MATAYO 2:8 - Bibilia Kui Mdedie fo Kimochi

⁸ Kawasama ke wahende Betlehemu kawawia, “Kehenda tumenyi mnu mbonyi tsa kimana kilya mutsiṟingishie; mukammaa ikiwona muwuye munjiwie mbehenda ikiindya.”

MATAYO 2:8 ပူးပေါင်းရင်းမြစ်များ

2SAMWELI 17:14

Kyasia, Absalomu na wandu wake wa Israeli wakahamba, “Wulaanyi wo Hushai wuwucha kota wulya wo Ahithofeli; kipfa Ruwa naweteṟie ifunja wulaanyi wucha wo Ahithofeli kundu naende mawicho huya Absalomu.”

1WAMANGI 19:2

Yezebeli kaduma ndumi ko Elia kambia, “Maruwa hanjiwahie kuleshe, ngakulia nyamu, kukashika ngama kiheri cha iki nochifanana na waikimbi wa Baali chandu ulewawutia.”

MFANANO 21:30

Kuwode wuṟango ma imanya-pfo, Ma makusaṟo kya Mndumii.

SHILIO 3:37

Nyiu echiidima ihamba kindo kiwutike kidi, ko shile Mndumii-Ruwa ahamba kiwutike kido?

MATAYO 2:1

Yesu kekifeo kulya Betlehemu, fuwei mṟi fo Yudaya, mandi ha mangi Herode, wadi a-walya wandu walaanyi wacha na kulya Yerusalemu, wawuka kya kulya ora la ngamenyi, wakahamba,

MATAYO 2:7

Naho Herode kalaha walaanyi walya kui kirika kawasoṟasoṟa kiheri walewona nyenyeri iya.

MATAYO 2:9

Kyasia wameicho kilya kya mangi wakakuhendia, na nyenyeri iya waleiwona kulya kya ora lo ngamenyi, wadi aiya yamecha iwasongoya ikatana yawashitsa alya handu mana akeri, ikatirimaho.