MATAYO 16:16 - Bibilia Kui Mdedie fo Kimochi

¹⁶ Naho Simon Petro kahaluo kahamba, “Iyo nyi ukeri Kristo Mana o Ruwa ichu menyi moo.”

MATAYO 16:16 ပူးပေါင်းရင်းမြစ်များ

SHIIMBO SHA DAWIDI 2:7

Njechionguo mawawaso; Mndumii alenjiwia, nyi iyo manoko, Inyi nyi inu ngakufee.

SHIIMBO SHA DAWIDI 42:2

Mrima foko nyi fui fuangari kipfa kya Ruwa, Ruwa ainamoo, nyi indi njechicha njiwono oshangunyi lo Ruwa?

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

MATAYO 1:16

Yakobo kafee Yosefu ai mii o Maria ichu mofee Yesu chu ai Kristo.

MATAYO 14:33

Kyasia walya wa kulya ngalawenyi wakamolokya wanda wakahamba, “Na lohi na ukeri Mana o Ruwa!”

MATAYO 16:15

Kawawia, “A kyanu nyo mokehamba njikeri nyi wu?”

MATAYO 26:63

Na Yesu katsia sau. Na mkohanyi ulya mnene kahaluo kambia, “Ngakulisa-ng'u nyamu so Ruwa chu menyi moo uluwie kokoya na ukeri Kristo kui Mana o Ruwa!”

MATAYO 27:54

Kyasia mchili ulya o siṟi ya ihana wakeri-pfo na walya weringa Yesu wamidima iwona kiding'ashi kilya kyaida-ho na shindo shilya shawutika wakaowuo mnu wakahamba, “Na lohi ichu nyi awekeri mana o Ruwa.”

MATAYO 4:3

Mheshi kacha naho kambia, “Kokoya na iyo Mana o Ruwa, kewia-ngu maho-ha hawe kando.”

MARIKO 14:61

Nao kakutsia sau, nalahaluo ma kindo. Mkohanyi Mnene kawuya imbesa-se kambia, “Iyo na ukeri Kristo, Mana o Ruwa ichu aidapfumo?”

LUKA 2:11

Kipfa ili momefeeyo mkiṟa inu; nao nyi Kristo Mndumii kulya mṟinyi fo Dawidi.

YOHANE 1:49

Natanaeli kamhaluo, “Hoi Rabi, iyo nyi ukeri Mana o Ruwa, Iyo nyi Mangi ya Israeli.”

YOHANE 11:27

Nao kambia, “Ee-wo Mndumii, nawo ngamekuidikya nyi ui Kristo Mana chu o Ruwa ulya awechicha na kunu wuyana.”

YOHANE 20:31

Kya indi itsi tsii-njiṟehye-ho kundu mukuutyeho iidikya ke Yesu akeri Kristo Mana o Ruwa, na ipfo kundo mwidikye mudi mushike ikoya-pfo moo kui pfinya ya rina lyo lyake.

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

YOHANE 6:68

Simon Petro kamhalwo, “Hoi Mndumii lukuhendye ko u ngesa? Nyio iyo uwode madedo haende moo fo mlungana.

YOHANE 6:69

Naso lomekuwutya-ho ikuidikya lukakumanya ke iyo nyi ukeri Mwele chu o Ruwa.”

MAWUTO HA WASU 14:15

Wechihamba, “Lanye womi, a nyi kindo kiki mkeri iwuta? So luwei wandu wepfa chanyo luimwongoya ndumi ya sia ya okiio kundu muhaluke mulekane na shindo shi sha maai muhalukye Ruwa chu menyi moo ichu awikye ruwehu na wanda ii na ipalyipalyi na shindo shose shikeri-ho.

MAWUTO HA WASU 8:36

Kyasia wechihenda wadi ipfo njienyi wakashika ikoya kundo ko mṟingenyi. Mnzenge ulya kahamba, “Ambuya aifu mṟinga, nyi kiki kyechinjiima njilapatso?” [

MAWUTO HA WASU 8:37

Filipo kahamba “Kombona amekuidikya kui mrima fopfo fose na kwipfo momu.” Nao kahalwo. “Ngaidikya Mana o Ruwa ke nyio Yesu Kristo.”]

MAWUTO HA WASU 9:20

Nalyo liyenyi kaonguo kya Yesu kulya masinagogenyi ke o nyi Mana o Ruwa.

WAROMA 1:4

Ambike-ho Mana o Ruwa Menyi pfinya kui Mumuyo mosumba wuele likawa kui iṟuka wapfunyi, nyio Yesu Kristo Mndumii odu.

2 WAKORINTO 1:19

Kyamba Mana o Ruwa Kristo Yesu ichu luimhamba konu inyi na Silwano na Timoteo, o alakulongye ee na ote, kya indi nyio ai “Ee” ya Ruwa.

2 WAKORINTO 3:3

Nyi mutambahalukye na pata ke nyi mui paruo ya Kristo i njitomboyane nyiso, ii njiṟehye chi kui wino kya indi kui Mumuyo o Ruwa chu menyi-moo; chi mapalu-hu ha mahopfo indi mapalu-ho ha ngoo stii nyama.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

NGUMBUO YA MAWAWASO 5:26

Ngesa! Nyi mndu o mbaṟi njiki alemeicho Ruwa menyi moo kechideda kuwuka kiidi kya modo chando so loicho numa kawekaa na moo?

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

1TIMOTEO 3:15

Indi kokoya ngakeleo nomanye njia isumuhanyi yekuidya mbenyi ya Ruwa. Nayo nyi siṟi ya Ruwa ichu menyi-mooo, ii ngo iya yekanza kiwulohi.

1TIMOTEO 4:10

Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

WAEBRANIA 10:31

Nyi koweshye munu yolokya mawokonyi ha Ruwa menyi moo.

WAEBRANIA 12:22

Kya indi nyo momshika itikiria fumvu lya Sioni na mṟi fo Ruwa menyi moo, nyifo Yerusalemu ya kiruwehu na matorito ha wasu waele halawa italo.

WAEBRANIA 3:12

Kuṟisenyi wanawawama, kulawone mndu ai kiidi kyanu menyi ngoo njiporu ilaidikye, nayo yechilekana na Ruwa menyi moo.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

1YOHANE 4:15

Ipfo kundo mndu awa mohamba ke Yesu ai Mana o Ruwa nyihondo Ruwa ekaa nao nao akeri na Ruwa.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

1YOHANE 5:5

Mmbinzi mowinza wuyana-wu nyi-wu, shila nyi ichu aidikye ke Yesu ai Mana o Ruwa?

OTAMBAHALUO LO YOHANE 7:2

Na ngameambuo ngawona msu mwele ungi echido ora lo ngamenyi ipfondo mnengeṟi fokedo awerie mhuri fo Ruwa menyi-moo. Kalahya na ṟu ling'anyi wasu walya waana wawei-waenengye pfinya yehoṟuo sanga na nduwa.