MATAYO 20:19 - Bibilia Kui Mdedie fo Kimochi

¹⁹ Wawehenda mdambikya na wandu wo wa mbaṟi njihenu kundo wechimtaluo na imkapa na ngowa tso tsii ntochye msha, wawembambya na msalabe-hu. Na ili mfiri fo kaṟaṟu naṟuke.”

MATAYO 20:19 ပူးပေါင်းရင်းမြစ်များ

YOBU 30:8

Wo nyi wana wa matondo, ee wana wa ngafu, walewingio wetandiko malio wawuke kiidi kya oruka.

SHIIMBO SHA DAWIDI 35:16

Cha masembo hekekudosa kiliiyonyi kya mfuho; wainjiimadya ngamru.

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

YESAYA 53:3

Nataluke kaweleho nyi wandu; Mndu aichuo fowa, aichi ikuinadia; Kawewa motewa wandu waṟike shamu shawo. Naletaluka nalawono ma cha kindo.

HOSEA 6:2

Mfiri iwi ikameida nyi echiluinenga se moo, iyee, na mfiri fo kaṟaṟu nyi echiluṟutsa, kundu luidimese ikaa handu hamu nao.

MATAYO 12:40

Cha kipfa Yona chando awekeri kulya ndewunyi ya mkunga fulya handu ha mfiri iṟaṟu na shio shiṟaṟu, na Manomndu na wudo echikaa wusunyi wo oruka handu ha mfiri iṟaṟu na shio shiṟaṟu.

MATAYO 16:21

Nalyo kiwokia-lyo Yesu kawoka iloṟa wa kiloshionyi kyake ke na nahende kulya Yerusalemu na ihenda iliso wukiwa wunyanyi nyi wasongoru wa wandu na Wakohanyi wanene na walosha wa mawawaso na imbaha wawembaha na ili mfiri fo kaṟaṟu naṟuke.

MATAYO 17:23

Nawo iwaha wambahe, indi ili mfiri fo kaṟaṟu naṟuke.” Nawo wakasokyo mnu nyi fowa ing'anyi.

MATAYO 27:26

Nalyo kawapfunguya Baraba. Na Yesu kasonguo imkapa na ngowa itso tsii njitochye msha. Kawuya kamdambika-ho nahende wambyo msalabe-hu.

MATAYO 27:63

Wakahamba, “Mndumii, lombuya ikumbuo mlembi ulya, lyandi i na moo, ke nyi alehamba, njetiṟa mfiri iṟaṟu njiwuye iṟuka.

MARIKO 14:65

Kyasia maata ho wakawoka imiselya mnyeri wakamshikia kyamu wakamkapa ngofi wachimbia, “Kehamba malasha nyiu akukapa!” Na walya wapfuṟukanyi-ho wakamwambya, wechimkapa ngofi.

MARIKO 15:1

Kyasia ngamenyi kilawo wakohanyi wanene wakaruwa kyama hando hamu na wasongoru na walosha wa wuwawaso na walya wa menge Sinedrio wose wakapfunga Yesu na shiwoho wakamduo wakamdambikya Pilato.

MARIKO 15:15

Pilato kyekikunda ichihiṟa kituṟu kilya kya wandu kawapfunguya Baraba. Kawuta Yesu, nakapo na ngowa itso tsinjitochie msha, kamdambika nawambyo msalabehu.

LUKA 18:32

Kipfa nyi echihenda idambikio wandu wawicho, wamwisaluche, na imruma, na imwiselia mnyeri.

LUKA 23:11

Herode na wasoṟo wake wakamuisalucha na imwinyila, wakamṟika nguwo ikengemae, kambihiṟia Pilato.

LUKA 24:46

Kawawia ke, “Nyi wudo kikiṟehie ke Kristo nyi awechikaa naliso ado wukiwa, na ili lya kaṟaṟu naṟuke wapfunyi.

MAWUTO HA WASU 2:23

Mndu chu ili awei mdambike-ho adi kui chila ya Ruwa njiwanze na kui mmanyie foke matsika kacha nyio mukambambya msalabenyi kui mawoko ha walya walaichi wuwawaso mkambaha.

MAWUTO HA WASU 21:11

Kaluchea so kawada ngometa ya Paulo kakupfunga nayo amonyi madende ho na mawoko ho kahamba, “Mumuyo Mwele ahamba adi, mndu menyi ngometa ii Wayuda nyi wudong'u wechimpfunga ipfo Yerusalemu na imdambika mawokonyi ha wandu wa mbaṟi njihenu.”

MAWUTO HA WASU 4:27

Cha kipṟfa nyi lohi kunu mṟinyi fu Herode na Pontio Pilato handu hamu na wandu wa mbaṟi njihenu na wandu wa Israeli walesanza kya isinga lyapfo yele o Yesu ichu ulemshimbwo na mafuda.