu hamu na Toma (ulya alaho o mbasa) na Natanaeli o kulya Kana ya Galilaya na wana walya wa Sebedayo na wengi-se wawi wa ipfo kiloshyonyi kyake.

MAWUTO HA WASU 12:2

Kawaha-ho Yakobo na oshu ulya akeri manomae o Yohane.