MATAYO 23:18 - Bibilia Kui Mdedie fo Kimochi

¹⁸ Na molya nyamu kahamba, ‘So kitaṟa kedasya chi kindofo.’ Kyaindi molya nyamu kahamba, ‘So kindo kyedasa kii huyakyo nyio awodo nyi nyamu yake.’

MATAYO 23:18 ပူးပေါင်းရင်းမြစ်များ

2MBONYI TSA MAHERI 6:22

“Kokoya mndu aende mndu kopfo kipfa kya wunyamaṟi awutie kundu noanduo mondu, na kokoya mnducho aendo na kopfo ahoṟoka oshangunyi lo rasio lya hekalu lyapfo, kahamba, “Ngalya nyamu njiwode mti pfo!”

MAITALA 30:2

‘Mndu kawika kyasa ko Mndumii-Ruwa ang'u kateṟia kindo keinenga Mndumii-Ruwa kui ilya nyamu na ikuotoya mrimenyi foke kya kiteṟio, kimbaṟi naawutsie kyasakyo kyake;’

MATAYO 23:16

Ochia lonu mui wasongoru wa njia wapfu meso. Nyi muhambye, ke mndu molya nyamu kahamba, ‘So hekalu lya Ruwa, chi kindopfo.’ Indi molya nyamu kahamba, ‘So sahabu ya ipfo hekalunyi nyio awodo-ho.’

MATAYO 23:17

Mui matondo muwei na wapfu meso. Nyi kipfa iki kineneho nyi kiki ngesa, nyi sahabu-yo ang'u nyi hekalu lyo lya Ruwa linengye sahabu yo ikawa njiele?

MATAYO 23:19

Mui wandu wapfu meso. A iki kineneho nyi kiki? Ngesa nyi kilya kedasa ang'u nyi kitaṟa kedasya ikyo kiinengye kindo kedasa kikawa kyele?

MARIKO 7:11

Kyaindi nyo mokelosha, kokoya mndu awode kindo awechiidima itarama nakyo nde ang'u mae indi kahamba ke kindokyo nyi Korbanyi (kidaso ko Ruwa).

WAGALATIA 5:3

Ngawuya iṟingishya, orio mokunda idino nyi awodo na nawe moṟundya mawiko halya hose.