MATAYO 18:15 - Bibilia Kui Mdedie fo Kimochi

¹⁵ “Indi kokoya manomayo akunyamaṟye na iyo uhende umhoṟye deko lyake mukeri-ho nyo nao muwawi. Kokoya kekwadanya hoo nyi okuwonya manomayo.

MATAYO 18:15 ပူးပေါင်းရင်းမြစ်များ

SHIIMBO SHA DAWIDI 141:5

Mndu awode wusumhanyi nanjikape, kechiwa wucha; nanjipomie kechiwa cha mafuda mdonyi; mdo foko fulalehe, kyamba njekeda iterewa kiidi ya mawicho hawopfo.

MFANANO 11:30

Shilimu sha mndu mcha nyi ikidi lya moo; Na mndu mṟango nekekuruo mrima ya wandu.

WALEWI 19:17

“Kulawikie odoo kiṟaache mrimenyi fopfo, indi orio kiheri uidikiane na wamṟasa opfo kundu kulashike iwuta wunyamaṟi.

MATAYO 18:14

Na wudo kindo kilakikunde nyi Wande o ipfo ruwehu nyi iwa watutu kudekye-ho ma ichu umuho.’”

MATAYO 18:21

Nalyo Petro kacha naho kammbesa, “Ale Mndumii! Manowama nyi echinjinyamaṟya-nyamaṟya nashike indii na inyi njimhooṟie shilya anyamaṟie?

MATAYO 18:35

Na Wande o ipfo ruwehu na wudo echimbika nyo mkada mlahoṟyana kui mrima mndu na odoe shilya mnyamaṟyanyi.”

WAROMA 12:21

Ulakunde iwinzo nyi kilya kii kiwicho, kya indi kilya kii kiwicho ukiwinze ochiwuta kii kicha.

1 WAKORINTO 8:12

Na wudo ili muitahachia wanawawama wo na ikapa ngo tsa mrimenyi yawo ifafaa idi, nyio Kristo mukeri imtahachya.

2 WAKORINTO 7:12

Kyasia-ng'u ma kikawa njilemṟehya nyo baṟuo iya chi ngameiṟehya kimaduma kya motahachya ulya ang'u kya motahachyo ulyapfo, kya indi nyi kundu kumanyikye ipfo konu ke nyi muwodo mnu kyadu so oshangunyi lo Ruwa.

WAGALATIA 6:1

Wanawawama, kokoya kwipfo sa arendemka kaho, kembihiṟyenyi kambenyi kui mumuyo mwoloṟu nyo mui wenyi Mumuyo. Kekuṟise-wo kulawone ochitewo kumonyi.

WAKOLOSE 3:13

Muhoyane muwenyi na wenyi mochihoṟyana kokoya kwipfo awode kyededya ungi. Chando nao Mndumii alemuhorya nyo nanyo kimuwaṟi muwute mudo-ng'u.

1WATESALONYIKYE 4:6

Cha kya mkambo ya kihenu ilaichi Ruwa. Ma mndu nalawone echieera manomae mbuchenyi ma imlemba, kipfa Mndumii ai mdeheli modehelya kya ishi shose chando lulemsonguo imbia na iṟingishia.

2WATESALONYIKYE 3:15

Manya mulambade cha ili m mkituwa, kya indi mumkumbuṟe cha manowama.

TITO 3:10

Mndu mtindili, komaa imdedya limu na lya kawi, wuta-ho mdo.

1PETRO 3:1

Nyo waka kuwikyenyi shi ya wamii wanu. Ma kokoya waipfo wasoṟo walasoṟa idedo lya Ruwa, wahende iliidikia kipfa kya mkao yo yanu mcha. Ma chi kui madedo-pfo.