MATAYO 28:18 - Bibilia Kui Mdedie fo Kimochi

¹⁸ Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MATAYO 28:18 ပူးပေါင်းရင်းမြစ်များ

SHIIMBO SHA DAWIDI 89:19

Nlyondi kulewia waele wapfo kui ndodo, “Kohamba, njileinenga ai ngohoda kitarama; ngang'anyisha msa alesambuṟo kiidi kya wandu.

SHIIMBO SHA DAWIDI 89:27

Na inyi njechimsumba nawe wuwee woko; nakae huye mnu kota wamangi wa wuyana.

MFANANO 8:15

Kui ndarama ya ko Wamangi wakaitoṟya, Na wanene wadumbuo kya wusumhanyi.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 26:64

Yesu kambia, “Naakyo ohamba. Na inyi ngambia, wokia wulalu mochiwona Mana o mndu adamye ipfo ora lo kulyo lo pfinya-ii itoṟye akeri icha ai huyaa mapuchi ha ruwehu.”

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 17:2

Kyamba uleinengya Mana chu itoṟya wandu wose kundu nawasumbe wose ulemwenenga moo fo mlungana.

YOHANE 3:31

“Ichu acheye awukye huye nyio mnene o wose. Ichu apaṟikye kunu wuyana kawewa na o kunu wuyana kuwededa shii sha wuyana. Indi ichu achee awukye ruwehu o akeri mnene o wose.

YOHANE 3:35

O Wande nyi akundi Mana chu kamdambikya shindo shose.

MAWUTO HA WASU 10:36

Aii ndumi aidikye wana wa Israeli wose echionguo ofoṟo luiwiko nyi Yesu Kristo. Nao nyio ai Mndumii o wandu wose.

MAWUTO HA WASU 2:36

“Kyasia mba ya Israeli yose iketawuka imanya kya lohi, ke Ruwa nyi alemtana Mndumii na Kristo, Yesu cho mlembambya msalabenyi.”

WAROMA 14:9

Kimaduma kya ikyo Kristo alepfa kawuya kaṟuka, nyi kundu nawe Mwitoṟi o iwo wapfie na iwo wai na moo.

1 WAKORINTO 15:27

Indi mandi halya amshika ileṟyo shi yake shose

WAKOLOSE 2:10

Nanyo mui wafeṟe mfeṟa fo moo fumu nao ichu ai mdo fo orio wuitoṟi na wunene.

WAEBRANIA 1:2

Ili lyefurumia lya suku tsi alededa naso kui Mana, chu alembika mokyoṟya echioṟa shose. Nao nyio alembika nao na mandi halya.

WAEBRANIA 2:8

Kombika shose shi ya madende hake.” Kyamba imbikya shose shi yake lyo lyahamba ke kutolyo-ho ma kimu kilawewikyo shi yakepfo. Indi wulalu lulandewona shilya shose shii-shiwike shi yake.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

OTAMBAHALUO LO YOHANE 17:14

Wo nyiwo wechira shida yewahana na Kidahina kilya. Na kidahina kyeshiwawinza, kipfa nyi Mndumii o wandumii na Mangi ya wamangi na walya wai nao wo waiwalahe wai-wasambuṟe wai wahendeli.”

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”