MATAYO 23:13 - Bibilia Kui Mdedie fo Kimochi

¹³ “Ochia lonu nyo walosha wa mawawaso na Wafarisayo mui makulembetseṟe. Nyi ilindi mokepfunga mongo fo wumangi wo ruwehu sumhana na oshangunyi lo wandu. Nanyo ma mlechiida napfo ma wandu wawechiida napfo mlawalekye waide napfo. [

MATAYO 23:13 ပူးပေါင်းရင်းမြစ်များ

YESAYA 33:14

Wanyamaṟi wai kiidi kya Sioni waowuo; kidedemo kyawada walya walaidikie Ruwa; “Nyiu o kodu echiidima ikaa na modo fochilya; nyiu o kodu echiidima ikaa na modo fochirumatsa mlungana?”

ZEKARIA 11:17

Ochia lo mlisi alawaṟi, kada po! Oshu lochikaa huye yake, owoko loke lochikachuka na riso lyake lyechiwa njeche.

MATAYO 23:16

Ochia lonu mui wasongoru wa njia wapfu meso. Nyi muhambye, ke mndu molya nyamu kahamba, ‘So hekalu lya Ruwa, chi kindopfo.’ Indi molya nyamu kahamba, ‘So sahabu ya ipfo hekalunyi nyio awodo-ho.’

MATAYO 23:23

“Ochia lonu nyo walosha wa mawawaso na Wafarisayo mui makulembetseṟe, nyi kyailyi mokewesa wandu okamba lo shindo shilawaṟi mukada mawawaso ha wulohi, isaṟia na mwidikye, isho nsho shiwaṟi mushiwade mulechihadima isho shingi.

MATAYO 23:25

Ochia lonu nyo walosha wa mawawaso na Wafarisayo makulembetseṟe, nyi ilindi mokesania ora lo kya nja lo kirahu na kitela, kyaindi ipfo kiidi kikaichuo shindo shii shisoke sha pfinya na shii shyole sha wuseṟeṟi.

MATAYO 23:27

Ochia lonu nyo walosha wa mawawaso na Wafarisayo mui makulembetseṟe, nyi ilindi mufananyi na shipfu kundo mnying'a yeṟiko shichope shikawada kiweṟe kyeambuya ipfo kya nja. Kyaindi ipfo kiidi shikaichuo mafuo ha mnying'a na shindo shiendye tsung'a orio mbaṟi yose.

MATAYO 23:29

“Ochia lonu nyo walosha wa mawawaso na Wafarisayo mui makulembetseṟe. Nyi ilindi mokewika handu heṟika mnying'a ya waikimbi mukawechopa na shipfu sha wandu wa wusumuhanyi kundu mnying'a yawo imṟike yende kiweṟe.

MATAYO 3:7

Nao lyandi alewona Wafarisayo wafoi na Wasadukayo wechicha na wupatisonyi kawawia, “Nyo mui malea ha njoka, nyi mndu o ku alemlosha idicha nyashi iya iriiye icha?

LUKA 11:52

Ochia lonu, nyo walanyi, wa wuwaso, kipfa muleduo opfunguo lo wulaany nanyo muwenyi mulaide napfo, na walya wawekundi iida napfo mkawakingia.”

YOHANE 9:22

Na kyaenenga wafee walya wakadeda wado nyi waleowuo wasongoru walya wa Wayuda. Kyamba Wayuda walya wawemmaa ideda kyama kyawo ke kokoya mndu echimhamba na pata ke nyio Kristo nawo wambute siṟinyi yawo.

YOHANE 9:24

Nahong'u wakawuya wakalaha-se mndu ulya awei kipfupfuṟe wakambia, “Hamba lohi oshangunyi lo Ruwa. Kya mndu chu luichi ke nyi akeri mnyamaṟi.”

YOHANE 9:34

Nawo wakambia, “A iyo ui mfee kudo ui mnyamaṟi kotana olulosha so?” Nawo wakamtuhuta na nja.

MAWUTO HA WASU 13:8

Kya indi mhanga ulya Elima (ikyo nyikyo mdambuye fo rina lyake) karekyana nawo akundi itumhaṟa mchili ulya nade nalaidikye.

MAWUTO HA WASU 5:28

“Alae chi lulembawasa nyo na imtutuma munu ke mulaloshe mochisenda rina lyi, nanyo ambuyenyi momeichuṟa Yerusalemu shilosho shanu, nawo mukundi iluendye samu ya mndu ulya ikucheye huyadu.”

MAWUTO HA WASU 5:40

Wakalaha wasu wakawakapa wakawawawasa waladede-se kui rina lya Yesu, wakawasama.

MAWUTO HA WASU 8:1

Nao Saulo awei umu o walya walemdumbuya kyake ke nawoho. Mfiri fulya kukaamka kiterengyo king'anyi keterengya siṟi kulya Yerusalemu. Wose wakarahanyikya kulya shihongonyi sha Yudaya na Samaria. Wandu wedeo Yerusalemu na wasu.

2TIMOTEO 3:8

Chando Yane na Yambire walelemana na Mose na wudo iwa walemanyi na kiwulohi, nyiwo wandu wapfulukio mhie fowo walakia kiheshyonyi kya wuidiki.

2TIMOTEO 4:15

Ukuṟise na iyo kyake, kyamba alelemana mnu na madedo hadu.