MATAYO 17:27 - Bibilia Kui Mdedie fo Kimochi

²⁷ Kya indi nyi kundu lulawaendye wusutsu kehenda-ng'u kulya ipalyipalyinyi ukumbe kimenya kedeha makunga. Na ikunga-lyo lyechisonguo ido uliwade. Nalyo kotambaṟuo dumbu lyalyo nyi ochiwonaho fesa. Nayo uduo uhende iwainengya handu hako na iyo.”

MATAYO 17:27 ပူးပေါင်းရင်းမြစ်များ

MAWOOKIONYI 1:28

Ruwa kawawikya ona, na iwawia, “Hendenyi mochifee muengeṟeke, muichuṟe masanga na ihaitoṟia; muchilie makunga ha ipfo mṟingenyi, na malehe ha ruwehu, na orio kii kiumbe kii na moo kii kunu orukenyi.”

1WAMANGI 17:4

Na ipfo nochinyo mṟinga fo kimeda-kyo; ngoseṟa ngameṟeheṟa makuru hakuendie kando.”

SHIIMBO SHA DAWIDI 8:8

Malehe ha ruwehu na makunga ha mṟingenyi na orio kyekyeida njia tsa ipalyipalyinyi.

YONA 1:17

Mndumii kateseheṟa ikunga ling'anyi kundu limeṟe Yona, nao Yona kakaa ndewunyi ya ikunga lilya mkonu iṟaṟu kio na mfiri.

YONA 2:10

Mndumii kadeda na ikunga lilya, nalyo likadaika Yona wambaṟa ya ipalyipalyi.

MATAYO 17:26

Ili ahaluo, “Na iwo wa kundu kungi.” Yesu kambia, “Nahong'u wana wakawa-ng'u nyi wai wawute-pfo.

MATAYO 18:6

“Na iwa watutu wakusirye koko inyi ma ichu umuho mndu kamendye wusutsu kyake iki kichakicha-ho nyi wei ihenda ipfungyo iseo nzingonyi nahende olotso kulya ipalyipalyinyi makidi hawi kundo kuṟungukye kukahenda wanda.

MATAYO 18:8

Kikuendye wusutsu kokoya nyi kuwoko kopfo ang'u kudende kopfo kumanye ukukumbe aleshe. Nanga iyo koida ipfo kwenyi moo kui kileta ang'u kui kiricheche kota ili owode mawoko hawi na madende hawi kohenda kumbo kulya modonyi fo mlungana.

MATAYO 5:29

Indi iyo kowona ma riso lyafo lya kulyo lyechikuendie wusutsu, lituhuopfo, nolikumbe kuleshe, nanga ili odetsa kiwungo kyafo kimu, mbihu fopfo fukaashuka fulamkumbe Gehena.

MATAYO 5:30

Ma kokooya nyi kuwoko ko kulyo kuikuendie wusutsu, kudumbuo nokukumbe kuleshe; nanga iyo kodetsa kiwungo kyapfo kimu, mbihu fopfo fukaashuka fulamkumbe modonyi.”

MARIKO 9:42

“Na mndu ose echitewa iwa wanjiidikye ma ichu mtutu umu-ho nawute wunyamaṟi, kyake kiwei kichakicha-ho nyi ipfungyo iho lya iseo lying'anyi oo nzingonyi nahende kumbo ipalyipalyinyi.

MARIKO 9:43

Na kokoya kuwoko kopfo kukokudekesha kyekudumbuo-ho! Nanga iyo koida na ipfo kiidi kya moo kui kikonu, kota ili uwode mawoko hapfo hahawi koida na Gehena ipfo modonyi fulechiruma. [

LUKA 17:2

Nanga kapfungio iho lya iseo ipfo tsingonyi kapfuluyo ipalyipalyinyi, nlyondo kiwechichia kota ili adekesha umu o watutu.

YOHANE 6:61

Nao Yesu kamanya ke wa kilohyonyi kyake nyi wainunuwa kya ikyo. Nalyo kawawia, “A ikyo kyamutewa mkawa kiṟumaṟuma?

WAROMA 14:21

Kiwe kicha-ho nyi koda kulalya nyama; ma inyo mpfinyo; ma ilya kelya kingi kyekeendye manomayo ikapya-ho mtuulya.

1 WAKORINTO 8:13

Nkyo kimaduma kiti kelya kidekeshe manowama oko nyide ndalye nyama itane mlungana, ndashike tewa manowama oko nakape tuulya.

1 WAKORINTO 8:9

Ke kuṟisenyi mulawone mkuachie fonu fuwe fochiendie walya wai wafafa kihutsa.

2 WAKORINTO 6:3

Kyamba kii kido lulaenenge mndu tewe lyepfuluko kundu wupfuṟukanyi-wu wulawone wochiisalucho.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

1WATESALONYIKYE 5:22

Mudiche kilya kii kiwicho kya orio mbaṟi yose.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?