MATAYO 19:14 - Bibilia Kui Mdedie fo Kimochi

¹⁴ Yesu kawawia, “Kelekenyi shiwana shi ma mlashiime shecha na koko. Cha kipfa wandu wai wado chasho nyiwo wumangi wo ruwehu woewa wowo.”

MATAYO 19:14 ပူးပေါင်းရင်းမြစ်များ

MAWOOKIONYI 21:4

Abrahamu kadina mana ulya oke Isaki, kiheri awewode mkonu nyanya chando Ruwa embawasa.

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

MATAYO 18:3

Kahamba, “Na kya lohi ngambia, ‘Mukada mulahaluka’ mukawa cha shiwana ma mochikoya wumangi wo ruwehu muide naho-pfo.

MATAYO 19:15

Nalyo Kashihekya owoko kawuya kakure alya kahenda.

MATAYO 5:10

Nanga iwo wechiitso kiterengionyi kipfa kya wusumuhanyi, kyamba nyiwo wumangi wo Ruwa woiwa wowo.

MATAYO 5:3

“Nanga iwo wai wakiwa kui mrima, cha kifa nyiwo wumangi wo ruwehu woiwa wowo.

MARIKO 10:14

Yesu kekiwona ado, kasungulula kawawia, “Kelekenyi shiwana shikucheye na koko, ma mlashiime; cha kipfa wandu wado chasho nyiwo Wumangi wo Ruwa woewa wowo.

MARIKO 10:15

Nyi kya lohi ngambia. Mndu ada alaambya wumangi wo Ruwa ai cha kimana, echiida naho-pfo.”

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

WACHILI 13:7

Indi nalenjiwia ke njechikapika njifee mana o kisoṟo. Kanjiwawasa njilanyo mvinyo ma kindo kenanza ma ilya kindo kifanyi ngafu, kipfa manacho nechiwa mshimbuo ko Ruwa wokia ifeo lyake mṟasa ipfa lyake.”

1SAMWELI 1:11

Kalya nyamu kechihamba, “Hoi Mndumii-Ruwa o matorito, ko koya aambuya matuuro hako inyi mṟundi apfo, konjisumba inyi mṟundi opfo, mana o kisoṟo, njechi kuinenga iyo Mndumii-Ruwa manacho nawe opfo kiidi kya moo foke fose; wembe wochioda njui tsa mdonyi foke ma indipfo.”

1SAMWELI 1:22

Kyaindi kambali Hana alahende, kipfa nalewia mii oke kye, Oweṟe mana kameda ionga, njechimduo nawiko oshangunyi lo Mndumii-Ruwa, nadeo pfo kiheri kyose.

1SAMWELI 1:24

Kiheri alemdumbutsia ionga nalemduo handu hamu na ipung'a Iya maaka Iṟaṟu, ikunyia lya mso na kitumo kya mpfinyo. Hana kaitsa manacho na mba ya Mndumii-Ruwa ipfo Shilo, nao mana nawei mnangu.

1SAMWELI 2:18

Kiheri kyo, Samweli kaengeṟa iṟundia Mndumii-Ruwa, kyechiṟaa kizibau kya kitani.