MATAYO 24:35 - Bibilia Kui Mdedie fo Kimochi

³⁵ Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”

MATAYO 24:35 ပူးပေါင်းရင်းမြစ်များ

SHIIMBO SHA DAWIDI 102:26

Ishi shechinyamaṟika, indi iyo nochikaa mlungana; ee da, ishi shechikuo cha nguo; cha maṟao nochishiilacha, nasho shechiilachika.

SHIIMBO SHA DAWIDI 119:89

Hoi Mndumii, idedo lyapfo lihoṟoki, liwangi ruwehu tane mlungana.

SHIIMBO SHA DAWIDI 19:7

Mdumbuye fo Mndumii nyi fo Wusumhanyi, Fokewihiṟia mndu moo. Wuṟingishi wo Mndumii nyi lohi, Wokepfunda isembo wuṟango.

SHIIMBO SHA DAWIDI 89:34

Inyi njechitehia mkundano fokopfo, njechiilacha idedo liwukie dumbunyi lyakopfo.

MFANANO 30:5

Oriyo idedo lya Ruwa lilitume; O nyi ai ngawo ya iwo wamiidikye.

YESAYA 34:4

Na itoṟito lyose lya ruwehu lyechipaṟatsano, na ngina yechioṟowio na ilemolemo cha njonyi, na itoṟito lyawo lyose lyechinaa cha iṟa lya msabibu ili lyanaa na iaṟawuka, na chandu iṟa lya msinepfu lyekenaa na iaṟawuka.

YESAYA 40:8

Maṟa hauma, kiwaṟo kyaaṟawuka, Indi idedo lya Ruwa lyechikaa mlungana.

YESAYA 51:6

Irienyi meso huye ruwehu, mwambuye oruka wanda; kipfa ngina yechideka cha mtsu, oruka lochiwa masaṟa cha nguwo na iwo waipfo wechipfa, indi ofoṟo loko lochiwa lo mlungana, na wulohi woko wochiwutoho pfo.

YESAYA 54:10

Kipfa mafumvu hechiteshuka, na shitoṟomoso shiwewutoho; kyaindi wucha woko wochiwuto kopfo-pfo, ma mkundana foko fo ofoṟo fochiwutoho pfo; nyi Mndumii chu mokusaṟia ahamba.”

YESAYA 55:11

nyi wudo idedo lyako likeri, liwukie dumbunyi lyako; lechinjiwuya wulya pfo, lechiinutsia kilya njikundi, nalyo lechiiṟimiṟa kiidi kya shose njilidumie.

DANIELI 4:28

Isho shose shikahoya Mangi Nebukadneza.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

MATAYO 5:18

Kipfa nyi kya lohi ngambia, na kuwede kulya ruwehu kunyamaṟo na sanga, indi ipfo wuwawasonyi kochinyamaṟika-fo ma kichano kimu ma kimcharie kimupfo na shiwede shiinutsio shose.

MARIKO 13:31

Kulya ruwehu kukakye kunyamaṟike na kunu orukenyi, kyaindi madedo hako hechinyamaṟika manyale-pfo.”

LUKA 21:33

Ruwehu na oruka nyi shechikaa shimande, kyaindi madedo hako hechimandapfo.”

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

1PETRO 1:25

Indi idedo lya Mndumii lyekaa mlungana. Nalyo nyilyo dedo lilemwongoyo konu lyemwendie Ndumi ya Sia.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

OTAMBAHALUO LO YOHANE 6:14

Na ngina ii ikasaramaya cha ili karitasi yalemolemo. Na orio fumvu na orio soka shikahenda iteshuo ipfo shiwanjenyi shasho.