MATAYO 26:29 - Bibilia Kui Mdedie fo Kimochi

²⁹ Na inyi ngambia. Kuwokia wulalu njechikinyo-se iki kiwukye kilimunyi kii kya msabibupfo, na njitane ngashika mfiri ili njechinyoya-ho wuhya njii nanyo ipfo wumanginyi wo Wande.”

MATAYO 26:29 ပူးပေါင်းရင်းမြစ်များ

SHIIMBO SHA DAWIDI 104:15

Na mpfinyo fuchihiṟe mrima fo mndu, nawaṟe kyamu kyake ko mafuda, na mkate fuwihiṟie mndu moo foke.

SHIIMBO SHA DAWIDI 4:7

Nyi uwikye sia mrimenyi foko, kota iwo waichuṟye shilimu na mvinyo.

SHIIMBO SHA DAWIDI 40:3

Kawika kiimbo kihya dumbunyi lyako, nkyo kiṟumi kya Ruwa odu. Wafoi wechiwona waowuo, nawo wechiidikia Mndumii.

SHIIMBO SHA SOLOMONI 5:1

Njiida na kyahunyi kyako, mshiki oko, mana mka o walyi. Njihaa manemane na shiungo , njilya iwuwu lyako lya wuki, njinyo mvinyo foko na maruwa hako. Henda lyenyi, nyonyi, ee, nyonyi mnu, wakunde wako.

YESAYA 25:6

Na kiidi kya fumvu lyi Mndumii menyi Matorito nechisungusia wandu wose wa mkambo mfuho fo shindo shinoru, na fo mvinyo fulai fulonge-longe mnu, mfuho fo shindo shinoru shiichuo mafuda, na fo mvinyo fulai fulonge-longe mnu, fui fukame necha.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

SEFANIA 3:17

Mndumii-Ruwa opfo, nai kiidi kya mbahanyi echiidima ikiṟa. Nechikukesekia na sia ing'anyi, Nekutsia ikundenyi lyake, nechikuchihiṟo na shiimbo.

ZEKARIA 9:17

Chando wucha woke wung'anyi, Na ichia lyake lyielewetsie; Mso fochilumbisha wana wa kisoṟo Kipfuo ko wana wa kika.

MATAYO 13:43

Walya wa wusumuhanyi wawewaa ngeela cha mnengeṟi ipfo wumanginyi wo Nde-awo. Ichu awode madu naveadanya.”

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 18:20

Cha kipfa kundu komsanza wawi ang'u waṟaṟu kuirina lyako inyi napfondo mbei ipfo kiidi kyawo.’”

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

MATAYO 26:30

Wamshika wakaimba shiimbo shilya wakawuka mba wakashika kulya fumwunyi lya mashidi ha msinepfu.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MARIKO 14:25

Nyi kya lohi ngambia, ‘Njechikinyo-se kya ndunda tsa msabibusepfo, na njitane ngashika mfiri fulya, ilindi njechinyoyaho wuhya ipfo Wumanginyi wo Ruwa.’”

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

LUKA 15:32

Kyaindi nyi kiwewaṟi ichihio na ikeseka, kyamba mana-cho oko nyi awepfiie kawuya iṟuka, nyi awedekie kawuya iwoneka.’”

YOHANE 15:11

Ngamemuwia isho kundu msiha fu foko fukae ipfo mrimenyi yanu, na masiha fu fonu fuwe fui na mweena.

YOHANE 16:22

Nanyo na wudo da, kiheri kya wulalu muisokyo nyi fowa. Indi njechiwonana nanyo lingi, na mrima yanu yechichihio na msiha fu fonu kwipfo mndu eidima imsokasepfo.

YOHANE 17:13

Indi wulalu na ipfo kopfo njikuhendya, ngahamba ishi kunu wuyana, kundu msiha fu foko wakae nafo mrimenyi wafuwode fuawukye-ho necha.

MAWUTO HA WASU 10:41

Nawewono chi nyi wandu wosepfo, kya indi nyi wangochi walya wawei wasambuṟe nyi woko-so lulie na inyo kimu nao ili alemaa iṟuka wapfunyi.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

OTAMBAHALUO LO YOHANE 14:3

Nawo wakaimba kiimbo kihya wawei sumhana na loṟika lulya na sumhana na maṟimu halya haana na wameku walya. Manya kuwei-pfo aleidima ikulosha kiimbo ki-pfo shila walya shiku ihana limu na makumi haana na waana wai-watalae wuyana wu.

OTAMBAHALUO LO YOHANE 7:17

Kipfa nyi Kidahina ki kikeri makidi hawi ha kundu loṟika lui kyechiwalisiṟa na iwaduo ipfo sokenyi tsiende mṟinga moo. Na Ruwa echiangatsa mchenyeṟe yose ipfo mesonyi hawo.”