MATAYO 16:24 - Bibilia Kui Mdedie fo Kimochi

²⁴ Nalyo Yesu kawia walya wa kiloshionyi kyake, “Ichu echikunda icha na inyi iya num-ko naa nakukane amonyi nakudike na msalaba foke nache oshana na inyi.

MATAYO 16:24 ပူးပေါင်းရင်းမြစ်များ

MATAYO 10:38

Na mndu ada alakudika msalaba foke na icha oshana na inyi kunu numaako nanjiwaṟipfo.

MATAYO 27:32

Warie njia yehenda wakawona mndu awuka kulya Kirene ewio nyi Simon. Nawo wakamitikya nakudike msalaba fulya foke.

MARIKO 10:21

Yesu kamambuya kamkunda kambia, “Utsuheṟe kindo kimu, kehenda nokumbe isho uwode noenengye wakiwa, naho ochiwada kisa kya shindo shifoi ipfo ruwehu. Komidima, uche oshana na inyi.”

MARIKO 15:21

Wai njienyi wechihenda, wakaitikia mndu aida-ho, elaho Simon o Kirene, awuka demenyi. Nyio ndeye o Aleksandria na Rufo, wakamwitikya nakudike msalaba fulya fo Yesu.

MARIKO 8:34

Numa Kalaha kituṟu kya wandu handu hamu na wa kiloshyonyi kyake kawawia, “Kokoya mndu akunda oshana na inyi, kimbaṟi nakukane amonyi, nakudike na msalaba foke, naoshane na inyi.

LUKA 14:27

Orio sa ada alakudika msalapa foke fopfiaho nanjioshe-ng'u inyi, echiidima iwa mloshe okopfo.

LUKA 23:26

Kiheri wawemrie, wakakumbuhanana na mndu ewuka mdeminyi foke, ewio nyi Simon o kulya Kirene, wakamdika msalaba fulya foke nafuduo oo numa yake.

YOHANE 19:17

Wakahenda warie Yesu. Nao kahenda akudikye msalaba foke amonyi. Kawuka kulya mṟinyi kashika kundo koelaho nyi ko mbuonyi. (Na rina lya Kiebri nyi Goligota.)

YOHANE 21:19

Na kyamwenenga kadeda ado kyemtongya opfu akaa naluwone naṟumishe nalo Ruwa nyi lochiwa lo mbaṟi njiki.) Ekimaa ihamba ado kambia, “Kenjiosha.”

YOHANE 21:22

Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

1WATESALONYIKYE 3:3

Kulawone kochiwoneka afafaa shiwirenyi ishi. Kipfa nyo muwenyi muichi ke luiwawike kya ikyo.

2TIMOTEO 3:12

Na wudo na iwa waitambahanye moo kui wuindi woindia Ruwa wo Kristo-hu Yesu wechiterengyo wose.

1PETRO 2:21

Isho nsho muiwalahie; kipfa nao Kristo alewawiṟo kipfa kyanu kamdea mtaato mpfunge kundu muoshe njayo tsake.