MATAYO 24:14 - Bibilia Kui Mdedie fo Kimochi

¹⁴ Na ndumi ii ya sia ya wumangi iweongoyo idung'ane kunu orukenyi kose kiwe nyi kiṟingishyo kya wandu wa masangenyi. Nalyo kushike iya masiyonyi.”

MATAYO 24:14 ပူးပေါင်းရင်းမြစ်များ

EZEKIELI 7:10

“Ambuya mfiri fo fuicha! Irumatso lyanu lyameawukia. Wunesi wudunganyi orio handu na orikiki womeoṟa.

MATAYO 10:7

Kya indi ili muihenda keongwonyi muhambe, ‘Dumbuyenyi kyamba wumangi wo ruwehu womeafukya kufui!’

MATAYO 18:19

Na kingi-se ngambia, ‘Nyo mui wawi ang'u waṟaṟu-ho kombona wamidikyana kimu kya kindo ma kida ma kida wakiterewa na wechikiwona wainengo nyi Wande o ipfo ruwehu.

MATAYO 24:3

Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?”

MATAYO 24:6

Kyaindi nyi mochiicho shida na mbonyi tsihambo tsa shida. Ambuyenyi ma mulakangaṟike. Cha kipfa ma kikaki na kihende kido. Kyaindi kikamshika oo komkoya iya masiyonyipfo.

MATAYO 4:23

Nao kawa moida-ida kulya Galilaya kose kelosha kulya sinagogenyi tsawo, na yonguo mbonyi tsa sia tsa wumangi, na ichiṟa orio ndaaṟe tsose na wufari wose wui ipfo wandunyi.

MATAYO 9:35

Na Yesu kawa motengetatengeta kelosha kulya sinagogenyi tsawo kyechionguo mbonyi tsa sia tsa wumangi wo Ruwa kekiṟa na orio ndaṟe yose na wunyonge wose.

MARIKO 13:10

Indi kiwaṟi kuwoka Mbonyi tsa Sia tsiongoyo mbaṟinyi tsa wandu tsose.

LUKA 2:1

Mandi halya kukawuka iwawaso kulya ko Kaisari Augusto, ke masanga hose hahende iṟehio paruonyi kya okamba.

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

LUKA 4:5

Naalyo kamduo kamdosia handu, kamloṟa mawumangi hose ha wuyana-wu limu waṟu.

MAWUTO HA WASU 1:2

Itane mfiri fulya alewawasya wasu walya wake awasambuṟye kyando kyawo kui Mumuyo Mwele kadao huye.

MAWUTO HA WASU 11:28

Kukahoṟoka umu-ho owo, rina lyake ewio nyi Agabo, kaloṟa kui pfinya ya Mumuyo Mwele ke nyi kuicha njaa sa ing'anyi ikiṟe idung'ana wuyana wose. Nayo nyi yeshika mafiri halya ha Kaisari Klaudio.

MAWUTO HA WASU 17:31

Nyi ili indi akuteṟye na mkonu foke msa arie icha idumbo nafo mondu fo wuyana wose kya wuhoṟotsu nafudumbuo na msoṟo ulya akumbikye-ho kechiitsya wandu wose mweke fomwidikya ili alemṟutsa wapfunyi.”

MAWUTO HA WASU 17:6

Wamda walawakoya-pfo wakakuruo-pfo Yason kimu na wanawawama maata wakawaduo oshangunyi lo waitoṟi wa mṟi wakafihiṟa wakahamba, “Wandu wa wapfuluye wuyana wameshika na kunu.

MAWUTO HA WASU 19:27

Ma chi kiṟundyo kyadu kirieng'u ihenda imeneka tupupfo, kya indi na hekalu li lya ruwa mka ang'anyi adi lyo liyenyi likering'u ihenda lilakisaṟo ke nyi kindopfo, ma mng'ano foke fumenyi, ifu fuiwikyo wuindi nyi wa Asia yose na wa wuyana wu nyi fokiṟa ihenda ifurunjika.”

MAWUTO HA WASU 20:25

“Na inyi njimonyi wulalu ngamanya ke nyo mose njilemwongoya wumangi njechiida ipfo na ipfo nyi mochikiwonana-se na kyamu kyakopfo.

WAROMA 10:18

Ang'u njiwesenyi njihambe, Ngesa nyi waleleicho ndumi-yo? Ee-ko. Waleicho Kuwukye mangelele hawo hakadung'ana wanda ii kose, na madedo hawo hakatana hashika kulyando mtsitsio fo wuyana.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

WAEBRANIA 1:6

Na iliindi aitsa ichu oke o wee ipfo mkambonyi fo wuyana ahambie, “Na wasu wa Ruwa wapfirie ndi oshangunyi loke wose.”

WAEBRANIA 2:5

Kyamba mkambo fo wuyana ifu lodeda kyafo ke nyi icha fui chi alefuwika shi ya wasu walyapfo.

OTAMBAHALUO LO YOHANE 14:6

Na inyi ngawona msu ungi mwele echirundukya ipfo makiidi hawi ha ruwehu arie Ndumi ya Sia ya mlungana ya Ruwa yeongoya wai iya wanda, wa orio mbaṟi, na kipaṟika na kishomo na mkambo.

OTAMBAHALUO LO YOHANE 16:14

Nayo nyiyo mumuyo ya mṟufu i mbicho yechiwuta maṟiho, ihendie ko wamangi wose wa wuyana wu wose iwasanzie shida iya ya mkonu fulya fung'anyi Ruwa menyi pfinya shose echifuende.

OTAMBAHALUO LO YOHANE 3:10

Kyamba iyo uleringa na iwawaso lyako lya ikutirisia, na inyi njechikuiṟicha necha saa iya ya kihesho kilya kyechichea wuyanawu ihesha wandu waipfo kunu wuyanenyi.