MATAYO 16:27 - Bibilia Kui Mdedie fo Kimochi

²⁷ Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 16:27 ပူးပေါင်းရင်းမြစ်များ

YOBU 34:11

Kipfa nechitaa mndu o wandu na iṟunda lyake, nao nechihaluo orio mndu nawone njia yake.

SHIIMBO SHA DAWIDI 62:12

Na isaṟia lii kopfo, hoi Mndumii; nyi iyo oketaa orio mndu, chando kimsumhanye na mawuto hake.

MFANANO 24:12

Kochihamba, so luweichi isho pfo, Ngesa icho mohesha mrima chio aichi? Na icho moringa mrima fopfo chio aweichi? Ngesa echitaa mndu king'ang'anyi na iṟunda lyake?

KOHELETI 3:17

Ngahamba mrimenyi, Ruwa nechianduo kya walya wasumhanyi na walya walasumhanyi kipfa kuwode kiheri cha ikyo ko orio iṟunda.

YEREMIA 17:10

Inyi Mndumii njekeṟisa mrima ngawehesha pfinya, tsa mbihu ngaweinenga orio mndu, ohawi lo njia tsake na kiheo kya mawuto hake.

YEREMIA 32:19

Iyo nokesaya kwi wuṟango na nyi okewuta ṟiho; njia tsa wandu tsi kitaṟe oshangunyi lopfo, noketaa orio mndu kihianyi na mawuto hake.

EZEKIELI 18:20

Mndu mowuta mawicho nechipfa. Mana echikapo kipfa kya wunyamaṟi wo ndeepfo, manya mfee echikapo kipfa kya wunyamaṟi wo mana pfo, kyamba wusumuhanyi woichu wusumuhanyi nyi woke amonyi, na wuwicho wo ichu mowuta mawicho nyi woke amonyi.

EZEKIELI 7:27

Koikyo mangi nyi echifihiṟa, na manomangi nawuṟe mkusirie, wandu wose wechidedema na iowuo, kyamba njechimukapa kya mawicho hanu hose muwewutie. Njiwehenda imwanduya chandu muleanduya wodoyanu. Ikyo kihende imuinenga imanya ke Inyi nyi Mndumii-Ruwa.”

DANIELI 7:10

Meda cha fo modo fukaida oshangunyi loke; shiku na shiku wukamṟundya, na shiku ikumi ka shiku ikumi wakahoṟoka oshangunyi loke, mwanduye fukawiko, shitapu shikatambaṟuyo.

ZEKARIA 14:5

Nyo nyi mochidicha muide pichinyi, kiidi kya mafumvu hawi ha Mndumii-Ruwa. Mochidicha cha waku wanu waledicha kiding'ashi kiheri kilya kya Mangi Usia o Yuda, kyasia Mndumii-Ruwa, Ruwa oko nechicha na waele wake wose piu.

MATAYO 13:41

Manomndu nadume wasu wake ipfo wumanginyi woke wasanye mando haendye wusutsu hose na iwo wawutye sha mkika wawewasanya.

MATAYO 13:49

Ili koshika masiyo ha wuyana na wudong'u Nyi wasu wa Ruwa wechicha wahende waweletsana iwo wawicho na iwo wa wusumhanyi.

MATAYO 24:30

Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

MATAYO 26:64

Yesu kambia, “Naakyo ohamba. Na inyi ngambia, wokia wulalu mochiwona Mana o mndu adamye ipfo ora lo kulyo lo pfinya-ii itoṟye akeri icha ai huyaa mapuchi ha ruwehu.”

MATAYO 8:20

Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.”

MARIKO 14:62

Yesu kahamba, “Ee da inyi nyio. Nanyo mochiwona Manomndu adamye ipfo ora lo kulyo lo Menyi Pfinya, kechicha ipfo mapuchinyi ha ruwehu.”

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 21:27

Kiheri-kyo, nlyondo wechiwona Mana o mndu kechicha ario nyi ipuchi, awode pfinya na kiṟumi king'anyi.

LUKA 22:69

Kyaindi wookia wulalu Mana o Mndu nechikaa adamie owokonyi lo kulyo lo pfinya ya Ruwa.”

LUKA 9:26

Kipfa orio mowada sonu tsako inyi ang'u tsa shidedo shako, o ichu na Mana o mndu na echeewada sonu tsake ili echikaa nache na wusuṟi woke, nyiwo wo Nde na wo wamalaika wake waele.

YOHANE 21:22

Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

YOHANE 21:23

Nahong'u nyipfondo kuwewukye mhambo fulya fuvedung'anye ipfo ko wanawawama foehamba, ke mndu chu o kiloshyonyi epfapfo. Na kindo Yesu alembia chi alembia epfapfo. Nyi alembia, “Kokoya ngakunda ichu nakae-pfo njitane ngawuya a ikyo kikuwode ki iyo?”

MAWUTO HA WASU 1:11

Wakahamba, “Lanye wasoṟo wa Galilaya, nyikili muhoṟoki mdi iya mochiambuya ruwehu? Yesu chu awuto konu kedao ruwehu na wudo echikaa nache na chando mbembonyi kehenda na ipfo ruwehu.”

WAROMA 14:12

Kikawa kido orio mndu odu nyi echikaa nahoṟoke kii kyake o amonyi ipfo oshangunyi lo Ruwa.

WAROMA 2:6

Natae orio mndu ose wueri wo mawuto hake.

1 WAKORINTO 15:23

Kya indi orio mndu ose na itumana limsumhanye, mboki nyio Kristo numa walya wake o Kristo ili echiwuya.

1 WAKORINTO 3:13

Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki.

1 WAKORINTO 8:8

Kya indi kando kaa na wucha wolusanza na Ruwapfo. Lukaalya lui na wo mwengeṟyapfo, lukada lulalya lohenda iwunyiṟyopfo.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

WAEFESO 6:8

Kumbwonyiwo ke orio mndu ose kindo aleuta kiwei kicha, manya awei isinga manya msuṟi, echikitao nyi Mndumii.

WAKOLOSE 3:25

Cha kipfa ichu anyamaṟa echitao kya kilya awenyamaṟie. Ruwa ekyekundia-pfo.

1WATESALONYIKYE 1:10

Na iwedya Mana oke ichu alemṟutsa wapfunyi nache awuka ipfo ruwehu, nyio Yesu moluringa nyashi iya ikeri icha.

1WATESALONYIKYE 4:16

Kipfa matika halya koichio iwawaso lyeamtsa ṟu lya msu mwele mchili na ombe lo Ruwa lochideda, Mndumii kachesoka ruwehu, oweṟe na lulya wapfie wa Kristo wechiṟuka wasonguo.

YAKOBO 5:7

Tsindenyi mochikukarishya itane Mndumii echikuloṟa. Ambuya, mndu mdemi akeri iwedya kilimu kicha kya sanga echikukarishya kyakyo itane kyaambya mvuo yesonguo na mvuo yainutsya.

1PETRO 1:17

Nanyo ili muisenda Ruwa nyio Wande ichu ai modumbuya orio mndu ose mdumbuye isumhanye mawuto hake alechiambuya oshangu; Chumienyi ohendo lonu kiheri ki kitsuha mui wahenu mochiindia Ruwa.

1YOHANE 2:28

Na wulalu, wana, kaenyi mukuwode na Mndumii kundu mandi echiwoneka, lukae-ho na wulalutsu lulahutsyo sonu nyio ipfo machee hake.

YUDA 1:14

Indi kyawo na Enoki mku chu o mfungade wokia Adamu alemaa ideda kui Mumuyo kehamba. “Ambuya Mndumii nechicha arianyi na malaika wake wai matorito ha shiku ikumi ikumi.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.

OTAMBAHALUO LO YOHANE 20:12

Na ngamwambuo ngawewona wandu walya wang'anyi na walya watutu wahoṟoki oshangunyi lo loṟika lulya lo wuitoṟi. Na shitapu shikatambaṟuo. Kukawetambaṟuo na kitapu kingi, nkyo kitapu kya moo. Na wapfu walya wakaanduyo kyawo kisumhanye mawuto hawo haimaṟehye ipfo shitapunyi.