MATAYO 26:61 - Bibilia Kui Mdedie fo Kimochi

⁶¹ Wakahamba, “Mndu-chu nyi elehamba, njechiidima isanja hekalu lya Ruwa njiliwike lya kawi mfiri iṟaṟu njimae.”

MATAYO 26:61 ပူးပေါင်းရင်းမြစ်များ

MAWOOKIONYI 19:9

Kyaindi wakahamba, “Lusehie!” Wakawuya wakahamba, “Mnduchu umu nalecha ikaa kodu ai mhenu nao ate nakundi iluchilia!” Nahong'u lochikuwutia iyo kiwichowicho kota iwo. Wakawinyisha mnu mnducho, o Loti, wakundifunja mongo.

1WAMANGI 22:27

muhambe, Mangi nahamba adi, ‘Wikenyi mndu-chu mmbenyi ya wapfungo, nainengo kelya kya wukiwa, na mṟinga fo wukiwa, mṟasa njiwuye ko ofoṟo.’”

2WAMANGI 9:11

Naalyo Yehu kahendia waṟundi wa Mndumii oke. Umu owo kambesa, Ngesa nyi ofoṟo? Nyi kiki kyaende mndu chu nao awodo nyi oṟuṟe? Na mbonyi tsa madedo hake.

YESAYA 49:7

Mndumii mkiṟi o Israeli, Mwele oke, nawia adi ichu ammine nyi wandu; ichu asuikie ko oshari lu lo wandu; ichu ai mṟundi o iwa waitoṟie; “Wamangi wechiwona, wechihoṟoka; wanene nawo wechipfira ndi; kipfa kya Mndumii ai mhendeli, Mwele o Israeli alekusambuṟa.”

YESAYA 53:3

Nataluke kaweleho nyi wandu; Mndu aichuo fowa, aichi ikuinadia; Kawewa motewa wandu waṟike shamu shawo. Naletaluka nalawono ma cha kindo.

MATAYO 12:24

Kyasia Wafarisayo wamicho kihambo kido wakahamba, “Ichu nyi aifuna mṟufu mbicho kui pfinya ya Belsebuli ichu ai mnene o mṟufu mbicho.”

MATAYO 26:62

Na mkohanyi ulya mnene kahoṟoka kambia, “A nyi kulahamba ma shehaluo ishi sha wandu-wa waihamba-ho shekuwinga?”

MATAYO 26:71

Kyasia akeri iwuka-ho nashike oo kichuminyi mka isinga ungi kambona-ho, kawia walya wakeripfo, “Mndu-chu nyi awekeri na Yesu-chu kulya Nasareti.”

MATAYO 27:40

Wakahamba, “Kui mosanja hekalu koliwika lya kawi mfiri iṟaṟu likawa kekukiṟe-ng'u kumonyi; kokoya na uwekeri Mana o Ruwa kesoka-ng'u kunu msalabehu!”

MATAYO 27:5

Nao kakumba rupia tsilya kulya hekalunyi. Kasheṟuka-pfo. Kahenda ikuotsuo.

MARIKO 14:58

“Luleicho kechihamba, ‘Njechisanja hekalu lyo li liwike na mawoko ha wandu njiwike lingi ko mfiri iṟaṟu lilaliwike na mawoko.’”

MARIKO 15:29

Na walya, waida-ho, wakamruma wesingitsasingitsa mdo yawo na ihamba, “Iyo kui mosanja hekalu koliwika lya kawi mfiri iṟaṟu, likawa.

LUKA 23:2

Wakawoka imkumba wakahamba, “Ichu nyi lulembona chando aihaluo-haluo wandu wa oshari lodu na iwaima ke, walataaye Kaisari okamba, kakuhamba inyi Kristo nyi mangi.”

YOHANE 9:29

Kya Mose nyi luichi ke Ruwa alededa nao. Kya indi mndu chu lumwichi o kupfo!”

MAWUTO HA WASU 17:18

Nahong'u wandu wa wulanyi wo Epikuro maata-ho na wa wulanyi wo Stoa wakasumbuhanana nao. Kuwepfo wehamba, “A mndu chu o Makideda nkyo iki akundi hamba?” Wengi wakahamba, “Nyi ai cha nyi moongwo mbonyi tsa waṟufu wahenu.” Nyi kipfa aweionguo ndumi ya sia ya Yesu na ya maṟukyonyi.

MAWUTO HA WASU 18:13

Wehamba, “Mndu chu nyi awa mokuruo wandu kundu wawikye Ruwa wuindi njia ikapanyi na njowawaso tsadu.”

MAWUTO HA WASU 22:22

Wakamwadanya mṟasa idedo lilya wakairya maṟu hawo wehamba, “Wuta mndu chu orukenyi, kyamba nawaṟi nakae na moopfo.”