MATAYO 24:27 - Bibilia Kui Mdedie fo Kimochi

²⁷ Nyi kipfa chando mbawa yewaṟuka kulya ora lo ruwehu lo ngamenyi lukawaṟuka waṟu fukakoya kulya ora lo kiukanyi, na ili kochishika iya macheyenyi ha Mana o mndu nyi wudo kechewa.

MATAYO 24:27 ပူးပေါင်းရင်းမြစ်များ

YOBU 37:3

Lyekeichio orio handu shi ya ruwehu owaṟuko loke lukawaṟa njora tsose tsa oruka.

YOBU 38:35

Kowawasa owaṟuko luwaṟe lokuchea na ihamba: 'Nyi iya njii?'

YESAYA 30:30

Nao Mndumii nechitewa wandu waicho ṟu lyake lya wuitoṟi, nao nechiwaloṟa chandu owoko loke lokesoka, na nyashi yake ing'anyi, na olewo lo modo furumatsa, hamu na mkuma, na otanu sa lwapfinya, na mvuo ya manzaho hechelela.

EZEKIELI 1:14

Shiumbe shilya shikakuidia ipfo na ipfo cha owaṟuko.

ZEKARIA 9:14

Nao Mndumii nechiwonekana huye yawo, Mfi foke fochiwa cha mbaṟuko, Mndumii-Ruwa nechikapa ombe, Nechihenda na otanu sa lwapfinya lo nuka

MALAKI 3:2

Indi nyiu echiidima iwedia mkonu fo foicha lyake? Ang'u nyiu echiidima ihoṟoka ili echiwono. Kyamba nafananyi na modo fo mndu aisanja fesa, kafanana na mndu mosanja nguwo, kawa cha sapunyi,

MALAKI 4:5

“Ambuyenyi njechimudikia Elia mwikimbi nasongoye mkonu-fo fo Mndumii fulamecha ifu fung'anyi na iowesha.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 24:26

Kyasiang'u mkamkoya wembia, ‘A ulya kulya nuka! Nanyo ma mulawuke kanyi muhende-pfo. Acho ipfo shiṟihenyi sha mba sha kiidi, nanyo ma mlaidikye.’

MATAYO 24:3

Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?”

MATAYO 24:37

Indi chando kiwekeri mandi halya ha Noe na ili kochishika iya macheyenyi ha Mana o mndu na wudo kechiwa.

MATAYO 24:39

Ma walamanye kindo mfu fulya fung'anyi fo mṟinga fukatana focha fukawakombetsa wose, na ili mandi kochishika iya macheyenyi ha Mana o mndu na wudo kechihenda iwa kido.

MATAYO 24:44

Kyasia kyamba nyi wudo kii nawo kewekaenyi-ho mukusungusye. Nyi kipfa Mana o mndu echicha na saa ilindi mlechikumbuo.”

MATAYO 8:20

Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.”

YAKOBO 5:8

Nanyo kekukarishyenyi-ng'u mudo mochidamiṟa madima hanu, kyamba nyi kufui Mndumii echikuloṟa.

2PETRO 3:4

Wekehamba, “Kyasa kya iwuya lyake kilemawutsyo hanga ngesa?” Wokya mandi waku wamepfa, shindo shose shii chando shiwei lilya shilewiko iya wuyanenyi.