MATAYO 16:21 - Bibilia Kui Mdedie fo Kimochi

²¹ Nalyo kiwokia-lyo Yesu kawoka iloṟa wa kiloshionyi kyake ke na nahende kulya Yerusalemu na ihenda iliso wukiwa wunyanyi nyi wasongoru wa wandu na Wakohanyi wanene na walosha wa mawawaso na imbaha wawembaha na ili mfiri fo kaṟaṟu naṟuke.

MATAYO 16:21 ပူးပေါင်းရင်းမြစ်များ

NEHEMIA 12:7

Salu, Amoki, Hilkia na Yedaya, iwa nyi wawei wanene wa wakohanyi na wana wa mayawo kiheri kya Yeshua.

MATAYO 12:40

Cha kipfa Yona chando awekeri kulya ndewunyi ya mkunga fulya handu ha mfiri iṟaṟu na shio shiṟaṟu, na Manomndu na wudo echikaa wusunyi wo oruka handu ha mfiri iṟaṟu na shio shiṟaṟu.

MATAYO 16:22

Na Petro kamonduo na ndenyi koke kawoka imdedya kahamba, “Kyakyo Ruwa nakiitse kuleshe Mndumii, kiti kindo kido kechikuhoya!”

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 17:12

Kyaindi inyi ngambia, ‘Elia nyi alemecha, na wandu walamanye indi wakamtana chando wawekundi. Na Manomndu na wudo nawekaa naliso wukiwa nyiwo.’”

MATAYO 17:9

Kyasia ili walesoka kulya fumvunyi Yesu kawatutuma kahamba, “Ma mlawone mochihamba kiwonesyo kyo na muwede Mana o mndu natane aṟuka awuka ko wafu.”

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MATAYO 26:2

“Na muweichi ke komtiṟa-se kawi ili lya kaṟaṟu nyi lyelya Pasaka. Na Manomndu nadambiko nahende wa-mbyo msalabenyi.”

MATAYO 26:47

Ili aideda ado alamhutsya adi a ulya Yuda ai umu o ipfo kiidi kya walya ikumi na wawi. Kacha warianyi na wandu wafoi warie njoshu na shiṟeta wa wadume nyi wakohanyi walya wanene na wasongoru wa ipfo wandunyi.

MATAYO 27:12

Na ili kekumbo nyi wakohanyi walya wanene na wandu wasongoru ma nalahaluo kindo.

MATAYO 27:63

Wakahamba, “Mndumii, lombuya ikumbuo mlembi ulya, lyandi i na moo, ke nyi alehamba, njetiṟa mfiri iṟaṟu njiwuye iṟuka.

MATAYO 28:6

Nakeri iyapfo. Nyi amṟuka na chando alewehamba. Njonyi muambuye na handu awemlaṟe.

MARIKO 8:31

Yesu kawoka ilosha wa kiloshionyi kyake, “Mana o mndu, kimbaṟi naliso wukiwa wung'anyi na imino nyi wasongoru wa wandu na wakohanyi wanene na walosha wa wuwawaso Nechiwoho, na ili lya kaṟaṟu naṟuke.”

MARIKO 9:12

Nao kawahaluo, “Ee-da, Elia na echisonguo icha, naachikie shindo shose. Na kya Manomndu nyi wuda ki kiṟehye kyake ipfo Shitapunyi Shiele ke Mana o Mndu nechiliso wukiwa wufoi na iilo?

LUKA 17:25

Kyaindi kuwooka nyi kimbaṟi ituuro mnu na ileho nyi wandu wa oshari-lu.

LUKA 24:46

Kawawia ke, “Nyi wudo kikiṟehie ke Kristo nyi awechikaa naliso ado wukiwa, na ili lya kaṟaṟu naṟuke wapfunyi.

LUKA 9:31

Wakawawonekia wai na kiṟumi wechideda nao kya mainukionyi hake, chando echihenda iinukia kulya Yerusalemu.