MATAYO 21:3 - Bibilia Kui Mdedie fo Kimochi

³ Na kokoya mndu kembia kindo muhambe, ‘Nyi Mndumii awode kindo aitsipfulya.’ Nalyondi echitsidika.”

MATAYO 21:3 ပူးပေါင်းရင်းမြစ်များ

1WAMANGI 17:9

“Kure uhende Sarepta, fui mṟi fo Wasidoni nokae pfo. Ambuya ngameṟeheṟa mka mkusu o ipfo nakuambuye.”

EZRA 1:1

Maka fo kuwoka fo wumangi wo Koreshi awei mangi o Waajemi, Mndumii-Ruwa naleawutsia kilya awededie kui dumbu lya mwikimbi oke Yeremia. Nyi alewawasa Koreshi nakape ombe kiidi kya wumangi woke wose, na ombe lu luwehambie le (kui maṟeho).

EZRA 1:5

Wakakurepfo wanene wa shishari wa mbari ya Yuda na Benyamini, Wakohanyi na Walewi na walya wose sa Mndumii-Ruwa alewasumba mumuyo fo henda iwikase hekalu lilya lya Yerusalemu.

EZRA 7:27

Mndumii naṟumisho, Ruwa chu o waku wadu, ichu aleinenga mangi mrima foichopa mba ya Ruwa kulya Yerusalemu.

SHIIMBO SHA DAWIDI 24:1

Oruka na shose shiipfo nyi masaa ha Mndumii, Wuyana na wose waipfo.

MATAYO 21:2

Kawawia, “Hendenyi alya mṟinyi fukeri mambatsana na iya hando mui. Mukeripfo mudi mochiwona nzoi ii njipfunge na ihache lya nzoi lii hamu nayo. Muipfunguo-ho munjiendye.

MATAYO 21:4

Nakyo kikahenda kido kyose nyi kundu kuhoe kilya kii kidede nyi mwikimbi kehamba, “Henda-wienyi mana-chu Sioni,

YOHANE 17:2

Kyamba uleinengya Mana chu itoṟya wandu wose kundu nawasumbe wose ulemwenenga moo fo mlungana.

YOHANE 3:35

O Wande nyi akundi Mana chu kamdambikya shindo shose.

MAWUTO HA WASU 17:25

Ma echiwa ipfuṟukanyo nyi mawoko ha wandupfo cha ili awewuṟye kindo ma kimu. Cha kipfa nyio ainenga wose moo na yomuo mumuyo na shindo shose pyu.

2 WAKORINTO 8:16

Indi Ruwa nawikyo mwaano kipfa kya wuidimi wulya wulya alemwamtsya nyo ipfo ngoonyi ya Tito.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

1SAMWELI 10:26

Nao Sauli handu hamu ngohoda tsake tsa shidenyi sa Ruwa awemepaya mrima yawo, kahenda kanyi koke kulya mṟinyi fo Gibea.