MATAYO 27:52 - Bibilia Kui Mdedie fo Kimochi

⁵² Na ipfo mbangenyi kundu mnying'a imṟike kukaṟuhuka. Na mbihu ya wandu waele wafoi walemepfa kacha ikaṟuka.

MATAYO 27:52 ပူးပေါင်းရင်းမြစ်များ

2WAMANGI 13:21

Ambuya kiheri kyo waweṟika mndu, wekiwona itoṟito lya wandu wawerie mnying'a wakakumba mnying'a fulya nafo fulekuwasha na mafuo ha Elisha kaṟuka kahoṟoka na madende hake.

YESAYA 25:8

Nameṟie opfu mṟasa mlungana; na Mndumii-Ruwa nechiangatsa mchenyeṟe oshangunyi lowo; na sonu ya wandu wake nechiiwuta kiidi kya wuyana wose; kipfa Mndumii adeda isho.

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

DANIELI 12:2

Kingi wafoi wa iwo wekoyo walee maṟungunyi wechiṟutso, wengi wawone moo fo mlungana na wengi sonu na wukiwa wo mlungana.

HOSEA 13:14

Ambuya njechikiṟa wandu wa wawuke ko waṟumu pfo, ma njechiwakiṟa kiidi kya opfupfo! Iyo opfu nyiku matuuro hapfo hakeri? Na ipfo ko waṟumu nyiku arisikio lyapfo likeri? Inyi njechiwasaṟia se pfo.

YOHANE 11:11

Yesu ekihamba adi kawuya kalungyaho kingi kawawia, “Mbuya chu odu Lasaro nyi alee, kya indi njihenda-pfo njimpang'tse.”

MAWUTO HA WASU 7:60

Kapfiria ndi kalaha na ṟu ling'anyi kahamba “Hoi Mndumii! Ma kulawapfungiṟye-wo wunyamaṟi wu!” Kekihamba ado donyi kadonyikya madonyi kapfa.

1 WAKORINTO 11:30

Nkyo kimaduma ipfo konu kwipfo wafoi waluo, wai wanyonge, na wandu sa weengi walee.

1 WAKORINTO 15:20

Kya indi wulalu Kristo aṟukye-ng'u wapfunyi, nyi amba mopaṟasaka o walya walee.

1 WAKORINTO 15:51

Ambuyenyi ngamuwia kii kiṟikie, ke lulechihenda kulaya lose, kya indi lochiilachika lose.

1WATESALONYIKYE 4:14

Kipfa kokoya lokusirya ke Yesu alempfa kaweṟuka, na wudo Ruwa echiduo walya wai wainutsye njia imu nao iisume nyi Yesu.

1WATESALONYIKYE 5:10

Nyio amelupfia kundu so ma lui-ho ma lulee lutsinde moonyi hamu nao.