MATAYO 24:21 - Bibilia Kui Mdedie fo Kimochi

²¹ Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo.

MATAYO 24:21 ပူးပေါင်းရင်းမြစ်များ

EZEKIELI 5:9

Ambuya, kipfa kya mawicho hose ulenjiwutia iyo Yerusalemu, njechikuwutia kindo kiwicho sa njilalemekuwutie manya njilechikaa njikuwutiese.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

DANIELI 9:26

Numa ya mfungade iya makumi haṟandaṟu na iwi (62), ulya amshie mafuda nyi echidetso, ma echiwada kindopfo; na wandu wa ulya asonguo wechirumatsa mṟi, na halya haele; ifurumia ho kochiwada mfu, na shida; kipfa kiwi kiikiteṟie.

YOELI 1:2

Adanyienyi nyo wameku; dehenyi madu hanu nyo wandu wa oruka lo Yuda! Ngesa kulemeutika kindo cha iki kiidi ya mfiri yanu, ang'u kiheri kya wameku wanu?

YOELI 2:2

Mkonu fo nyi fo mema na isumkia; nyi mkonu fo mapuchi na mtima. Mbahanyi ing'anyi ya nzihe ikeri kufui, ikeri cha isulia lya mema liliale mafumvunyi. Kindo cha iki kilemeutike male-pfo, ma kechikaa kiutike se marika hose haicha-pfo.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MATAYO 24:20

Kyaindi terewenyi Ruwa ilindi mochidicha kilawe nyi ili kiheri kya mbeo ma ili mfiri fo Sabato.

MATAYO 24:29

“Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya.

MARIKO 13:9

“Na mkuṟise muwenyi. Wandu wechimdambika mengenyi ya Synedrion na mochikapo ipfo ma sinagogenyi. Mochidao oshangunyi lo wachili na wamangi, kipfa kyako, kundu munjiṟingishie kowo.

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

1WATESALONYIKYE 2:16

Wechiluima yongoya mkambo ya wandu mbonyi kundu wahende ikiṟo. Kyawa kido kyeichuṟa manyamaṟo hawo kiheri kyose. Indi nyashi iya ya mainutsyonyi ilemcha huyawo.

OTAMBAHALUO LO YOHANE 16:18

Kukaamka nguwa na maṟu hededa sa hang'anyi na makuṟuṟuma, kukawekuidya-ho kidihinashi sa king'anyi kilalemewoneke wokia kiheri Ruwa awumba mndu.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.