MATAYO 19:17 - Bibilia Kui Mdedie fo Kimochi

¹⁷ Nao kambia, “Nki ili ombesa kya iki kii kicha? Ichu a mcha nyi aiho umu tupu. Indi kokunda ida alya kwenyi moo kemanya mawawaso nohahendelye.”

MATAYO 19:17 ပူးပေါင်းရင်းမြစ်များ

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

SHIIMBO SHA DAWIDI 119:68

Iyo ui mcha na mowuta mecha, kenjilosha mawawaso hapfo.

SHIIMBO SHA DAWIDI 52:1

Kitewe kekuṟumisha na mawicho nyi iki, iyo mndu mkari? Wucha wo Ruwa wuiho mkonu yose.

EZEKIELI 20:21

Kyaindi wanawo wakanjimina walakunde iosha mawawaso hako, manya ichumia kiidi kya sungusihu tsako kundu waidime ikaa na moo, wakawefanyitsa sabato tsako. “Ikyo kikanjinenga makusaṟo hewakapa na nyashi yako iwaolokie kulya nuka.

WALEWI 18:5

Kui kipfa kya isho mochiwada mawawaso hako na mdumbuye yako; sa mndu echihahendelia nawade moo, Inyi nyi Mndumii.

WAROMA 10:5

Kyamba kilya Mose ahambye kya wuhoṟotsu oshangunyi lo wuwewonyo kui mweeke fo wuwawaso kikeri kiile ke, “Nyi mtanyi mowutana chandu mawawaso hahambie nyio mndu echiwada moo na mweeke fowo.”

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

1YOHANE 4:16

Natso lomemanya mkundye fu Ruwa alukundi nafo lukawefuidikya. Ruwa nyi ikunda motsinda echikaa mkundyenyi-fu nyio awa mokaa na Ruwa na Ruwa awa mokaa nao.

1SAMWELI 2:2

Kuwode msa ai mwele cha Mndumii-Ruwapfo; kuwode oose ai chaopfo; kuwode ai Iṟaṟa cha Ruwa odupfo.