MATAYO 26:64 - Bibilia Kui Mdedie fo Kimochi

⁶⁴ Yesu kambia, “Naakyo ohamba. Na inyi ngambia, wokia wulalu mochiwona Mana o mndu adamye ipfo ora lo kulyo lo pfinya-ii itoṟye akeri icha ai huyaa mapuchi ha ruwehu.”

MATAYO 26:64 ပူးပေါင်းရင်းမြစ်များ

SHIIMBO SHA DAWIDI 110:1

Idedo lya Mndumii ko mndumii oko: “Nodamie owoko loko lo kulyo, tane ngawika wakituwa wapfo, ikaa shi ya madende hapfo.”

YESAYA 19:1

Otambahaluo lo Misri. Ambuya Mndumii nado na ipuchi liangu, nashika Misri, na sanamu tsa Misri tsidedema oshangunyi loke, na mrima fo Misri fosalaa.

DANIELI 7:13

Ngawewona se ipfo ndodonyi ya kio, umu ai ofano lo mndu kacha na mapuchi awuka ruwehu, kasembelia mmeku ulya o maka ifoi wakameende na afui.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 22:44

Mndumii alewia Mndumii oko, ‘Kedamya kunu ora loko lo kulyo na inyi njitane ngawika wakituwa wapfo ipfo shia madende hapfo.’

MATAYO 24:30

Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

MATAYO 26:25

Kyasia mṟingi ulya oke Yuda kamhaluo kahamba, “A ngesa nyio inyi, Maaria?” Yesu kamhaluo, “Nawo ohamba.”

MATAYO 27:11

Kyasia na Yesu awehoṟoki ipfo oshangunyi lo mchili moitoṟya oruka. Na mchili kambesa kahamba, “Iyo nyi mangi ya Wayuda?” Yesu kahamba, “Nakyo ohamba.”

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MATAYO 8:20

Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.”

MARIKO 14:62

Yesu kahamba, “Ee da inyi nyio. Nanyo mochiwona Manomndu adamye ipfo ora lo kulyo lo Menyi Pfinya, kechicha ipfo mapuchinyi ha ruwehu.”

LUKA 21:27

Kiheri-kyo, nlyondo wechiwona Mana o mndu kechicha ario nyi ipuchi, awode pfinya na kiṟumi king'anyi.

LUKA 22:69

Kyaindi wookia wulalu Mana o Mndu nechikaa adamie owokonyi lo kulyo lo pfinya ya Ruwa.”

LUKA 22:70

Wakahamba wose, “Ate iyo nyi Mana o Ruwa?” Nao kawawia, “Nyo nyi mohamba, kipfa inyi nyo.”

YOHANE 18:37

Naho Pilato kambia, “Nawo owei ng'u Mangi?” Yesu kahalwo, “Iyo omhamba nawo nji Mangi. Kyannenga ngafeo mndu nyi ikyo, kyawennenga ngacha na kunu wuyana nyi kundu njiṟingishie wukilohi. Orio mndu ose ichu apaṟikye wukilohi echicho ru lyako.”

MAWUTO HA WASU 1:11

Wakahamba, “Lanye wasoṟo wa Galilaya, nyikili muhoṟoki mdi iya mochiambuya ruwehu? Yesu chu awuto konu kedao ruwehu na wudo echikaa nache na chando mbembonyi kehenda na ipfo ruwehu.”

WAROMA 14:10

A iyo nyi kiili oanduya manomayo? Ang'u iyo, nyi kiili uminye manomayo? Kyamba so lose nyi lochikaa lushike ihoṟoka alya mbai ya loṟika lo ianduyo lo Ruwa.

1WATESALONYIKYE 4:16

Kipfa matika halya koichio iwawaso lyeamtsa ṟu lya msu mwele mchili na ombe lo Ruwa lochideda, Mndumii kachesoka ruwehu, oweṟe na lulya wapfie wa Kristo wechiṟuka wasonguo.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.