MATAYO 25:34 - Bibilia Kui Mdedie fo Kimochi

³⁴ Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 25:34 ပူးပေါင်းရင်းမြစ်များ

SHIIMBO SHA DAWIDI 2:6

Inyi nyi njilemtana mangi yako Ipfo Sioni fumvunyi lyako yele.

MFANANO 11:17

Menyi isaṟia nekewuta shicha; Mlang'a nekewinyisha mbihu foke.

YESAYA 33:22

Kipfa Mndumii nyi modumbuo kyadu; Mndumii nyio modeda kyadu; Mndumii nyio mangi yadu; nyio echilukiṟa.

YESAYA 6:5

Nalyo ngahamba, ochia loko kipfa njidekie; kipfa njiwode dumbu liichuo wunyamaṟi, na njikeri kiidi kya wandu wafanyi wunyamaṟi madumbunyi hawo; na meso hako hamewona Mangi, Mndumii menyi Matorito.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

DANIELI 9:25

Kyasia wulalu umanye, wokia wuwawaso wo isungusia na iṟeheṟa wuhya Yerusalemu mtano kiheri kya icha lya ichu amshie mafuda ang'anyi; kochiwa mfungade mfungade. Ko mfungade makumi haṟandaṟu na iwi (62), mṟi fo Yerusalemu fochiwiko se ko wuhya na fochiwada mtandaṟa mnene na mṟeshi kyaindi kiheri kyo kochiwada wukiwa.

SEFANIA 3:15

Mndumii nawutaho mwanduye fopfo, Nakumba nja wakituwa wapfo; Mangi ya Israeli, ee, Mndumii nai kiidi kyapfo; Ochiowuo-se wuwichopfo.

MATAYO 13:35

Nyi kundu kuinukye kilya ki kidede nyi mwikimbi Yesaya kehamba, “Njechitambaṟuo dumbu lyako kui mbonyi tsa mfanano, njechyedya shilya shiwei shirike kiwokia oruka lombiko.”

MATAYO 19:29

Na orio mndu ose ma oku ma oku ichu adeye ma wana wamae ma washiki wake ma ndee ma mae ma wana ma mhunda ma mba kikawa nyi kipfa kya rina lyako inyi orio kindo adee naweengeṟyo shipfoi naweoṟa na moo fokaa mlungana.

MATAYO 20:23

Kawawia, “Kirahunyi kyako na mochinyoya-ho. Kya indi idamya ora loko lo kulyo ma lo kumoso kyalyo chi kyako kyeinenga mndupfo. Nyi lyawa lya walya wai wasuṟumye nyi Wande.”

MATAYO 21:5

Ambuya, mangi yapfo nyi ikuchea na kopfo ai, amoloru ambawe nyi nzoi na ihache lii imana lya indo lyekudika.”

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:23

Mndumii ulya oke kambia, “Nyi ulewuta mecha kui isinga icha sa lihendeli. Nyi uwekeri mnene o shindo sa shitutu koweshihe-ndelia. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

MATAYO 27:37

Na oo huyaa mdo foke wakaṟehya-ho kya owingo loke. Ke ichu nyio Yesu ai mangi ya Wayuda.

MATAYO 3:2

Kehamba, “Dumbuyenyi, kyamba wumangi wo Ruwa womeafukia kufui!”

MATAYO 5:19

Kyasia-ng'u mawawaso-ho, ma iho matutu ya hose ichu mopfuluo-ho ma limu kalosha ado wandu, nyi etano mtutu o wose o ipfo wumangi wo ruwehu.

MARIKO 10:17

Kyasia Yesu ambuka-pfo ashikie njienyi, mndu kakambia na koke kampfirya ndi kambesa, “Ui mlosha mcha, kindo njechiwuta, kundu njioṟe moo fo mlungana nyi kiki?”

MARIKO 10:40

Kyaindi idamya ora loko lo kulyo na lo kumoso kyalyo chi iṟunda lyako inyi lyeinenga mndupfo, kyaindi weinengo walya wai wateseheṟye.”

LUKA 11:28

Nao kahamba, “E-wo, kyaindi nanga sa wekeicho idedo lya Ruwa na ikaa wakakaa nalyo.”

LUKA 11:50

Kundu oshari-lu luwuwuyo samu tsa waikimbi wose tsipusukie kimatsika wuyana wuwiko shika inu.

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

LUKA 19:38

Wakahamba, “Naleheke ichu mocha iwa mangi kui rina lya Mndumii; ruwehu nyi ofoṟo, na kiṟumi kikae huye ruwehu!”

YOHANE 1:49

Natanaeli kamhaluo, “Hoi Rabi, iyo nyi ukeri Mana o Ruwa, Iyo nyi Mangi ya Israeli.”

YOHANE 12:13

Wakawada maṟamba ha makangachi wakakure wahende imwambya wakakoṟoṟoma ilaha, “Hosana. Kwadapfumo ichu acha kui rina lya Mndumii kawewa mangi ya Israeli.”

YOHANE 17:24

‘Hoi Wande! Kya walya ulenjinenga, ngakunda ke wakae handu hamu na inyi ipfo kundo njikeri kundu wawone wuitoṟi wulya kulenjiinenga kui ikunda lyapfo uwenjikundi wokia wuyana wulawemeumbo.

YOHANE 19:15

Wadi wakafunja kisangalale, Mduo mduo, mbambye msalabenyi. Pilato kawawia, “Ntane ngawambya Mangi yanu msalabehu?” Wakohanyi walya wang'anyi wakahalwo. Luwode Mangipfo sile nyi Kaisari amonyi.

MAWUTO HA WASU 15:18

Nakyo kimanyikye ke kii kido matsi mawokyonyi ha wuyana.”

MAWUTO HA WASU 3:26

Ruwa kekimaa iṟutsa Mana chu oke alesongwo imduma konu nyo kundu namwonyishe kemletsana orio umu onu ipfo mawichonyi hake.”

WAROMA 8:17

Indi kyamba so lukeri wana wa Ruwa nyi lui na waoṟi luchiambia mboṟa tsa Ruwa; lukamba waoṟi nyi lui na waoṟi weoṟa hamu na Kristo kiwe lohenda ikisokiso nao kundu lushike iwiko na wuitoṟinyi wumu nao.

1 WAKORINTO 15:50

Kindo ngahamba le wanawawama, nyi iki, ke shi-nyama na samu sho shaidima yoṟa wumangi wo Ruwapfo. Ma kipuo kyaoṟa kilechipuopfo.

1 WAKORINTO 2:9

Kyakyo kikeri chando kiikiṟehye, “Shilya riso lya mndu lilawewona ma kudu kulaweicho, manya shilaweida na ngoonyi ya mndu o wandu, nyisho Ruwa aweshiṟeheṟye walya wamkundi.”

1 WAKORINTO 6:9

A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

WAGALATIA 5:21

Wunanzi, itandaluo ndeu, na shindo shingi cha ishi, kyasho ngasonguo imbia chando njilewembia, ke wewuta wado wo wechikudaya wumangi wo Ruwa wuwe kyoṟapfo.

WAEFESO 5:5

Nakyo nyikyo mukiichi mukamanya ke kwipfo mṟuhui oose ang'u o wulala ang'u mwehi nao moindya maruwa ha wongo awode kyoṟa ipfo wumanginyi wo Kristo na wo Ruwapfo.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

2TIMOTEO 2:12

“Kokoya lokutirisia hamu nao, na itoṟya lochiitoṟia da kimu nao. Kokoya so lomkana nao echilukana so da.”

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

WAEBRANIA 11:16

Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.

WAEBRANIA 4:3

Kyamba yanga loangya ipfo hando kuwode olele kokoya lomeidikya, kisumhanye kilya ahambie, “Njilelya nyamu kui rina lyako, ke Walashike yangya hawode olele loko.” Na lya heri mawiko halemba iwiko hamu na kiwanja kya wuyana.

WAEBRANIA 9:26

Kima nao na wudo nyi aweitika iwawyo kafoi wokia mandi wuyana wulembiko. Indi wulalu alewoneka-ho limu mainutsyonyi ha maheri nawute-ho wunyamaṟi kui ikudasa amonyi.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 1:9

Kipfa mochikudaya kilya wuidiki wonu wuṟungye na ipfo nyilo okiio lo mrima yo yanu.

1PETRO 3:9

Shiwicho mowutyo nyo, ma mulataaye na shiwicho shingi. Ma mularume ili momrumo nyo. Indi kaenyi ora lungi muwe mowikya ona, kipfa kilya mui-walahie nyi Ruwa kundu muhendeduo ona luwe kyoṟa kyanu.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”

OTAMBAHALUO LO YOHANE 21:7

Mndu ose echiwinza echikudaya kyoṟa kyake, nao inyi njechiwa Ruwa oke nao echiwa manoko.

OTAMBAHALUO LO YOHANE 5:10

Kowewatana wawe wumangi na wukohanyi. Wechiṟundia Ruwa odu. Nawo wechiikolonya wanda ii.”