MATAYO 27:51 - Bibilia Kui Mdedie fo Kimochi

⁵¹ Nalyo ambuya, isulia lilya lyeshingya ipfo hekalunyi likaranduka ipfo makiidi hawi liwuka tsindenyi likapahukya mdonyi. Na wanda ikadedema na maho-ho manene hakapaṟika.

MATAYO 27:51 ပူးပေါင်းရင်းမြစ်များ

2MBONYI TSA MAHERI 3:14

Solomoni kawesungusia isulia lya kitani kicha lya fana ya buluu, kikisanze nyi fana ya king'aring'ari, na fana ya kimande na fana ya maruwa. Katsishela ko picha tsa makerubi.

SHIIMBO SHA DAWIDI 18:15

Nyi hondo kulewonekaho okondo lo mṟinga, Njotende tsa wuyana lukashukuo. Ee Mndumii, kui idedia lyapfo Kui ifiliya lya mṟufu fo mbuo tsapfo.

SHIIMBO SHA DAWIDI 18:7

Nyi lyondi oruka luledihina na idedema, Njotende tsa mafumvu tsikapongika, Iledihina kipfa nyi awewodo nyi nyashi.

IWUKA 40:21

kiidima kaende isandukulyo kaliwika mba ya handu halya hekaa, nao kamasa isulia lilya lyeshikia kashikia isanduku lilya lya wuṟingishi chandu Mndumii-Ruwa alewawasia Mose.

YESAYA 25:7

Nao kiidi kya fumvu lyi nechinyamaṟa oshangu lo ichu ambike huye ya wandu wake wose handu heowa, na oṟo iya injiwike huye ya wandu wa mkambo yose.

WALEWI 16:2

Mndumii kawia Mose, “Deda na manomayo Aroni, ke nalaide kiheri kyo kyose na handu haele ipfo isulienyi, oshangunyi lo kidi kya osaṟio, kii huya isanduku, nalashike ipfa; kyamba njechikuloṟa kulya ipuchinyi huya kidi kya osaṟio.

WALEWI 21:23

Kyaindi nalatikirie isulia lilya manya alya rasionyi kyamba nawode ufafa, nalashike iteṟefutsa handu haele; cha kipfa Inyi Mndumii-Ruwa, Ruwa nyio njekemushimbuo.”

HABAKUKI 3:10

Mafumvu halekuwona, hakaowuo; mfu ikasoka; Njoṟoo tsa mapalyi palyi tsikaṟuṟuma, Tsikairia masinano huye.

HABAKUKI 3:13

Kowono kipfa kya okiṟo lo wandu wapfo, Kipfa kya okiṟo lo mesia opfo ulemshimbuo; Kopaṟa mdo fo mba ya wetahacha, Karumatsa nakamu walya waweimosha.

MAITALA 4:5

“Mndumii kawia Mose kudi. Kiheri kewunduo kambi, Aroni na wana wake wechiida na ipfo ihemenyi, wasotsie wanda isulia lii mbele ya Isanduku lya mkundana, numa walishikie na isulialyo.

MATAYO 27:54

Kyasia mchili ulya o siṟi ya ihana wakeri-pfo na walya weringa Yesu wamidima iwona kiding'ashi kilya kyaida-ho na shindo shilya shawutika wakaowuo mnu wakahamba, “Na lohi ichu nyi awekeri mana o Ruwa.”

MATAYO 28:2

Naho kudi a iki kiding'ashi kyaida-ho sa kiapfinya. Nyi kipfa msu o Mndumii alesoka awuka ipfo ruwehu.

MARIKO 15:38

Nahong'u isulia lilya lyeshingya ipfo hekalunyi likaranduka njora tsiwi, likawokia huye likashika tsindenyi.

LUKA 23:45

Mnengeṟi fulaloṟe ngeela yafo, isulia lilya lyeshingia hando haele ipfo hekalunyi likarandukia oo makiidi hawi likalekana.

LUKA 23:47

Kyaindi mchili ulya o wasikari kekiwona shilya shewutika, kaidapfuma Ruwa, kahamba, “Na lohi, mndu-chu na awei mcha asumuhanyi!”

WAEBRANIA 6:19

Lo lulukerye kipfunga mrima kiwangi kitumuhaa kikeri ikuhendya ora lo kya mba ipfo kundu kiṟikishya kilya kiishingya-ho.

WAEBRANIA 9:3

Indi mbele ya isulya lyeshikya mongo lilya lya kawi kuweei-pfo hema lilya lihambo maele.

OTAMBAHALUO LO YOHANE 11:13

Saa na iya kukakuidya-ho kiding'ashi ling'anyi. Na mṟi fulya fukawunduka kyenga kya ikumi. Na walya walewoho nyi idihinashi lilya wandu shiku mfungade. Na walya walekia-ho wakaowuo mnu wakawikya Ruwa o ipfo ruwehu mng'ano.

OTAMBAHALUO LO YOHANE 11:19

Na hekalu lya Ruwa likaṟuhuka ipfo ruwehu kukawono-ho sanduku lya mkundana foke ipfo hekalunyi lyake. Kukaamka nguwa, na maṟu hededa na makuṟuṟuma na mvuo ya makuṟeṟa hang'anyi na kidihinashi.