MATAYO 16:19 - Bibilia Kui Mdedie fo Kimochi

¹⁹ Njechikuinengya njopfunguo tsa wumangi wo ruwehu, na kindo opfunga kunu orukenyi kyose kiwekaa kikipfunge; na orio kindo omepfunguo kunu orukenyi kyose na kulya ruwehu na kyekaa kiwei kipfunguo.”

MATAYO 16:19 ပူးပေါင်းရင်းမြစ်များ

YESAYA 22:22

Na opfunguo lo mba ya Dawidi nechilumasa kosohu lyake; o nechipfunguo kulawode mopfunga; nao nechipfunga kulawode mopfunguo.

MATAYO 18:18

“Nyi kya lohi ngamuwia, ‘Orio kyose momepfunga kunu orukenyi na ipfo ruwehu na kikae-ho kiwei kipfunge. Na orio kindo kyose momepfunguo kunu orukenyi na ipfo ruwehu kekaa-ho kiwei kipfunguo.’

YOHANE 20:23

Wesa mochiwahooṟya njonyamaṟo tsawo wametsihooṟyo, na wesa mochiwapfungiṟya njonyamaṟo tsawo wametsipfungiṟyo.”

MAWUTO HA WASU 15:7

Koikikaa-ho mawesano hafoi Petro kakure kawawia, “Lanye womi wanawawama, nyo nawo muichi ke na mkonu iya ya kuwoka oo kiidi kyanu Ruwa nyi alewawasya dumbu lyako lyechitarama wandu wa mbaṟi njihenu wahende iicho ndumi ya sia ya okiio na iidikya.

2 WAKORINTO 2:10

Indi ipfo kundo nyo mohoṟya mndu na inyi na mbeho; kyamba nyo ohoṟya mndu na inyi na mbeho; yamba nao inyi kilya ngamehoṟya kokoya kuwode kilekunda ihoṟyo nyi inyi, nyi njilemkihoṟya kimaduma kyanu njii odatsinyi lo Kristo.

1WATESALONYIKYE 4:8

Nkyo kimaduma mndu aleha iki aileha mndu o wandupfo indi Ruwa chu alemwinenga nyo Mumuyo oke mwele.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.

OTAMBAHALUO LO YOHANE 11:6

Wo nyi wawode pfinya yepfunga ngina kulakape-pfo mvuo mkonu ilya ya mbiia tsawo. Wawode na pfinya yehaluo soka tsose tsa mṟinga fuwe samu na ikapa wanda ii orio ngapo yose orio mandi wakunda.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.

OTAMBAHALUO LO YOHANE 9:1

Na msu ulya mwele o katanu kakapa ombe loke. Ngawona nyenye riwukye ruwehu iolokie wanda. Nayo ikaenengo opfunguo lopfunguo ngoolokyo ya ko wapfu.