MATAYO 24:30 - Bibilia Kui Mdedie fo Kimochi

³⁰ Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

MATAYO 24:30 ပူးပေါင်းရင်းမြစ်များ

DANIELI 7:13

Ngawewona se ipfo ndodonyi ya kio, umu ai ofano lo mndu kacha na mapuchi awuka ruwehu, kasembelia mmeku ulya o maka ifoi wakameende na afui.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

ZEKARIA 12:11

Mkonu fo fochiwa fo kilio king'anyi ipfo Yerusalemu cha kilio kya Hadadrimonyi pichinyi lya Megido.

MATAYO 24:3

Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?”

MATAYO 24:37

Indi chando kiwekeri mandi halya ha Noe na ili kochishika iya macheyenyi ha Mana o mndu na wudo kechiwa.

MATAYO 24:39

Ma walamanye kindo mfu fulya fung'anyi fo mṟinga fukatana focha fukawakombetsa wose, na ili mandi kochishika iya macheyenyi ha Mana o mndu na wudo kechihenda iwa kido.

MATAYO 26:64

Yesu kambia, “Naakyo ohamba. Na inyi ngambia, wokia wulalu mochiwona Mana o mndu adamye ipfo ora lo kulyo lo pfinya-ii itoṟye akeri icha ai huyaa mapuchi ha ruwehu.”

MARIKO 13:26

Mandi nalyo wawone Manomndu kechicha ipfo mapuchinyi ai na pfinya ing'anyi na wuitoṟi.

MARIKO 13:4

“Keluwie-wo, mbonyi tso nyi tsekaa tsiwe indii? Na kiṟingishyo, ki kii kechiloṟo ili isho shose shichikaa shiwe?”

LUKA 21:27

Kiheri-kyo, nlyondo wechiwona Mana o mndu kechicha ario nyi ipuchi, awode pfinya na kiṟumi king'anyi.

LUKA 22:69

Kyaindi wookia wulalu Mana o Mndu nechikaa adamie owokonyi lo kulyo lo pfinya ya Ruwa.”

MAWUTO HA WASU 1:11

Wakahamba, “Lanye wasoṟo wa Galilaya, nyikili muhoṟoki mdi iya mochiambuya ruwehu? Yesu chu awuto konu kedao ruwehu na wudo echikaa nache na chando mbembonyi kehenda na ipfo ruwehu.”

2WATESALONYIKYE 1:7

Nawe momwinenga nyo muhende iwihiṟyo moo handu hamu naso matika halya Mndumii Yesu echikuloṟa asoka ruwehu arianyi na wasu wenyi-pfinya.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 12:1

Kukawoneka ṟiho ling'anyi ipfo ruwehu. Nyi mndu mka aweimshikye na mnengeṟi. Nafo mweri fuwei-mbike shi ya madende hake, na ipfo mdo-hu foke aweṟee nyenyeri ikumi na tsiwi rambatanyi.