MATAYO 22:16 - Bibilia Kui Mdedie fo Kimochi

¹⁶ Wakamdumya wa kiloshyonyi kyawo warianyi na wa Herode wakahamba, “Maarya, na luweichi nyi ukeri mohamba sha lohi, na njia ya Ruwa kowelosha ya lohi, ma okesaṟa mndupfo, nyi kipfa ulekeambuya fana ya mndu ke nyi ida na ida.

MATAYO 22:16 ပူးပေါင်းရင်းမြစ်များ

1WAMANGI 22:14

Mikaya kahaluo, “So Ruwa ai na moo, idedo lilya Mndumii echinjiwia, nalyo njechihamba.”

SHIIMBO SHA DAWIDI 12:2

Wekewiana shilawaṟi orio mndu na odoye Wawode madumbu hekushela; wakawiana kui mrima ya ikulembetseṟa.

SHIIMBO SHA DAWIDI 5:9

Kyamba madedo hawo hai mahendelipfo Mrima yawo ifananyi na mruma, njoṟoo tsawo nyi marina hai pang'a, Olimi lowo lokekulembetseṟa tupu.

SHIIMBO SHA DAWIDI 55:21

Dumbu lyake limamiri kota mafuda ha msika, indi mrima foke nyi shida. Madedo hake hamahoo kota mafuda, nndi n'hai oshu luale.

MFANANO 29:5

Mokukundya ko wamṟasa oke. Nekeala ndusu tsii njioke maṟawushi kakudeha madende amonyi.

MALAKI 2:6

Wuwawaso wo lohi wuwei dumbunyi lyake, madedo ha wukika halewono dumbunyi lyakepfo; naleoshana na inyi kiidi kya ofoṟo na wuhoṟotsu, kawehalutsa wafoi wakada wuwicho.

MALAKI 2:9

Kui kipfa kya ikyo inyi nyi njechimhaluo muwe kindo kimine na kifari oshangunyi lo wandu wose, chando nyo mulekeindia njia tsako, mukakundia wandu wuwawasonyi.”

MATAYO 22:24

Wakahamba, “A lewo maarya, Mose nyi ahambye mndu kapfa alawode wana nyi manomae echialika mka oke nawedosya na mana o mae oshari.

MATAYO 22:26

Na ulya o kawi na wudo na o kaṟaṟu. Wakatana wasia wose mfungade.

MATAYO 26:18

Nao kahamba, “Kehendenyi ipfo mṟinyi ko mang'anya. Mumbie, Maaria akuwia, ‘Kiheri kyako kyamshika kufui.’ Nyi kunu kopfo njewuta mṟumo fo Pasaka na iwo wa kiloshyonyi kyako.”

MATAYO 26:49

Adi kakambiṟa ihenda alyando Yesu ai kahamba, “Ngakuiṟikiṟa Maarya!” Kawuya kamhekia momu.

MARIKO 10:17

Kyasia Yesu ambuka-pfo ashikie njienyi, mndu kakambia na koke kampfirya ndi kambesa, “Ui mlosha mcha, kindo njechiwuta, kundu njioṟe moo fo mlungana nyi kiki?”

MARIKO 12:13

Wakaduma koke Wafarisayo na wa ko Herode maata ko Yesu kundu wamdehe na idedo lyake.

MARIKO 12:14

Wakacha wakambia, “Mlosha na luichi, ke iyo nyi ui mhendeli, mohamba sha lohi tupu, ma okesaṟa mndupfo. Nyi kipfa kulekeambuya fana ya mndu, ke nyi ida, kyaindi kowalosha njia ya Ruwa na ii ya lohi, Ngesa kisumhanyi iwikya Kaisari okamba ang'u ote? A ngesa lukawika ang'u lukada lulawika?”

MARIKO 3:6

Kyasia Wafarisayo wamewuka-pfo wakakambia ideda kyama kyake hamu na walya wa ko Herode, kundu wechirumatsa Yesu.

MARIKO 8:15

Yesu kawawawasa kechihamba, “Keambuyenyi mkuṟise mtarang'ao fo Wafarisayo na fo Herode.”

LUKA 20:21

Wakambesa kindo kemsoruo, wakahamba, “Mlosha, nyi luichi nyi okededa kisumhanyi na ilosha kisumhanyi, ma ulekeambuya shamu sha wandu; na njia tsa Ruwa kolosha chando tsii lohi.

LUKA 7:40

Yesu kahaluo kambia “Simon oko, njiwode kindo kyako njiikuwia.” Nao kahamba “Mlosha, kuhambie, mwaaria.”

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 18:37

Naho Pilato kambia, “Nawo owei ng'u Mangi?” Yesu kahalwo, “Iyo omhamba nawo nji Mangi. Kyannenga ngafeo mndu nyi ikyo, kyawennenga ngacha na kunu wuyana nyi kundu njiṟingishie wukilohi. Orio mndu ose ichu apaṟikye wukilohi echicho ru lyako.”

YOHANE 7:18

Ichu ekyekuhambia kyake tupu o apfula iwikyo kiṟumi o amonyi. Indi mndu atambahanya iwonya ichu alemduma kiṟumi o akeri mhendeli alawode mtaambo, o lohi.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

2 WAKORINTO 5:16

Nkyo kyanenga wokia wulalu lukiichi mndu kui nyama tsake ma kawa upfo. Ma kikawa so luweichi Kristo kui nyama tsake, kya indi wulalu lulakimwichise ludi.

WAGALATIA 1:10

A ngadeda iki kyekulopa na wandu ang'u Ruwa ngesa? Njiwelanga ikukundishya wandu? Kima njiweikukundisha wandu njiwekikaa-se mṟundi o Kristo-pfo.

WAGALATIA 2:6

Kya walya wawewadowado wenyi kiṟumi kyawo kinjiwode kya isongwo lyawopfo, Ruwa alakukundya mndu oshangu nawo ili wawei wenyi kiṟumi wawewode kyeanduyana na inyipfo.

NGUMBUO YA MAWAWASO 33:9

Kulewingana nawo kulya mṟingenyi fo Meriba, Walewi waledumbuo kya ilekana na waku wawo Wakahadima wandu wa mba tsawo, walakimanye ma wana wawo, kipfa waleringa mawawaso hapfo na iwada mkundano fopfo.

1WATESALONYIKYE 2:4

Kya indi chando lulekundo nyi Ruwa naludambikye ndumi ya sia ya okiio nyi wudo luideda, chi kundu luwe lochichiana na wandu indi na Ruwa ichu ametunga ngoo tsadu.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.