MATAYO 18:31 - Bibilia Kui Mdedie fo Kimochi

³¹ Kyasia masinga halya wodoe hekiwona kiwe kido naho hakasokyo mnu nyi fowa ing'anyi. Hakahenda ongoya Mndumii ulya oho kilya kyawa kido kyose.

MATAYO 18:31 ပူးပေါင်းရင်းမြစ်များ

MAWOOKIONYI 37:2

Ishi nyisho shishari sha Yakobo. Yosefu awewode maaka ikumi na mfungade (17), nawekelisa machondi hamu na wana wa mae, nao nawei manake handu hamu na wana wa Bilha, na wana wa Silipa, waka wa ndee. Yosefu kaendie ndeawo mbonyi tsawo njiwicho.

SHIIMBO SHA DAWIDI 119:136

Meso hako haitonyitsa meda ya mṟinga, kipfa welekeindia mawawaso hapfo.

SHIIMBO SHA DAWIDI 119:158

Njilewona wekewuta wuwahi ngasuo, kipfa walaleindia idedo lyapfo.

YEREMIA 9:1

Kima mdo foko fuwechiwa ṟungu lya mṟinga, na meso hako hakawa soka ya mchenyeṟe, kundu njiidime ifihiṟa mfiri na kio, kipfa kya walya walewoho, wai wandu wako.

MATAYO 14:9

Na mangi kawado nyi fowa, kya indi nyi kipfa kya nyamu tsilya na wandu wadamye nao kimu kilionyi kya choonga nkyo kyamnenga kawawasa nainengo.

MATAYO 18:28

Kyasia isinga lilya lyekihenda ipfo nja kawona msinga wodoe lilya limu-ho liwode sile yake ya dinari ihana. Kamchinga oṟoo kambia, “Njitaa sile yako uwode!”

MATAYO 18:30

Nalakunde. Kahenda kamkumba kulya kipfungonyi na namtae sile iya awode.

MATAYO 18:32

Nalyo Mndumii oke kamlaha kambia, “Kui isinga iwicho. Sile iya yako uwewode na inyi ngakudea yose piu kipfa lyandi onterewa.

MARIKO 3:5

Kekiwaṟengutsya meso kawaichyo nyashi, akuinadie kya wuumu wo ngoo tsawo. Kawia mndu ulya, “Hoṟuo owoko-lopfo.” Kahoṟwo, owoko loke lukachia-se.

LUKA 14:21

Msoṟo ulya kawuya kaongoya mndumii oke ado. Naalyo menyi kanyi kapfuluko nyashi, kawia msoṟo ulya oke, ‘Kure owinyii faṟa nohende ipfo mtandarenyi na ipfo njienyi tsa mṟi noende wakiwa na shileta na wapfu-meso na wairiteka nowaitse na kunu.’

LUKA 19:41

Ashika kufui na yafukia, kawona mṟi fulya kafulilia.

WAROMA 12:15

Kewechihionyi kimu na iwo wawachihie, muwelia na iwo welia.

2 WAKORINTO 11:21

Iki ngadeda kirie wusutsu cha ili luwei wafafa. Kya indi komkoya kwipfo ai na tumbe ya kindo kiwe na kiwe, ngadeda iki kya utambashi, na inyi ngawika nakyo tumbe.

WAEBRANIA 13:17

Muhendelye wasongoru wanu na iwahoya, kyamba wo walaa chowe wechiwinya mrima yanu wai wandu warie ihenda weso kyayo, kundu wahendehaluo-ho wawodo n sia walawone wechisumukya. Kikamba kido kiwemfurunjikia.

WAEBRANIA 13:3

Muwe mochikumbuo walya wai wapfunge cha ili mompfungo hamu nawo, muwekumbuo waiwature muwode mbihu chawo.