MATAYO 18:8 - Bibilia Kui Mdedie fo Kimochi

⁸ Kikuendye wusutsu kokoya nyi kuwoko kopfo ang'u kudende kopfo kumanye ukukumbe aleshe. Nanga iyo koida ipfo kwenyi moo kui kileta ang'u kui kiricheche kota ili owode mawoko hawi na madende hawi kohenda kumbo kulya modonyi fo mlungana.

MATAYO 18:8 ပူးပေါင်းရင်းမြစ်များ

YESAYA 30:22

Nanyo nyi mochifanyitsa kipfinyiko kya sanamu tsanu tsa fesa, na mawala ha sanamu tsanu tsa sahabu tsi tsisalaṟe; nochitsikumba kuleshe cha kindo kifanyi ngafu; nochihamba, kure uwuke iya.

YESAYA 33:14

Wanyamaṟi wai kiidi kya Sioni waowuo; kidedemo kyawada walya walaidikie Ruwa; “Nyiu o kodu echiidima ikaa na modo fochilya; nyiu o kodu echiidima ikaa na modo fochirumatsa mlungana?”

EZEKIELI 18:31

Denyi mawuto hanu hose mawicho muwenjinyamaṟie, kuṟikenyi nguo njicha na mrima iyo mba ya Israeli, nkili mukundi ipfa?

MATAYO 17:27

Kya indi nyi kundu lulawaendye wusutsu kehenda-ng'u kulya ipalyipalyinyi ukumbe kimenya kedeha makunga. Na ikunga-lyo lyechisonguo ido uliwade. Nalyo kotambaṟuo dumbu lyalyo nyi ochiwonaho fesa. Nayo uduo uhende iwainengya handu hako na iyo.”

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

MATAYO 25:46

Nawo wahende malisyonyi ha wukiwa wokaa mlungana na walya wa wusumuhanyi wawehenda ipfo kiidi kya moo fo mlungana.”

LUKA 14:33

Nyi wudo-ng'u na orio umu onu, echiidima iwa mloshe oko, alawooka ikuletsana na shilya awodepfo.”

LUKA 16:24

Kalesha ṟu, kamlaha kahamba, ‘Hoi wande oko Abrahamu! Kenjisaṟia-wo wukiwa, nokeduma Lasaro nakape kimdo kya kimnyo kyake mṟingenyi nache injioloṟa olimi-lu; kipfa ili njiilya mnu wukiwa kunu ngumienyi ya modo-fu.’”

WAROMA 13:12

Kio kyaitika ihenda mfiri nyi icha fukeri. Ili kii kido lukuatwo mawuto hose ha meema luṟae shisha sha sa.

OTAMBAHALUO LO YOHANE 14:10

Nyio amonyi echinyo mpfinyo irie nyashi ya Ruwa ii-njiheṟie ipfo kirahunyi kya wutuuke woke iilai-nlongye mṟinga. Nao mnduchu echituuro ipfo modonyi fodosa mumuyo fo uṟoi wopfumba oṟoo sumhana na wasu waele na Kidahina kilya.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”