MATAYO 24:48 - Bibilia Kui Mdedie fo Kimochi

⁴⁸ Kyaindi isinga lilya liwicho kokoya nyi lyechideda mrimenyi kolyo likahamba, ‘Mndumii nyi akeleo.’

MATAYO 24:48 ပူးပေါင်းရင်းမြစ်များ

2WAMANGI 5:26

Elisha kambia, “Ngesa mrima foko fohenda na iyo, kiheri kilya, mndu alesoka igarinyi nakuambie? Iki nyi kiheri kyapfo keambiliya fesa, na maṟao na madema ha mashidi na msabibu, na machondi, na mbe na masinga na shisinga?

KOHELETI 8:11

Kipfa mwaanduye fo kindo kiwicho fochishika owinyi pfo, mrima ya wandu yekeṟingishiyo kiidi kyawo kundu wawute mawicho.

YESAYA 32:6

Kipfa tondo lyededa sha wutondo, na mrima foke fochitana mawicho, kundu kuwutike mtambo na ihamba shilai lohi huye ya Mndumii, kundu wade mbihu ya wandu iwodo nyi njaa, na ichu awodo nyi nyoda nalawone kenyo.

EZEKIELI 12:22

“Iyo mndu, nkili mandi wadeda deda kunu kiidi kya Israeli ke mfiri yameidiya na wukimbi wuwei wudede wuipfo sepfo?

EZEKIELI 12:27

“Iyo mndu, wana wo wa Israeli nyi wakusaṟie ke wuikimbi wo na ndodo tso uwaikimba nyi tsa mafiri maleshe hakeriicha!

MATAYO 18:32

Nalyo Mndumii oke kamlaha kambia, “Kui isinga iwicho. Sile iya yako uwewode na inyi ngakudea yose piu kipfa lyandi onterewa.

MATAYO 24:47

Nyi kya lohi ngambia nyi echimbika mnene mokalya shichoṟe shake shose.

MATAYO 24:49

Naho likawelya na ikapa masinga wodoe, likalya na shelya na inyo ashanganyi na iwo wananzi.

MATAYO 25:26

Na mndumii oke kamhaluo kambia, “Iyo ui isinga liwicho kowewa na mdoko ili uweichi njekesambuo handu njilawaye-ho ngawesana na handu njilakumbie ho mbeu.

MARIKO 7:21

Kipfa kyekyeuka ipfo ngoonyi ya mndu nyisho mahio mawicho; isokomba na isokombo; wuiwi na wuwahi.

LUKA 12:45

Kyaindi msoṟo ulya kawuya ikusaṟa ipfo mrimenyi foke, mndumii oko nyi akeleo icha, kawooka ikapa wodoe wa kyumi na wa kika, na ilya na inyo na inango.

LUKA 19:22

Nao kambia, ‘Na madedo ha dumbu lyapfo nyihechikuwonyia naho owingo, iyo msoṟo mbicho. Nyi uweichi ke nyi njii mndu mkeremi, njekekuiria kindo njilaleṟie na isambuo sa njilawaaye.

YOHANE 13:2

Nahong'u Kilayo kilya kii-kyaale Yesu na wa kiloshionyi na ichu mkumbi amemmaa yamtsa wuṟingi ipfo mrimenyi fo Yuda Iskariote ai mana o Simon wohenda iṟingya Yesu.

MAWUTO HA WASU 5:3

Petro kambia, “lyo Ananyia, nyi kili Satana akuichwo ipfo ngoonyi yapfo icha iwia Mumuyo Mwele wongo na iṟoṟokwo wuhuru wo dema lyo maata?

MAWUTO HA WASU 8:22

Kyasia wikang'u matumatu kya owicho lu lopfo noterewe Mndumii-Ruwa, kundu kokoya kechiwa noloheṟo kya makusaṟo ha ha ngoo yapfo.

NGUMBUO YA MAWAWASO 15:9

Ambuyenyi mahio mawicho halakae mrimenyi yanu, mochihamba, ‘Maka fo mfungade, maka fohoṟia wasile fui kufui; mukaleha iinenga mano mayanu mkiwa kindo kyose; nechiidima ililia Mndumii-Ruwa kipfa kyanu na ikyo kikamuwiia wunyamaṟi.

NGUMBUO YA MAWAWASO 9:4

“Mndumii-Ruwa, Ruwa onu, kamemaa ifuna wanduwo oshangunyi lonu, manya mulahambe mrimenyi yanu ke, “Kipfa kya wuhendeli wodu nkyo kimaduma Mndumii-Ruwa aleluende luchilie orukalu, kundu Mndumii-Ruwa afuna wanduwa oshangunyi lodu kipfa wai wanyamaṟi.