MATAYO 24:29 - Bibilia Kui Mdedie fo Kimochi

²⁹ “Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya.

MATAYO 24:29 ပူးပေါင်းရင်းမြစ်များ

KOHELETI 12:2

Ilyindi mnengeṟi na sa na meri na nyenyeri shilamewa meema, mapuchi halamewuya numa ya mvuo.

YESAYA 13:10

Kipfa nyenyeri tsose tsa ruwehu na shiende saa shechiwuta ngeela yashopfo; mnengeṟi fochihaluka mema kiheri fodo, na meri fochiwaapfo.

YESAYA 24:23

Nlyong'u meri fochileha iwaa na mnengeṟi fuṟeenze; kipfa Mndumii menyi Matorito nechichilia huya fumvu lya Sioni, na kiidi kya Yerusalemu na oshangunyi lo wameku wawode kiṟumi.

YESAYA 34:4

Na itoṟito lyose lya ruwehu lyechipaṟatsano, na ngina yechioṟowio na ilemolemo cha njonyi, na itoṟito lyawo lyose lyechinaa cha iṟa lya msabibu ili lyanaa na iaṟawuka, na chandu iṟa lya msinepfu lyekenaa na iaṟawuka.

YOELI 2:10

Oruka lukadedema osehu lowo, na ruwehu tsikakusingitsa. Mnengeṟi na meṟi shikawa mema; na ngela ya nyenyeri ikaruma.

YOELI 3:15

Mnengeri na meri shawa mema, na nyenyeri ntsada iwaa.

AMOSI 5:20

Ngesa mfiri fo Mndumii fochiwa meema, ma chi saapfo? Ee, fuwode mema puti, ma kuwode ngeela-pfo.

AMOSI 8:9

Na Mkonufo Mndumii-Ruwa nahamba njechihaluo mnengeṟi fuolokie mfiri makidi hawi, na njechikumbia meema kiheri kya ngeela ya mfiri.

MATAYO 24:21

Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo.

MATAYO 24:8

Na shindo shi shose shikamewoneka nyi mawokyonyi ha mawukiwa halya.

2PETRO 3:10

Kochicha mkonu fo Mndumii oweṟe faa cha mwiiwi. Nafo nyifo ngina yechisaramaya neduika ling'anyi na shiṟaana shayo shechipaṟakana shii-shirohie m modo, na wanda ii na wudo yechihenda ikoṟo hamu na shiwike shii nayo.

OTAMBAHALUO LO YOHANE 8:12

Na msu ulya mwele o kaana kakapa ombe loke. Kukakapo-ho mnengeṟi kyenga kyafo kya kaṟaṟu, meri na nyenyeri kyenga kyatso kya kaṟaṟu, kundu kyenga kyasho kilya kya kaṟaṟu kikaei kiruwye nruwe ya meema, na mkonu fo mfiri fulawae kyenga kilya kyafo kya kaṟaṟu na fo kio na wudo.