MATAYO 21:22 - Bibilia Kui Mdedie fo Kimochi

²² Na orio kindo kyose mokipfula kiterewyonyi kui iidikya na mochi-kiwona.”

MATAYO 21:22 ပူးပေါင်းရင်းမြစ်များ

MATAYO 18:19

Na kingi-se ngambia, ‘Nyo mui wawi ang'u waṟaṟu-ho kombona wamidikyana kimu kya kindo ma kida ma kida wakiterewa na wechikiwona wainengo nyi Wande o ipfo ruwehu.

MATAYO 7:11

Kyasia nyo mui wawicho kokooya na mochiidima iinenga shiwana shanu shiinengo shicha, aka-wo Nde-anu o ipfo ruwehu chi echiengeṟa imwinenga shicha ili momterewa?

MATAYO 7:7

“Keterewenyi, nyi mochiinengo kepfulenyi nyi mochiwona, kekapekapenyi mongo nyi mochifunguyo.

MARIKO 11:24

Nahong'u ngambia, orio shindo shose mochiterewa na yomba, keidikyenyi, ke momambya, na mochishiinengo.

YOHANE 14:13

Na orio kindo mochiterewa kui rina lyako inyi nikyo njechikiwuta kundu Wande nang'anyisho ipfo kiidi kya Mana.

YOHANE 15:7

Kokoya mokaa-ho kiidi kyako inyi na madedo ho hako kokoya mokaa naho ipfo mrimenyi yanu, orio kindo moterewa mochiinengo.

YOHANE 16:24

Mṟasa wulalu mulemeterewe kindo kui rina lyakopfo. Keterewenyi nalyo mochienengo na msiha fonu fuichwo pacha.”

YAKOBO 5:16

Kyasia tochianenyi njonyamaṟo muwenyi-na wenyi mochiterewiana kundu muhende ichia. Iterewa lya mndu asumhanyi lyaidima kindo king'anyi liwe li-iwike na mrima msanze.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.